الطالبات الي درسوا مبادئ تسويق 211

[غـنـى]

السلام عليكم يا بنوتات

ابغاكم تساعدوني لو سمحتوا اذا قدرتوا

مادة مبادئ تسويق 211 مع استاذه جيهان فكهاني

طبعا الماده فيها مشروع بوربوينت عن شركة احنا نختارها ونكتب عنها

المشكلة ان الاستاذه ما فهمتنا اش نكتب بالضبط يعني عن اي ناحية اتكلم وكيف اطبق الي درسناه ع

البوربوينت ده انا عن جد مو عارفة ولما نسألها تقول لا احد يسألني عن شي الى يوم العرض حقكم

نشوف انتي شوفي الي درستيه وطبقي طيب انا احس الي درسناه نظري ماني عارفة اش اطبق فيه


يا حلوين لو وحده عندها خلفية عن الموضوع او عملت عرض قبل كده يا ريت تفيدني

انا والجروب حقي اخترنا شركة صافولا هذا كل الي اعرفه بس اش اجمع عنها وكيف ابدأ ماني عارفة


الي تعرف لا تبخل علينا وشكرا لكم ^_^....

[.,.نيــــــــــــــــــــران.,.]

اديك مثال

انا مثلا اخترت شركة سوني اريكسون اوكي؟

واخترت عنصر الترويج ،،

افتحي الدرس واكتبي عن الشركة ذي كيف تروج نفسها باستخدام عناصر الدرس
يعني مثلا هي تستخدم تسويق الكتروني (نت) جيبي صور من النت تدعم كلامك
وقولي ان الشركة تستخدم عنصر التسويق الالكتروني وانسخي شويه من كلام الكتاب ودخليه مع سوني اريكسون


افتحي الكتاب على العنصر اللي استخدمتوه سواء منتج وللا تسعير وللا توزيع وللا اي شي
وشوفي ايش الشركة استخدمت؟؟
وحطي من كلام الكتاب بس اللهم وجهي الكلام على الشركة

وعلى فكرة هي ماتبغه تقوليلها تعريف المنتج؟؟ عناصر المنتج؟؟ >>لانها حتقول انا ماابغاك تشرحيلي الدرس


اختاروا شركة سهلة فيها معلومات من النت وكمان اختاروا عنصر سهل (اشوف المنتج والترويج اسهل شي)

موفقين

[غـنـى]

يديكي الف عافية

شكرا لكي راح احاول بس عندي استفسار

دحين هي العناصر ( السعر - المنتج - الترويج - التوزيع )

انا الي فهمته منها انه نكتب عن كل العناصر !!!!!

ولا هو لازم اختار واحد فيهم واتكلم عنه ؟؟؟


افيديني يا حلوة اذا سمحتي ^_^....

[.,.نيــــــــــــــــــــران.,.]

احنا اول وزعتنا مجموعات كل قروب يتكلم عن عنصر واحد فقط

اسأليها في ساعاتها المكتبية او بعد المحاضرة
او اسألي القروبات الثانية

موفقة

[غـنـى]

يديكي العافية يا قمر

جزاكي الله خير ماقصرتي

^_^....