للاهل الخبرة

[ميمو الجهني]

انا مستوى خامس وابغى اخد ماده حره او اختياريه بس تكون سهله عشان ارفع معدلي وش احدف من هدي المواد عشان اخد بدالها


مبادىءالعلوم السياسية 3س
محاسبة حكومية 3س

قانون اداري 3س

نظرية التنظيم 3س

ادارة الخدمة المدنية ساعتان

و الساعات المطلوبه 15 س


افيدوني الله يوفقكم

[ميمو الجهني]

مايسير ولا احد رد اعوذ بالله

[النديم]

أهلين أختي

المشكلة موادك مهمه واغلبها تفتح لك مواد جاية هذة هي النقطة اللي محيرة فعلا

على العموم

أول اتمنى تحدثي بروفايلك عشان نعرف قسمك و مسارك أو تذكرينها

عشان تكون الافادة افضل و متأكدين منها

ثانيا كم المعدل هل هو في خطر او عادي ؟

وبإذن الله راح اساعدك بإقتراح أو أكثر

[ميمو الجهني]

اداره عامه مسار تنظيم وتطوير إداري
معدلي
الفصلي 3.40
الكلي 2.81

[ميمو الجهني]

ربي يسعدك ع الرد

[نوسهه]

لا المواد حلوة وسهله لكن الكلام عالي يدرسو
السياسه مره حلوة وسهله خديه مع امل عرب والمحاسبه الحكوميه حلوة بس الي ماحبيتها الخدمه المدنيه اخدتها مع رزان هدايه وجابت اسئله من كلام ماتتوقعيه فالو هي ماسكه الشعب الغي الماده

[abu.hossam]

خليك على موادك لانها متطلبات لمواد قادمة واتركي المواد الحرة والاختيارية مستقبلاً مادة لن تزيد لك في المعدل فأجتهدي فيما ذطرت والله يوفقك

[النديم]

فعلا كما توقعت

معدلك محتاج عناية خاصة لأنك قريبة الخطر ...!!!


ولازم تعملي إحتياطات وتشدي حيلك لأن عندك فرصة قوية جدا إنك ترفعي معدلك وبإمكانك ترفعيه

بشرط المذاكرة المبكرة بالاضافة إلى التركيز في المذاكرة و حل أسئلة الأعوام السابقة ...


مبادىءالعلوم السياسية مادة سلسة وحرام تكون درجتها أقل من 80


محاسبة حكومية إذا إنتي في الحساب مو قد كذا أشوف إنك تحذفيها لترم أخر أو تشوفي لك مدرس

وتحلي تمارين كثيرة عشان تتقنيها ...

قانون اداري أسهل من مبادئ القانون نوع ما لكن ما يمنع إنك تذاكري زين وتجيبي درجة مرتفعة

نظرية التنظيم المادة هذة مهمة جدا وتفتح لك مواد اخرى في المستويات الجاية وفي نفس الوقت مادة مركزة

ولا يستهان بها رغم انها نظري لكن فيها اسماء علماء و نظريات كثير وتحتاج إلى جهد مضاعف ....

ادارة الخدمة المدنية المادة منهجها حلو لكن على حسب ما قريت لكثير من الاخوات فيه بعض الاستاذات

صعبوا الاسئلة و كان فيها لف و دوران كثير فعشان كذا أنصحك تتأكذي من الاستاذة اللي حتنزلي عندها

المادة و تشوفي اسئلتها الاترام الماضية و تعرفي اسلوبها ...

وأنصحك تقولي بينك وبين نفسك هالترم غير كل الأترام السابقة و انا ابي اغير معدلي للأفضل

و ذاكري و كرري المذاكرة ولاتنسي أسئلة الاعوام السابقة مهمة جدا حليها بنفسك لا تعتمدي على

الحلول اللي حالينها الطالبات لأن في الغالب تكون بعض الحلول خطأ

وإبدأي من الأن جمعي موادك و مذكراتك و كتبك وحددي المنهج حسب إفادت الاستاذات

وإبدأي كا تصفح للمنهج قراءة فقط وبعدها إبدأي المذاكرة الحقيقية

وبإذن الله راح تجيبي درجات طيبة و مرتفعة و راح يتعدل معدلك


وتأكدي بأن الله لا يضيع أجر من أحسن عملا ...


بالتوفيق

[ساحرة القلوب]

اختي كل موادك متطلبات لمواد ثانيه

اجلي محاسبة حكومية عشان ترفعي معدلك وكمان بلاش حره او اختياريه الان

[ميمو الجهني]

الله يسعدكم ع الرد

بس هما يقولو لازم تاخدي المواد الحره بدري لانه ترفع بالمعدل وادا اخدتيها متاخرر ماترفعلك المعدل