خالدة مبادئ علوم سياسية ارائكم عنها وعن اسئلتها

[غرام الطفوله]

بنات تفاجاءة اليوم اني عند استاذة خالدة وانصدمت انها تقول لاتعتمدون
ع الكتاب ممكن اقوول أي معلومة في المحاضرة وتجيك في الاختبار
اللي درسو معها كيف اسئلتها تجيبها من شرحها أو من الكتااااب
أي معلومة عنها ممكن تفيدني

[انتيكآ]

احم
هذا الموضوع اللي كنت منتظرته خخخخ
أخدت المادة دي السمستر اللي فات مع خالده
والبنات جابولي الرعب
بس بصراحه تراها عسسسسل
ي ناسو عليها :$
انتي حتشتري الملزمه او صوروها من البنات
وتابعي معاها ف عرض البور ايً شي مؤ مكتوب اكتبيه
والأسئلة كلها من الملزمه مافي شي من برا
صح أسئلتها شوي عبيطه بس ادا انتي مذاكرة تحلي
اضمن لك ال 90 واكتر
وطبعا المشاركة تعطي ال 10 بالراحة
ما تنقص الا اللي تحسيها عبيطه منجد
وشيً حلو كمان انها ما تعطي حرمان


ربي يوفقك يً سوكرا :)

[غرام الطفوله]

ممكن تعطيني اسم الملزمة واسئلتها مقالي
الكتاب اللي قالت اشتروه هو مبادئ العلوم السياسية
المؤلف د.صدقة يحيى فاضل هو نفس اللي قالت لكم
اشتروه اممممم طيب اسئلتها دقيقة من الملزمة أو واضحه

[انتيكآ]

اممم
تصديق ما اذكر اسمها هع
الورقة الاولى مقطوعة أخدتها من زميلتي > تتوارثها وكدا هههههههه
بس أكيد حتلاقيها مع البنات
وانا شويتين واشووفلك الاسم
هيا تقول جيبو كتاب بس مالو داعي لا تشتريه
الملزمه أحسن بكتير
أسئلتها متنوعه
يعني شوفي مسلا الدوري الاول جابت صح وخطا مع تصحيح الخطأ وتعليل الصحيح
وجبات اختياري
ومصطلح

والدوري التاني جابت عرفي
وتكلمي > سطرين بس
واختياري
وصح وخطا مع التعليل

تقريبا واضحه ان شالله

ولاحد يخوفك خليكي مصحصحه وحاولي تناقشي شوي ف الكلاس
والنجااااح فالك يارب :)

[منتهية]

ركزي على كل كلمة تقولها بالكلاس واكتبيها معاها
هي اسلوبها بالكلاسات باايخ ومررره سيئ

[أمـول]

بصراحة عسل واسئلتها عسل

بس اللي يستعبط و يستخف دمه بالمحاضرات يستاهل ما يجيه !

في بنات يعاندون و يتكلمون و يزعجون غيرهم بالقاعة

طيب اذا بتسولفين اطلعي و سولفي براحتك لا تزعجين غيرك !


انا اقولك توكلي على الله و مثل ما قالوا لك الملزمة وركزي معاها

[غرام الطفوله]

طيب أسم الملزمة بليززز

[mona-20]

انا اخذت الترم الي فات ماده النظام السياسي السعودي

مع استاذه / خالده شادي

الماده تعتبر سهله الصراحه بس لابد من الحفظ
وتعتمد على ماده مبادئ العلوم السياسيه لانها بتتكلم عن النظام السياسي
وانتي اكيد اخذتيها هالماده . ^ _ ^

المذاكره كانت من ملزمه
تابعي دا الرابط :
http://www.skaau.com/vb/showthread.php?t=561628

الاختبار كان حلو
مع انه في كم سؤال جاء من خارج الملزمه بس لو مذاكره كويس حتعرفي تحلي ان شاء الله

ان شاء الله اكون افدتك

[غرام الطفوله]

لا انا المادة اللي اخذها مبادئ السياسة مره خايفة من اسئلتها
وكمان المحاسبة عند دكتورة عيشة احسها مو كويسة صح

[طموحي الامتياز]

الملزمه تلاقيها بخوارزم اللي عند مبنى 12
نازله بااسمها ....~

^__^