استفسار عن التسجيل والبرامج المتوفره وطريقه الدراسه

[رين 12]

السلام عليكم ورحمه الله وبركاته

انا حابه اني ادرس بالجامعه
انا من المنطقه الشرقيه وسمعت ان جامعه الملك عبد العزيز فيها قسم الانتساب المطور
تخصص موارد بشريه وانا هذا اللي ابيه

فياليت تعطوني نبذه عن متطلبات التسجيل ومتى راح يكون التسجيل القادم
و رسوم التسجيل
بالاضافه نبذه عن تخصص موارد بشريه
وعن الاختبارات
واخيرا هل لازم اروح للجامعه عشان اسجل او عشان الاختبارات
ولا كله اون لاين
اتمنى الاقي اجابه لاستفساراتي
وعسى ما ثقلت عليكم

[رين 12]

معقوله ولا رد

يلا حبيباتي انتظر ردكم علي

ادري مشغولين بالدراسه بس ابي شوي بس من وقتكم

[رين 12]

شكيت على رابط القبول والتسجيل

لقيت ان كاتبين التخصصات المفتوحه هي
قسم اللغة العربية.
ب- قسم الدراسات الإسلامية.
ج- قسم الاجتماع.
د- قسم علم النفس - للطلاب فقط .
هـ - قسم التاريخ .
و - قسم اللغة الإنجليزية
ى - قسم الاعلام - علاقات عامة


معقوله بس هذي
طيب وين كليه الاداره والاقتصاد؟؟؟

[الله يوفقني...]

موجوده ياقلبي كلية الاقتصاد والاداره

للانتساب فيها تخصصين تخصص اداره عامه وتخصص ادارة مستشفيات

وللانتظام محاسبه وتسويق .....وووالخ

[رين 12]

تسلمين قلبي على الرد
طيب وبالنسبه لباقي استفساراتي
لازم اروح الجامعه للتسجيل والاختبارات ولا عادي اون لاين
ومتى التسجيل
مابي انتظر للسنه القادمه
ابي السمستر الثاني اسجل

الله يوفقج يارب وتنجحين بأعلي المراتب يارب

[الله يوفقني...]

المشاركة الأصلية كتبت بواسطة رين 12 تسلمين قلبي على الرد طيب وبالنسبه لباقي استفساراتي لازم اروح الجامعه للتسجيل والاختبارات ولا عادي اون لاين ومتى التسجيل مابي انتظر للسنه القادمه ابي السمستر الثاني اسجل الله يوفقج يارب وتنجحين بأعلي المراتب يارب

التسجيل عن طريق النت وترسل الاوراق علن طريق الدي اتش ال وترسل البطاقه برضو عن طريق الدي اتش ال
لكن الاختبارات لازم تحضريها بالجامعه
امممم بخصوص وقت التسجيل والله مااعرف بس الاكيد يسوون له اعلان

ان شاءالله اني اكون افدتك ياقلبي

[Ro0o0o0se]

بالنسبه للتسجيل قفل من 15 رمضان بس سبق واحد استفسر نفس استفسارك وقالوله انه مفتوح بأي وقت اهم شي الرسوم ياقلبي اتوقع لو رحتي وشرحتي وضعك إن شاء الله يقبلونك

[رين 12]

شكرًا
إيه ولله افدتوني كثير
بس اذا بدا التسجيل يحطون اعلان بالمنتدي هنا ؟؟
عشان اعرف وين اتابع