تجربتي في الحصول على أعلى الدرجات ,,

[أم سما]

بسم الله الرحمن الرحيم


السلام عليكم ورحمة الله وبركاته...


في البداية أشكر ثم أشكر ثم أشكر جميع أعضاء منتدى طلاب وطالبات جامعة الملك عبدالعزيز خاصة قسم علم النفس على تفاعلهم مع الأعضاء،، يعلم الله الاستفادة التي استفدتها من المنتدى وأي طالبة تسجل في الجامعة أول نصيحة أنصحها بها أن تنظم إلى منتدانا ، خاصة أني بحثت عن منتديات أخرى لكني لم أجد تفاعل مثل منتدانا ,,

ولرد الجميل أحببت أن اكتب تجربتي في الحصول على الدرجات العالية(ماشاء الله تبارك الله) مع أني ولله الحمد زوجة وأم وأسافر يوميا أيام الاختبار مدة ساعتين لحضور الاختبار- ولكن الحمد لله ربي وفقني وأحببت أن أشارك الجميع في طريقة مذاكرتي ومراجعتي للمواد,,

ألخص تجربتي في أول مستوى تخصص في قسم علم النفس إلى عدة نقاط:
1- متابعة أول بأول لمواضيع المنتدى، ولموقع الجامعة لمعرفة أي أخبار جديدة تخصني.
2- شراء الكتب والمذاكرة من بدري قبل الاختبارات بشهرين على الأقل.
3- أحاول دائما أن الاستغفار يكون على لساني.
4- حددت هدف أني أجيب درجات عالية في كل المواد، والحمدلله ربي وفقني وحقق لي أهدافي.
5- كنت دائماً متفائلة وأتخيل درجاتي كلها a+.
6- قدمت على الإعفاء، وفي انتظاري له حاولت أني أكثر من الاستغفار ، والحمد لله قبلت في الإعفاء.
7- لما نزل جدولي كان باقي شهرين تقريبا على الاختبارات وكانت عندي 6مواد، وصراحة جاني خاطر أني اسحب هذا الترم بسبب كثرة المواد وقصر الوقت، لكن الحمدلله ربي وفقني للطريق الصحيح.
8- أول حاجة سويتها لما نزل الجدول اشتريت الكتب وجلست أتصفحها سريعا خاصة الفهرس لأعرف كل مادة تتحدث عن ماذا؟ ..
طبعا موادي(تحرير كتابي-مدخل إلى الإحصاء النفسي-مدخل إلى علم النفس-علم نفس النمو- الرأي العام-الثقافة الاسلامية2)
9- لما نزلت المواد وعند تحديد أستاذات المواد كنت أبحث في المنتدى عن كل أستاذات المواد واختار الأفضل منهم، والحمدلله ربي وفقني وهداني لاختيار أستاذات على قدر عالي من الأخلاق والتعامل الراقي والفهم الصحيح للمواد.
10- مادة الثقافة الإسلامية كنت حاطتها عندي على السرير وقبل ما أنام أقرأ فيها قراءة عادية ليست حفظ أو قراءة بتركيز شديد.
11- طبعا لأن الإعفاء جاني متأخر فما نزلتي لي محاضرات السنترا، فتواصلت مع أستاذاتي وطلبت منهم إرسال شرائح وعروض المواد والحمد لله وجدت التفاعل منهم، وبعض المواد وجدت شرائحها هنا في المنتدى.
12- استخدمت أقلام التحديد الفسفورية وخططت في كل كتاب على الكلام الموجود في الشرائح،و كل مادة كنت أذاكر كل الكتاب في المرة الأولى بتركيز وفهم ، والمرة الثانية أذاكر اللي أشرت عليه بالأقلام، طبعا قراءة كل الكتاب فادتني جدا لأنه جاتنا أسئلة من خارج الشرائح في كل المواد تقريبا، حتى اللي قالوا لنا ركزو على الشرائح أو ذاكروا من الشرائح.
13- حسبت كم عدد الفصول المطلوبة منا في جميع المواد وطلعت معاي 33فصل،وسويت لنفسي جدول باليوم للمذاكرة المواد هذي الطريقة فادتني جدا لأني عرفت إن باقيلي على الاختبارات 30 يوما هذي الـ30 يوم اقدر أذاكر فيها كل يوم 3فصول، وكمان أقدر أذاكر المادة في هالفترة مرتين.
توضيح للجدول
اليوم المادة
السبت مدخل علم نفس 3فصول الأولى
الأحد ............. 3فصول الأخيرة
الاثنين الرأي العام (1-2-4)
وهكذا
طبعا راعيت طبيعة كل مادة مثلا مدخل إلى علم النفس وعلم نفس النمو لأن فيها علماء وممكن تلخبط علي خليت بينها الرأي العام واللغة العربية، الإحصاء لأنه دسم خليت معاه الثقافة الإسلامية .
14- طريقة المذاكرة أبداً ما أحفظ اقرأ بتركيز وفهم وأكثر من مرة، أذاكر جميع المواد مرة وحدة ثم أرجع مرة ثانية وثالثة على جميع المواد، طبعا هذا إذا كنتِ بدأتِ المذاكرة من بدري قبل الاختبارات بشهرين، لكن إذا كنت متأخرة اقرئي بتركيز شديد مرة مع عمل تلخيص وقراءة أسئلة المواد للسنوات الماضية، والأفضل أنك تستخدمين كذا حاسة في المذاكرة (العين تقرأي واليد تكتبي والأذن تسمعي).
15- الملخصات جدا مهمة كل فصل تذاكريه تسويله ملخص في صفحة واحدة، طبعا هذا راح ينفعك يوم الاختبار صعب أنك تراجعي 6فصول بس لما تراجعي من 6صفحات راح يكون أفضل وراح تكون المعلومات مرتبة عندك وواضحة، ودائما لما أنسى إجابة سؤال في الاختبار أحول أتذكر مكان الإجابة في ملخصاتي..
16- ما أخلي آراء الناس السلبية عن المواد أنها تأثر في، مثلاً الإحصاء كان كثيرين يقولوا صعب ومادة دسمة وما أحد يجيب درجة كاملة لكني الحمدلله جبت فيه الدرجة الكاملة ولله الحمد، طبعا الفضل يرجع لله أولاً ثم الأستاذة القديرة إيمان الطباع.
17- بعض المواد تحتاج لطريقة خاصة في المذاكرة ، الإحصاء مثلا: حضرت مع الأستاذة إيمان الطباع جزاها الله خير محاضرات لشرح المادة وبعد ما انتهينا حاولت إني أذاكر المادة مرة ثانية كلها في جلسة وحدة واسوي تلخيص للقوانين وطريقة حلول المسائل، والمرة الثالثة طبعت أسئلة الواجب اللي موجودة في الشرائح وحليتها وشفت أخطائي وركزت عليها، ويوم الاختبار ذاكرت من تلخيصاتي والأوراق اللي أدتها لنا الأستاذة إيمان.
18- قراءة أسئلة السنوات الماضية فادتني جدا خاصة مادة الثقافة الإسلامية واللغة العربية.
19- قبل كل شيء التوكل على الله ودعاءه، وطلب الدعاء من الوالدين ومن الصالحين في عائلتك,,

في النهاية أعتذر إن كان من خطاء،، وربي يوفق الجميع لما فيه الخير ,,


وأتمنى من لديه تجربة ولو بسيطة يذكرها،، بارك الله فيكم ,,,,,


والسلام عليكم ورحمة الله وبركاته..

لا مانع من نقل الموضوع بشرط ذكر المصدر

[سـامـي]

ما شاء الله

موووفقه

[أم سما]

المشاركة الأصلية كتبت بواسطة سـامـي ما شاء الله موووفقه

جزاك الله خيرا

[حـلآتي بـ:هـدوئي..~]

ماشاء الله تبارك الله ..

اسأل الله ان يزيدك من فضله .. ويوفقك في الدنيـا والآخرة

نصــائح رائعه وجديرة بالذكر .. تزيد من عزم من قرأها ..

وفقك الله وسدد خطـاك ..

لك الشكــر اختي :)

[أم سما]

المشاركة الأصلية كتبت بواسطة حـلآتي بـ:هـدوئي..~ ماشاء الله تبارك الله .. اسأل الله ان يزيدك من فضله .. ويوفقك في الدنيـا والآخرة نصــائح رائعه وجديرة بالذكر .. تزيد من عزم من قرأها .. وفقك الله وسدد خطـاك .. لك الشكــر اختي :)

الله يبارك فيك ومشكورة على دعائك ومرورك

[miss-busy]

ماشالله عليك

الله يزيدك من فضله يارب

طريقتك في المذاكرة تشبه طريقتي كثييييير

وصحيح المذاكرة قبل الإختبارات بشهر أوشهرين تأكد لك انك قادرة على خوض الإختبار بثقة تامة والحصول على الدرجات النهائية والعالية ان شالله

عشان كده أنا الأن حاسة اني مكتفة ودي ابدا بالمذاكرة لكن لسه جدولي مانزل ومتخوفة أشتري الكتب حسب الخطة ويصير شي ثاني

ربك يسهل ان شالله ونقدر نلحق على كل شي

شكرا لتزويدنا بالمعلومات المهمة والنصيحة الصادقة

ويارب من حسن لأحسن ان شالله وموفقة دايماً أختي

[nana11]

كيفك ياام سما جزاك الله خير والله باين فيك الخير صراحه محظوظه اللي ترزق صداقتك بس حبيت اسالك عن الاعفاء كيف سويتي والاوراق اللي قدمتيها بتفصيل لان كل ماقدمت مايقبلوني حتى من النت وكمان وش المواد اللي نزلتيها هالترم ادري زودتها اعذريني

[أم سما]

المشاركة الأصلية كتبت بواسطة nana11 كيفك ياام سما جزاك الله خير والله باين فيك الخير صراحه محظوظه اللي ترزق صداقتك بس حبيت اسالك عن الاعفاء كيف سويتي والاوراق اللي قدمتيها بتفصيل لان كل ماقدمت مايقبلوني حتى من النت وكمان وش المواد اللي نزلتيها هالترم ادري زودتها اعذريني

هلا فيك نانا كيفك؟ سبحان الله القلوب عند بعض اليوم كنت افكر فيك،، وانا محظوظة بصداقتكم اكثر,, اما الاعفاء قدمت في النت ولما جاني القبول قدمت اوراقي طبعا انا زوجي طالب في الجامعة وغير موظف فقدمت لهم اثبات انه طالب وغير موظف ،،، والمواد نفس الخطة وباخذ مادتين من الجديدة بس محتارة استنى تنزل في الشعب واشوف استاذاتها,,, ويا هلا فيك

[أم سما]

المشاركة الأصلية كتبت بواسطة miss-busy ماشالله عليك الله يزيدك من فضله يارب طريقتك في المذاكرة تشبه طريقتي كثييييير وصحيح المذاكرة قبل الإختبارات بشهر أوشهرين تأكد لك انك قادرة على خوض الإختبار بثقة تامة والحصول على الدرجات النهائية والعالية ان شالله عشان كده أنا الأن حاسة اني مكتفة ودي ابدا بالمذاكرة لكن لسه جدولي مانزل ومتخوفة أشتري الكتب حسب الخطة ويصير شي ثاني ربك يسهل ان شالله ونقدر نلحق على كل شي شكرا لتزويدنا بالمعلومات المهمة والنصيحة الصادقة ويارب من حسن لأحسن ان شالله وموفقة دايماً أختي

وإياك اختي،، وان شاء تنزل اسماء الاستاذات وتتعدل الشعب في اقرب وقت ونبدأ المذاكرة,, ربي يوفقنا اجمعين

[بكاء الروح]

ماشاءالله ياام سما الله يوفقك ويسهل عليك طريقتك تشبه مذاكرتي بس مشكلة ان الجداول مانزلت ولا اخذنا الكتب وماندري وش نسوي عن جد miss مكتفين الله يسهل علينا ونشتري الكتب ويبارك ربي في الوقت يااااااااااارررررررب