بالنسبة لتخصص علم النفس

[أم وفي]

السلام عليكـم ورحمة الله وبركاته

يسعد صباحكم/ مسائكم جميعا

أنا طالبة انتساب سنة تحضيرية

وعندي رغبة في تخصص علم النفس

وعندي استفسار بسيط

هل يوجد لتخصص علم النفس انتساب أو لا....؟؟

لانه في موقع الجامعة كاتبين للطلاب فقط

وفيه وحده من البنات تقول لي انها سألت وقالوا لها انه فيه انتساب

ممكن أحد يفيدني في الخبر الأكيد...؟؟

[بطاريه]

انا بعد ودي ادخل علم نفس
بس مدري هل هي صعبه ولالا
ياليت احد يفيدنا وننتظر معك يا ام وفي

[مزون عابرة]

ايوة في انتساب لعلم النفس

وبالنسبه للسهوله والصعوبه
اذا انتي حابه التخصص حتشوفي كل شي سهل

ومافي تخصص سهل مرة ولاصعب مرة
انتو بيدكم تسهلو الصعب
انا للان الحمد لله ماشفت شي صعب فيه :)

وبالتوفيق

[بوليمر®]

يوجد علم نفس انتساب للطالبات

[بطاريه]

اخت مزون
معليش
بس وش الاقسام الي اقدر ادرسها في الانتساب
هل هي بس
علم نفس
لغات اجنبيه
لغه عربيه
ياليت تفيديني واكون ممنون لك
وياليت تعطيني رابط الجامعه بخصوص هذا الموضوع لاني دخت ومالقيتوا

[مزون عابرة]

الي اعرفه
علم نفس / علم اجتماع/ انجلش / لغه عربية / دراسات اسلاميه / تاريخ


وبالنسبه للرابط
http://kau.edu.sa/admission/MAINPAGE/serv_1_1_2.aspx
:)

[بطاريه]

مزون بثقل عليك
ابي فكره خفيفه عن علم النفس
يمديك ولا صعبه عليك؟
شكرا

[مزون عابرة]

لا ابدا

تخصص علم نفس بالنسبه لي ممتع جدا
قبل كل حاجه يا اخوي لازم تكون تحبه عشان فعلا تستفيد وتستمتع وتفيد
لانه راح يغير اشياء وافكار كثيره فيك
راح تتغير نظرتك لنفسك ولغيرك

والله انا ما اشوفه صعب
يعني مثلا حتدرس شي عن الشخصيه وشي عن الفئات الخاصه والصحه النفسية وتوجيه وارشاد نفسي << كثير مواد تقدر تطلع عليها

من ناحيه الوظيفه < حتكون اما مدرس.. او تشتغل بمستشفى ( اما مرشد نفسي او اخصائي نفسي _ بس طبعا لازم تواصل دراستك اكثر عشان تكون اخصائي .. )
او تشتغل بأحد مرآكز الرعايه
او بالسجون :)

كثير ناس يقولو ماله مستقبل
بس لاتسمع كلام احد .. انت اعرف ايش تبغا تصير بالنهاايه واسعى لتحقيق هدفك
واصل دراستك الماجسيتر والدكتوراه وحتلاقي افضل وظيفه
واذا ع المستقبل < كثير ناس تخرجت من اقسام جيده ولسه مالقت وظآيف :)

انا لاني لسه مالي ترمين من دراسه علم النفس حاسه اني مو قادره افيدك كثير فيه
بس تقدر تسأل المتخرجين منه

وبالتوفيق

[بطاريه]

كفيتي ووفيتي
انا والله احب هالماده
وقريت كثير لفرويد
وكلوديل
وغيرهم
واحس اني ببدع فيها

[أم وفي]

ألف شكر لكـ أخت مزون عابرة ع الافادة

والله علم النفس حلو وحابه اني أتخصص فيه

وأنت رفعتي معنوياتي وشجعتيني على الفكرة

وأعطيتيني الكثير

أقدر لكـ جهدك ووقفتكـ

أتمنى التوفيق للجميع