لاتعليق!!!

[روح البنفسج]

اولا السلام عليكم

ثانيا كل عام وانتم بخير

ثااااالثااا اااااااااه ياجماعة اني مقهورة قهر مو طبيعي

السالفة

ماما: اليوم عندك مقابلة بمستشفى ,,,,,, الساعة 6م
روح: طيب وبابا يجي دا الوقت كيف اروح!!!
ماما:خلاص خدي رقم الدكتور أحمد كلميه
روح : طيب هاتي

ترن ترن ترن
روح:الو السلام عليكم
أحمد:وعليكم السلام
روح:دكتور احمد انا روح من طرف فلانه
أحمد: هلا انا مو دكتور انا موظف
روح: طيب مو مشكلة يااستاذ بس حبيت اقولك اني مقدر اجي الساعة 6 عادي اجي 8 لان بابا راح يكون جاي من المطار
أحمد:طيب مو مشكلة تعالي اي وقت
الساعة 8
أحمد:الو روح انا احمد من مستشفى ,,,,,, موعدنا 8 وينك؟
روح: انا اسفة بس بابا اتأخر بالطريق دحين خارجة اذا عندك ارتباطات ممكن اجي بكرة
أحمد: براحتك انا جالس عشانك
روح :أوك انا جاية

الساعة 8.5
روح:الو استاذ احمد انا في المستشفى فين اروح؟
أحمد:أنا نازل لك
أحمد:انتي اللي ماشية ورا الرجال الملتحي؟؟ اللي ماسكة ملف فوشي!!
روح:ايوة انا!!
احمد: انا يسارك

ورحنا له وسلم بابا عليه وطلعنا المكتب عنده,,
دخلنا واعطني ورقة اعبيها وقالي روحي المكتب التاني وطبعا مافي بيننا غير نص حاجز واخذ اوراقي يقرأها

قرأها وقال لبابا :انت عارف طبيعة الوظايف هنا
بابا : لا والله
أحمد: اولا انا اصريت ان بنتك تجي لانو محتاجين تخصصها لانو نبغى نطلع اللي معاهم ثانوي وندخل الجامعين وماشاء الله بنتك حتى دوراتها في مجال المستشفيات وووو يعني كلام كلو يحسس الواحد انو خلاص مافيها مقبول مية في المية
وجالس يحكي بابا عن طريقة توظيفهم والدورات والرواتب وكيف يبغو يطلعو شباب سعودي واعد!!!

وانا جالسة اعبي الورقة شوي سكت وقال بس في مشكله !!!

قال بابا : خير ان شاء الله؟؟
أحمد: لازم تكون كاشفة ماينفع النقاب
بابا: !!!!!
أحمد: بس بدا الفرع بس اذا راحت مكان تاني ممكن عادي متغطية===>هناك في ربنا وهنا لا
بابا: طيب حطها بالفروع التانية
أحمد: لا هنا افضل لها عشان الخبرة
بابا: خير ان شاء الله شوفها ايش تقول

أنا من يوم ماقال كاشفة وقفت كتابة وجلست خلصو كلامهم جيت لهم
أحمد: خلصتي!!!
روح :ايوة
أحمد: ماشاء الله روح سمعتي كلامنا ايش رايك
روح: عادي!!
أحمد : خلاص نوقع يعني موافقة على الشرط
روح: اي شرط
أحمد: انك تكشفي عندك اي مشكلة بدا الشي؟؟
روح: ايوة عندي مشكله ماراح اكشف!!
أحمد: !!!!!!!!!!!!!!!!!!!!!!!!!!!!!!طيب؟؟؟
روح: ماراح اكشف
أحمد: بس لازم دا شرط تعين انا مقدر اسوي شي وانتي محتاجة الخبرة
روح: انت قلت في بعد شهر في الفروع التانية وهناك عادي اغطي مو راح استنى انا مو مستعجله
أحمد: !!!!!! براحتك راح ادق عليك بعد اقل من شهر
روح : طيب اتشرفنا
وطلعت

وطول الطريق وانا ساكته وبابا ساكت حسيت لو اتكلمت بنفجر
يااااااعالم نحن مو في السعوديه؟؟؟؟
طيب لييييييييييش كدا!!!!!!
مسألة الكشف مو جديده علي ودايم اشوفها بس مااتخيلت انو اتعرض انا لدا الموقف!!
والله ان قلبي يعورني ليييش كدا وايش الفايدة؟؟
طيب الاستقبال لازم عشان واجهه للمستشفى طيب وانا ادارة ايش دخلني؟؟؟؟

[علي العسيري]

ياناس ياعالم ماحنا بالسعوديه ؟ قسم بالله اني افكرك تكتبي عن شي برا البلد لين قريت سؤالك هذا !!!


ولكن ابشرك والله والله ان من ترك شيء لله عوضه الله بخير منه

اقف احترما لك ولموقفك الشجاع

[روح البنفسج]

المشاركة الأصلية كتبت بواسطة علي العسيري ا ياناس ياعالم ماحنا بالسعوديه ؟ قسم بالله اني افكرك تكتبي عن شي برا البلد لين قريت سؤالك هذا !!! ولكن ابشرك والله والله ان من ترك شيء لله عوضه الله بخير منه اقف احترما لك ولموقفك الشجاع

اخ علي شاكرة ردك وغيرتك

بس ياعلي انا ماكتبت الموضوع عشان احد يدعي على احد اعتذر راح اعدل ردك واشيل الدعوة لانو مهما صار المسؤول دا مسلم واخطئ بس لسى أخ لنا في الاسلام مايصير ندعي عليه مااقول الا الله يهديه وعلى قولك الله يعوضني خير

[بدرالبدر]

ايش الشرط هذا !!

من اي قانون جاء!!


ماقول الا الله يخلف علينا اذ كانت هذي شروط توظيف ..


في بلد الحرمين قالوا ....


كان الله بعونك ..

[روح البنفسج]

المشاركة الأصلية كتبت بواسطة بدرالبدر ايش الشرط هذا !! من اي قانون جاء!! ماقول الا الله يخلف علينا اذ كانت هذي شروط توظيف .. في بلد الحرمين قالوا .... كان الله بعونك ..

حياك اخوي وفعلا اللي يقهر اننا في بلاد الحرمين

[northstar]

من وضع هاذا القرار

بالفعل شي منكر!!

طيب كيف يبغونا نكشف
كيف يبغوني انزع حجابي

كيف لي ان ازيل هاذا الحجاب الاصيل
صار مني كبعضي صرت فيه جــــليله


حسبنا الله ونعم الوكيل

[روح البنفسج]

المشاركة الأصلية كتبت بواسطة northstar من وضع هاذا القرار بالفعل شي منكر!! طيب كيف يبغونا نكشف كيف يبغوني انزع حجابي كيف لي ان ازيل هاذا الحجاب الاصيل صار مني كبعضي صرت فيه جــــليله حسبنا الله ونعم الوكيل

فعلا نورث مااقول غير حسبي الله ونعم الوكيل!!

[عاشق الفهد]

الاخت فعلت الصواب ولاداعي لهذه الادعية منكم ياخوان الرسول صلى الله عليه وسلم لم يكن لعان نعم يجب ان تكون هناك غيرة ولكن ليس بهذا الانفعال الذي ينفر بل نفر الكثير من الدخول في الدين

[روح البنفسج]

المشاركة الأصلية كتبت بواسطة عاشق الفهد الاخت فعلت الصواب ولاداعي لهذه الادعية منكم ياخوان الرسول صلى الله عليه وسلم لم يكن لعان نعم يجب ان تكون هناك غيرة ولكن ليس بهذا الانفعال الذي ينفر بل نفر الكثير من الدخول في الدين

اعتذر فعلا ماكان قصدي يصير الشي دا بس!!!

[رنــــا]

هذا الشروط معروفة ومن كم سنة ... وخصوصًا إذا كان مستشفى خاص
مالداعي للإستغراب والإستنكار

بعدين ماقالو لها انزعي حجابك قالو لها اكشفي وجهك<<<للتوضيح

بالتوفيق ياروح في وظيفة اخرى ...