انا الغريق فما خوفي من الغرق .. صور حادثه جده 23/2

[So0o0o0my]

السلام عليكم ورحمه الله وبركاته

اهني كل من نجى امس من اللي صاار بسبب الامطار الغزيرة واقولو حمد لله عالسلامة

وانتو قولولي حمد لله عالسلامة لاني دخلت في نفق الملك عبد الله رايح على بيتي مخلص اختبار هيماتولوجي وزي العسل الاختبار الحمد لله متجه على البحر

وطبعا النفق كالعاده غرق بس انا رحت في بدايه الغرق والحمد لله اني قدرت اطلع وكثير سيارات وقفت

كان الله بعوونهم اانا وانا ماشي في النفق على سرعة 10 جالس ادعي واقول يارب اطلع ساالم بس

والحمد لله طلعت وكويس اني حركت من الجامعة 12 يمكن لو شوية اتأخرت كان مالحقت اطلع من

النفق وكان احتجزت زي مااحتجز الجميع ولد عمي مادخل البيت الا الساعة 3 الفجر انا جالس تحت

في الجو البارد وهوا دوبو جاي ولا مشي على رجلو

الله يكون بعون اللي ساكن في مخطط ام الخير او حي النسيم ورجال الامن والدفاع المدني ماقصرو والله الين الساعة 3 الفجر وهما يشيلو في الناس وحتى يشيلو بنات المدارس بالهلووكبتر

ويشيلو الي ساكنين في مخطط ام الخير كمان

ياناس والله حرام سنة كامله على ذكرى السيل الي جا المفروض بدال مايسوو كباري وانفاق زي وجيهم المفرووض يعملو تصريف في جده كلها خلي الناس تزدحم ولا انها تموووت قال يبغو يعملو كباري لفك الازدحام
اول شي حلو ازمه التصريف ياعالم

لاحياة لمن تنادي ...

قفله:

تحياتي لملك الانسانية الملك عبد الله والله يكون بعوونك ياللي جواك احساس وياللي بتخاف على الناس وياللي بتحس بغيرك لو حتى ماحس غيرك وعلى وقووفك مع الشعب وتوفير جيمع الاحتياجات وااعانه المتضررين

دمت لنا

تحياتي هيثم (F)


اتركم مع الصور:



















دا قريب من بيتي

[حلا الحلوه]

الكارثة بتتكرر للمره الثانيه ولا حياة لمن تنادي

اسفه ع الدخله الغلط بس وربي اشوف صور امس مني مصدقه افكرها صور السنه الي فاتت

مني قادره استوعب


حمد لله على سلامتك يا دكتور

[So0o0o0my]

الله يسعدك ويسلمك دخلتك حلوة زي اسمك

بس والله اللي يصير شي مااحد يقدر يتحملو من جد بدال الكباري اول شي سوو تصريف زي الناس من جد خلي الناس توقع في زحمه ولا انها تموت


ربي يسعدك

دمتي لمن تحبي (f)

[hamada so0okkar zeyada]

والله منجد الحمد لله على سلامتك.....
النفق دا خلاص شؤم وقت المطرة لا تفكر تعدي منوووو....
والحمد لله اني حركت بدري انا كمان وقت المطرررة الأليمة على 11 الحمد لله
والمطرة اللي جات كميتها اكتر من السنة اللي فاتت <<<على فكرة يعني .......
واحتمال كمان تنزل أمطار في الأيام الجية الله يستر ....

[So0o0o0my]

المشاركة الأصلية كتبت بواسطة hamada so0okkar zeyada والله منجد الحمد لله على سلامتك..... النفق دا خلاص شؤم وقت المطرة لا تفكر تعدي منوووو.... والحمد لله اني حركت بدري انا كمان وقت المطرررة الأليمة على 11 الحمد لله والمطرة اللي جات كميتها اكتر من السنة اللي فاتت <<<على فكرة يعني ....... واحتمال كمان تنزل أمطار في الأيام الجية الله يستر ....

تسلم حماده ربي يسلمك من كل شر ياعيني

ايش اسوي انا اصلا ااول لما وصلت له شفت الكل خااايف بس عارف الحمد لله ربي الهمني من الصبح بأيش اروح كريزلر ولا جمس وقعدت افكر مدري ليش اخدت الجمس واالحمد لله فاادني مررة

واقولك بس اللي قدرنا نعدي انا وجمسين وسكوويا يعني كلنا سيارات كبيرة

البقيه مساكين محد قدر يعدي

وواحد معاه كابريس وقف عليه ساب السيارة وكمل سباحة قدامي

تسلم على مرورك ربي يسعدك

[Amal.S.A]

الله ينتقم من كل ظالــم ..
مرة الحال ماينسكت عنه ..
أختي من 7 الصباح لـ 8 الليل محتجزة في مدرسة أستاذة فيها .. وولدها عندنا لسه عمره 3 شهور يعني كل هذا الوقت أمه غايبة عنه .!!
محد يفهمه غيرها وانا لسه ماعندي خبرة والولد يبكــي ..حراام قطع لي قلبـــي ..

وأختــي الثانية في دار الحكمة ليــن 10 الليل .. وخرجت عشان بيتنا قريب نوعا ما ..لكن باقي البنات باتوا هناك لما اليوم ..
وشوفوا المهزلة اللي صارت .. وأختي مصورتها ..
تخيلوا جات هليكوبتر وفرحوا البنات وينطنطوا من الفرح إلا بكل وقاحة يقولوا هذه مو لكم هذه لوحدة special !!!!!!!

وطلعت لمـين .. لأميرة ..ودخلوا البنات جوت المبنى عشان لايشوفوها ويعرفوها ..عارفين يمكن يقضوا ع الهليكوبتر بكبرها من القهر والظلم ..
لين متى يفرقوا ..يعني ايش أميرة ..؟يعني هيّ بشر بس ..؟! ولا هيّ بس اللي أهلها يخافوا عليها ..!!

والله ماأسامحهم على كل دمعة نزلت على خد أمي من خوفها على بناتها ..ولا على قلقها وخوفها وتوترها الله لايسامحهم ..

وعلى حكاية اصرارهم انه فيه اختبارات ..
ولد أخويا في كندا جاتهم عاصفة ثلجية ..من قبلها بـ 3 أيام قالوا مافي دوام لا مدراس ولا كليات ولا غيره ..
واحنا .. في عز المعمعة والناس تختبر وناس غيرهم في الطريق جايين يقولوا خلاص مافي !!

قريبتي كانت في الجامعة .. وهيّ مسجلة هنا وحكت ايش صار لها .. حسبي الله على كل المسؤولين عن هذه المهزلة ..

مقهورررررررة والله جـــــــــــدا .. تخيلت بس لو اني هناك .. واحنا اختباراتنا من 11 لـ 1 يعني وقت نزول المطر حنكون دوبنا بدأنا اختبار !!
يالله الحمدلله اللي ماعشت الموقف هذا ولا كنت تعقدت من كل حاجة قدني كارهة جدة والسعودية بكبرها >لا أحد يعلم

والحمدلله على سلامتك soomy

[So0o0o0my]

المشاركة الأصلية كتبت بواسطة amal.s.a الله ينتقم من كل ظالــم .. مرة الحال ماينسكت عنه .. أختي من 7 الصباح لـ 8 الليل محتجزة في مدرسة أستاذة فيها .. وولدها عندنا لسه عمره 3 شهور يعني كل هذا الوقت أمه غايبة عنه .!! محد يفهمه غيرها وانا لسه ماعندي خبرة والولد يبكــي ..حراام قطع لي قلبـــي .. وأختــي الثانية في دار الحكمة ليــن 10 الليل .. وخرجت عشان بيتنا قريب نوعا ما ..لكن باقي البنات باتوا هناك لما اليوم .. وشوفوا المهزلة اللي صارت .. وأختي مصورتها .. تخيلوا جات هليكوبتر وفرحوا البنات وينطنطوا من الفرح إلا بكل وقاحة يقولوا هذه مو لكم هذه لوحدة special !!!!!!! وطلعت لمـين .. لأميرة ..ودخلوا البنات جوت المبنى عشان لايشوفوها ويعرفوها ..عارفين يمكن يقضوا ع الهليكوبتر بكبرها من القهر والظلم .. لين متى يفرقوا ..يعني ايش أميرة ..؟يعني هيّ بشر بس ..؟! ولا هيّ بس اللي أهلها يخافوا عليها ..!! والله ماأسامحهم على كل دمعة نزلت على خد أمي من خوفها على بناتها ..ولا على قلقها وخوفها وتوترها الله لايسامحهم .. وعلى حكاية اصرارهم انه فيه اختبارات .. ولد أخويا في كندا جاتهم عاصفة ثلجية ..من قبلها بـ 3 أيام قالوا مافي دوام لا مدراس ولا كليات ولا غيره .. واحنا .. في عز المعمعة والناس تختبر وناس غيرهم في الطريق جايين يقولوا خلاص مافي !! قريبتي كانت في الجامعة .. وهيّ مسجلة هنا وحكت ايش صار لها .. حسبي الله على كل المسؤولين عن هذه المهزلة .. مقهورررررررة والله جـــــــــــدا .. تخيلت بس لو اني هناك .. واحنا اختباراتنا من 11 لـ 1 يعني وقت نزول المطر حنكون دوبنا بدأنا اختبار !! يالله الحمدلله اللي ماعشت الموقف هذا ولا كنت تعقدت من كل حاجة قدني كارهة جدة والسعودية بكبرها >لا أحد يعلم والحمدلله على سلامتك soomy

الله يسلمك

وحمد لله على سلامة اختك

وسمعت بالموضوع دا حق الاميرة مدري مين كان جنبي وجاتو على البي بي

الحمد لله انو ماكان عندكم اختبار وقتها

في موضوع واحد مستغربو من الجميع وخاصه لو كان مسوي مطوع نفسي اقوم واشوتو

يقولك دا من الذنوب واصحو ياناس

يعني بالله بنفسو ال شيخ مفتى عام المملكة قال الي يقول بسبب ذنوب او شي يعتبر جاهل

يعني بالله لو كان في تصريف زي الناس كان ماصار الي صار وكان السيل جري في مجراه الين صب في البحر وخلاص

لكن الجهل والسرقه وخاينين الامانه الي ان شا ءالله ربي يحاسبهم

[Amal.S.A]

المشاركة الأصلية كتبت بواسطة So0o0o0my في موضوع واحد مستغربو من الجميع وخاصه لو كان مسوي مطوع نفسي اقوم واشوتو يقولك دا من الذنوب واصحو ياناس يعني بالله بنفسو ال شيخ مفتى عام المملكة قال الي يقول بسبب ذنوب او شي يعتبر جاهل يعني بالله لو كان في تصريف زي الناس كان ماصار الي صار وكان السيل جري في مجراه الين صب في البحر وخلاص لكن الجهل والسرقه وخاينين الامانه الي ان شا ءالله ربي يحاسبهم

من جد نااس جهلة..يعني الفساد في كل مكان وينزل عليهم مطروعواصف وثلوج واعصارات كمان ..طيب ليش ماصار لهم زينا ..؟!

على قولة واحد شفت تعليقه بيرد على واحد من الجهلة ..

قال له ..لما يجينا جفاف ومافي نقطة مطر تقولوا من الفساد ..
ولما ينزل مطر كمان تقولوا فساد ..ايش الحل يعني ..؟!


miss chocolate
والله من جد رعــب ..والحمدلله على سلامتكم ..والالتماس شي يخوف والله
وعلى قولة أختي أموت غرقانة ولا اموت محروقة الله يكفينا ..
والله يعطي العافية والأجر لكل اللي ساعد..

[hamada so0okkar zeyada]

المشاركة الأصلية كتبت بواسطة so0o0o0my الله يسلمك وحمد لله على سلامة اختك وسمعت بالموضوع دا حق الاميرة مدري مين كان جنبي وجاتو على البي بي الحمد لله انو ماكان عندكم اختبار وقتها في موضوع واحد مستغربو من الجميع وخاصه لو كان مسوي مطوع نفسي اقوم واشوتو يقولك دا من الذنوب واصحو ياناس يعني بالله بنفسو ال شيخ مفتى عام المملكة قال الي يقول بسبب ذنوب او شي يعتبر جاهل يعني بالله لو كان في تصريف زي الناس كان ماصار الي صار وكان السيل جري في مجراه الين صب في البحر وخلاص لكن الجهل والسرقه وخاينين الامانه الي ان شا ءالله ربي يحاسبهم

لو موو بسبب الذنوب كان ربنا ما قال في القران....
قال تعالى: (ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ) [الروم: 41]

هادي حاجة الحاجة التانية يا سوومي انو اصلن في فساااد ف الذنوب كمانا سبب......
ومهي هرجة مطوع وما مطوع <<ما دخلها اصلن
تقبل مروري ^_^

[So0o0o0my]

المشاركة الأصلية كتبت بواسطة hamada so0okkar zeyada لو موو بسبب الذنوب كان ربنا ما قال في القران.... قال تعالى: (ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ) [الروم: 41] هادي حاجة الحاجة التانية يا سوومي انو اصلن في فساااد ف الذنوب كمانا سبب...... ومهي هرجة مطوع وما مطوع <<ما دخلها اصلن تقبل مروري ^_^

حماده ياعمري انا طبعا مو في مقام فتوى ابدا

بس صدقني لو كان فيه تصريف زي الناس ماكان صار االلي صار اندونوسيا وماليزيا امطار اقوى من كدا والموية خمسه دقايق ماتشوفها في الشارع يعني هما ماعندهم فساد ؟ كل بلد فيها الطيب والبطال

واعيد واكرر انا وانت مو في مقام فتوى اطلع من الهرجه وطلعني معاك هههههههههههههههههههههه

تسلم على مرورك ياذوق