لو سمحتوا يابنات ابغى مساعدتكم ضروري و عاجل جداا بخصوص الشعب

[B.M.S]

السلام عليكم ورحمة الله وبركاته


يابنات ان شاء الله السبت حنتظم في كلية الاقتصاد و الادارة

ابغاكم تساعدوني في الجدول و الشعب و الاساتذه


هذي المواد

مبادئ محاسبه Bus101
تحليل كمي ECON204
القانون التجاري Bl211
مبادئ محاسبه Acct101
مبادئ اقتصاد جزئي ECON101

+ فيزياء 101 للي وقعوا على التعهد

لو سمحتوا ابغى اسماء الشعب للدكاتره الكويسن
ترى ما اعرف مين احسن من مين لو سمحتوا من تجاربكم

ابغاكم تقولولي لاني ضايعه و ابغى اكون عند استاذات يفهموا و اختباراتهم حلوه
و اهم شي بأسماء شعبهم :"( انتظر ردكم

عشان لا اضيع يوم السبت

[السيدة نكتة]

وعليكم السلام

مبادئ محاسبه

أخذتها مع ريم صقر تجنن شرح وأخلاق واسألة الله يوفقها بس أعتقد ماهي فيه إلحين تأكدي .

تحليل كمي ECON204

اخذتها مع دكتورة مصرية اسمها سناء هلال شرحها حلو واسألتها سهلة وهي طيبة كنت اوقات اروح عندها بيوم الاختبار تشرح لي والله ماكانت تقصر الله يوفقها .

هذه المادة افهميها تمام لأن بعدها بتاخذي مادة اسمها بحوث عمليات تشبه لها وفي مسائل مكرره

القانون التجاري Bl211

المادة حفظ ولازم بفهم مادة دسمة .
أخذتها مع امل شلبي شرحها حلو بصراحة .
تصحيحها بالنهائي دقيق لدرجة تضيع منك درجات كثييييييييييييييير
وضيعت كل واجباتي وأعطتني صفر وانا والله العظيم كنت اسلمها الواجبات
ومارضيت تتفاهم معاي لما رحت كلمتها فما راح اسامحها

مبادئ اقتصاد جزئي ECON101

أخذتها مع أستاذة سحر شرحها ممتاز واسألتها حلوة المادة فيها مسائل وفيها حفظ .

بالتوفيق

[m u l a n]

تحليل كمي ECON204

اخذتها مع "سوزان ابو العينين" كانت كويسه ..

القانون التجاري Bl211

اخذتها مع "نجاة قنديل" عسووله مرهـ وبرضه يمدحون سوزان


مبادئ محاسبه Acct101

لسه ماخذتها ..

مبادئ اقتصاد جزئي ECON101

اخذتها مع هدى خيري مرهـ رووعه


مووفقه يااارب

[Sweet Chocolate]

السلام عليكم

مبادئ محاسبه Bus101<< أعتقد قصدك مبادئ اداره صح
سمر كويسه أخذت معاها مادة سلوك
الشعبه FA سبت واتنين وربوع من 11 - 12

تحليل كمي ECON204
سوزان ابو العينين (حاليا بآخذها معاها ) لكن للأسف لها شعبه وحده وقفلت وباقي الاستاذات ماأعرفهم أتمنى البنات يساعدوكي

القانون التجاري Bl211
أفضل وحده سوزان علي أخذتها معاها واتمنى اعيد الماده ان شاء الله 10 مرات معاها<<متحمسه خخخخخخ
ماتخرجك الا وانتي فاااااهمه وحتحبي الماده كثير معاها وكمان حقانيه بالدرجات واذا شافتك شاطره وتشاركي تعطي بونس
نازلتلها الترم هذا كذا شعبه اللي هي
شعبة CA سبت واتنين وربوع من 9 - 10
شعبة DA أحد وتلوت من 9.30 - 11
شعبة IA احد وتلوت من 12.30 - 2
شعبة VA سبت واتنين وربوع من 12 - 1
شوفي الوقت اللي يعجبك واختاريه :)

مبادئ محاسبه Acct101
ريم صقر لكن للأسف مانزلت ل 101 هذا الترم وباقي الشعب ماسكينها حمديه وهيام وكلها فل ماعدا شعبه تانيه لحمديه مهران رمزها DA أحد وتلوت من 9.30 - 11

مبادئ اقتصاد جزئي ECON101
لمياء ششه أفضل وحده في الشرح ماتخرجك الا وانتي فاااااهمه بس اسألتها على قد شرحها يعني فيها صعوبه شويه
بس للأسف شعبتها برضو مقفله وكل الشعب كمان ومابقي غير شعبه وحده هي شعبة كوثر شغراب HB سبت واتنين وربوع من 1 - 2


+ فيزياء 101 للي وقعوا على التعهد
تعهد ايش ؟؟ وانتي مو مسار اداري ؟ كيف تاخذي فيزيا ؟؟؟
مالي خلفيه عنها لأني مادرستها

ان شاء الله أكون أفدتك وبالتوفيق يااااارب

[B.M.S]

خذتها مع أستاذة سحر شرحها ممتاز واسألتها حلوة المادة فيها مسائل وفيها حفظ .

استاذه سحر ايش !!!

+ فيزياء 101 للي وقعوا على التعهد تعهد ايش ؟؟ وانتي مو مسار اداري ؟ كيف تاخذي فيزيا ؟؟؟ مالي خلفيه عنها لأني مادرستها

ايوه انا مسار إداري بس في قرار جديد

انو إدارة اعمال و موارد بشرية صارت تخصصات علميه

و الي مسارهم إداري لازم يوقعوا على تعهد انو يدرسوا يا فيزياء او كيمياء

عشان يكملوا في التخصص ^^"

_____________________

طيب بنات ابغى استاذات كويسات

لنظم معلومات إدارية

و

مبادئ تسويق

و

ثقافه 2

[MNMN219]

الله يسعدك تقصدين مين ب(سحر) وهل يوجد فيزياء او كيمياء بالتخصص موارد بشرية

[Sweet Chocolate]

اهااا حسبي الله عليهم ونعم الوكيل
كل يوم بقرارات جديده أسوأ من الي قبلها !!!!
حسبي الله عليهم بيلعبو فينا لعب
يعني الوحده اييييش تستفيد من الكيميا والفيزيا بإدارة الاعمال ؟!؟!!؟
ولا يبغو يخسفو معدلات البنات وبس !!!

الله يعينكم الحمدلله دفعتنا نفذت بجلدها قبل القرار ولا كان جبنا العيد هع

نظم معلومات وتسويق لسه ما أخذتها
والثقافه أي استاذه ماتفرق كلهم كويسين والماده حفظ وماتحتاج شرح كثير
بالتوفيق :)