الموظفين والموظفات المنتسبين الدخول للاهمييييييية...

[ابي انجح111]

السلام ليكم ورحمة الله وبركاته

انا قبلت بالانتساب لهذا العام ولله الحمد....
سؤالي انا موظفة وكيف احصل على ورقة اجازة للاختبارات
متى ؟ومن أين ؟وكيف؟
اتمنى الرد علي للظرورة

[مشاري الرياض]

عليكم السلام .... مافيه ورقه حقت اجازه ... المتعارف عليه انك انتي قبل لا تسجلين يكون عند دوامك خبر ... وتاخذين منهم بالموافقه على الدراسه ... على كذا يجي وقت الاختبارات وتعطينهم خبر او تطبيعين لهم جدوال الاختبارات ... وهم يعطونك اجازه واذا خلصتي تقدرين تطبيعين من النظام على ما اعتقد افاده بحضور الاختبارات اللي هي تثبت انك حضرتي واختبرتي ... بالتوفيق

[alshmlany]

وعليكم السلام ورحمة الله وبركاته

والف مبروك اختي القبول

هو فيه إفادة حضور الأختبارات

الإفادة هذا في نظام الخدمة الإلكتروني اوديوس تظهر لك أول ما ينزل جدول الاختبارات

[ابي انجح111]

يعني من متى لازم اطلبها ؟
وهل صحيح لازم اخذها من عميد القبول والتسجيل
اخاف من التعقيد من العمل وانا ماصدقت بالقبول للجامعة ...خصوصا ان مديري رجال

[مشاري الرياض]

المشاركة الأصلية كتبت بواسطة ابي انجح111 يعني من متى لازم اطلبها ؟ وهل صحيح لازم اخذها من عميد القبول والتسجيل اخاف من التعقيد من العمل وانا ماصدقت بالقبول للجامعة ...خصوصا ان مديري رجال

اول شي اذا انتي معطيه خبر للدوام وموافقين انك تدرسين الامور بسيطه ... ومالها علاقه مديرك رجال او حرمه ... يعني بالاختصار اذا موافقين اكيد يعرفون متى الاختبارات وتطبيعين الجدول عن طريق النظام والافاده كذالك ومايحتاج لا عميد ولا احد كل شي بالنت .. بالتوفيق

[alshmlany]

هو خطاب تاخذيه في بداية تسجليك بالجامعة من العمل موجه لجامعة الملك عبد العزيز بعدم الممانعة من الدراسة

وإذا اخذتيه تقدميه مع اوراقك للجامعة وإذا وافقوا لك العمل

تستحقي اجازة مدفوعة الراتب تسمى اجازة امتحانات حسب نظام العمل

[alshmlany]

الظاهر فيه تداخل

اخليك اخوي مشاري تفيد الاخت << كل ما رد لقاه سابقه :)

الله يقويك ان شاء الله

[مشاري الرياض]

الله يسلمك يالغالي ومهما كان ترا مالنا غنى عنك انت والاعضاء على قولتهم ايد وحده ماتصفق ... شاكر لك حرصك ...

[ابي انجح111]

اخواني الله يجزكم خير
انا لما قدمت مااخذت موافقة من العمل
والمدير يقول لازم ورقة من عميد القبول وانا اخاف ان اسلوبه للتعقيد
ومتى اقدر اخذ الورقة وكيف؟
الله لايحرمكم الجنة

[aziz8008]

المشاركة الأصلية كتبت بواسطة ابي انجح111 اخواني الله يجزكم خير انا لما قدمت مااخذت موافقة من العمل والمدير يقول لازم ورقة من عميد القبول وانا اخاف ان اسلوبه للتعقيد ومتى اقدر اخذ الورقة وكيف؟ الله لايحرمكم الجنة

اختي الكريمه

انتي واضح من كلامك انك موظفه قطاع خاص

هل دراستك للجامعه انتساب وتخرجك ان شاء الله يترتب عليها ترفيعك مرتبه وظيفية او زياده راتب لك في عملك ؟؟

اذا كان الجواب نعم فيجب ارسال خطاب رسمي الى الجامعه يفيد بالموافقه على دراستك من جهه عملك سواء كان جهه حكوميه او قطاع خاص وكذا بالتالي الموضوع اخذ الطابع الرسمي وموثق ومسجل في الجامعه انك موظفه ، وذلك من اجل حفظ حقوقك لانه من الممكن مديرك يتغير او نظام الجهه اللي تعملين فيها ايضا ممكن يتغير وبالتالي انتي معاك وثائق رسمية .

اذا كان الجواب لا

ودراستك لا يترتب عليها زياده راتب او ترفيعك مرتبه وظيفيه ، وهي فقط مساعده من جهه عملك لاكمال دراستك فيكفي انك تاخذين منهم خطاب بالموافقه على الدراسه وتخلينه معاك بدون ماتقدمينه للجامعه وبالتالي نفس الشيء معك وثيقه رسميه ومافيه احد مستقبلا يقدر يعارض على دراستك في حال انتقالك الى قسم اخر ومدير جديد او تغير مديرك .

اما بالنسبه لطلب مديرك ورقه من عميد القبول والتسجيل !!

اذا كان قصده عشان يبي اثبات انك مسجله بالجامعه فأنه البطاقه الجامعيه والجدول الدراسي يكفي لاثبات ذلك
وقبل الاختبارات لازم تقدمين لهم الجدول الدراسي مع جدول الاختبارات وكذلك ايضا افادة حضور اختبارات وهالافاده تقدرين تطبعينها قبل بداية الاختبارات من نظام الاوديس ( راح يعطونك الجامعه صلاحيه للدخول عليه مع بدايه الفصل القادم ) وهالطريقه لازم تسوينها كل ترم .

طبعا اذا كانت هناك موافقه من جهه عملك اذا كانت حكوميه فان الاجازه اسبوعين ولاتخصم من رصيدك حسب نظام الخدمة المدنية

واذا كانت جهه عملك قطاع خاص فنظام العمل والعمال يعطيك اجازه لا تخصم من رصيدك في الايام اللي يكون فيها عندك اختبار

( توضيح : مثلا : يكون عندك في الترم 6 مواد يعطونك 6 ايام اجازه ولا تخصم من رصيدك )

وفي حال رغبتك في ايام زياده فانها تخصم من رصيدك .

( ومن الممكن ان الشركه او البنك يتساعدون معك ويعطونك اجازه حسب جدول اختباراتك حتى لو اختباراتك مدتها اسبوعين والامر كله يرجع لمديرك )

طبعا انا موظف قطاع خاص والشركه تتبع مع نفس الطريقه اعلاه .

اتمنى لك التوفيق