تكفون ردوووووو

[مجنون دراسة]

بسم الله الرحكم الرحيم من مجنون دراسه الى اهل الخبره والله يعطيكم الدرجات العليا في الدنيا والاخره

عاجل

انا واعوذ بالله من انا خلصت تسجيل وارسلوا رساله بالسداد ولكن ودي اتأخر شوي وكاتبين اخر موعد السداد يوم 28 /6/2010 تعرفوا صيفيه والي وده ايسافر

هل يمكن تأجيل السداد الى رمضان ولى لازم التزم بالموعد الي هم كاتبينه


اتمنى الرد في انتظاركم واكون لكم من الشاكرين

[قلبــ تعب ــي]

حسب معلوماتي انك لازم تسدد بالموعد ولو ماسددت يروح عليك كل شي يعني كانك ماوديت اورقك ولا شي وحده من صديقاتي كذا صار معه والله يكون بالعون ونصيحه سدد ولا تتاخر

[مجنون دراسة]

مشكورة اختي قلبــ تعبـ ي ع الرد والتجاوب بس متأكدة من ذا الكلام يعني لازم ادفع ها الحين وبعدين كيف السنة التحضيريه هي صعبه ولى سهلة اخاف ادفع ولا انجح وتروح 3000 خساره وليتك يابو زيد ما غزيت

[عساف]

دامك يامجنون حاط في بالك نسبة للفشل نصيحتي لاتتعب نفسك ,, سافر وانبسط بلا دراسة بلا هم << لسان حال شيطانك ولا !!

الرسوم لازن تسددها قبل نهاية الموعد ولا بلط البحر
والسفر وانا اخوك لاحق عليه .. ونبي نتخاوا انا وياك بعد عيد الفطر وش قلت ؟ :)

مستقبلك ابدا عليك من وناسة تنساها بمجرد رجعتك من السفر .. والعاقل خصيم نفسه ياصاحبي

[مهــابه2009]

أول شي صلي على النبي واستهدي بالله وسدد زي ماطلبوا منك لاتتأخروبعدين يروح عليك كل شي وكنك يابو زيد ماغزيت والسفر لاحق عليه
والسنه التحضيريه على الشاطر سهله والكسلان أكيــد بتكون صعبه وإنت بما أنك مجنون دراسه ف إن شاء الله تتوفق وتعديها على خير...
وفالك التوفيق ياااارب..

[fasol]

المشاركة الأصلية كتبت بواسطة عساف دامك يامجنون حاط في بالك نسبة للفشل نصيحتي لاتتعب نفسك ,, سافر وانبسط بلا دراسة بلا هم << لسان حال شيطانك ولا !! الرسوم لازن تسددها قبل نهاية الموعد ولا بلط البحر والسفر وانا اخوك لاحق عليه .. ونبي نتخاوا انا وياك بعد عيد الفطر وش قلت ؟ :) مستقبلك ابدا عليك من وناسة تنساها بمجرد رجعتك من السفر .. والعاقل خصيم نفسه ياصاحبي

اولا عليك احباط لو جاء لااسد يمكن يصير سوداني ههه وبعدين الدراسه حلوه انت مالك في الدراسه خلاص بطل ولاعاد اشوفك تدرس بجد بلاشي من تحطيم الناس بلعكس مجنون شد حيلك واضغط على نفسك ولاتسافر وسدد الرسوم وماعليك كل سفره اعرف عن نفسك راح ترجع وزي ماروحت زي ماجيت بس الدراسه راح تفرق معاك وتتقدم خطوه للحياه تحس فيها لما تفتح كتب ولما تحط بداخلك كم هائل من المعلومات وياليت ماافي اي احد من الناس يثبط من معنوياتك واعرف اللي يوقف بطريقك يكرهلك الخير واتمنى منك اخوي تتوفق في حياتك ومافي شي اسمه فشل واول فشل لك اعتبره يعطيك دافع للنجاح ونور طريقك بالعلم وتعلم من الدروس اللي تاخذها بالجامعه وتكون باذن الله انسان مثقف وواعي لكل مسار من مسارات حياتك ويكون لك التوجيه الصحيح في حياتك وماافي احد يجيك بعدين يقولك سوي او لاتسوي وتكون امعه انت اختار اللي يهمك في حياتك وربي يوفقك ان شاء الله

[ابو مشعل الحويطي]

يمد يك خذ العلم صارت مع ناس اعرفهم اهم شي تم قبولك وبعدين سدد واذا رفض الصراف السداد مر الجامعة وحدث الرقم ونت واقف او ترسل احد فلها يالذيب ولا تضيق على حالك اهم شي حاول لاتتاخر عن رمضان

[أبو روز الشمري]

الوناسة لاحقن عليها وانا أخوك ، بس نصيحتي لك اذا في راسك دراسه ادفع الرسوم وادرس وكل شي مع المذاكره سهل

وتذكر دائماً لكل مجتهد نصيـــب

[قلبــ تعب ــي]

ايه ياخوي والله مره حلو الدراسه بالجامعه بالذات الانتساب
كلها كم يوم وتخلص مستوى يعني الترم تخلصه بشهر وشوي جد وناااسه
والله اشوف السنه التحضيريه مره مره مره سهل تخيل الاحصاء اهي اللي كانو البنات يقولو لي صعبه وربي طلعت اسخف ماااده مره مره حماس تجيك اورقه مكتوبه فيها جميع القوانين وباسمها وكل شئ لدرجة انهم يكتبو لك كل فصل والقوانين الموجود فيه نصيحتي لك ادرس والسفر لا حق عليه باذن الله والسنه التحضيري حلوه والله يوفقك يااارب

[nasser2004]

المشاركة الأصلية كتبت بواسطة مجنون دراسة بسم الله الرحكم الرحيم من مجنون دراسه الى اهل الخبره والله يعطيكم الدرجات العليا في الدنيا والاخره عاجل انا واعوذ بالله من انا خلصت تسجيل وارسلوا رساله بالسداد ولكن ودي اتأخر شوي وكاتبين اخر موعد السداد يوم 28 /6/2010 تعرفوا صيفيه والي وده ايسافر هل يمكن تأجيل السداد الى رمضان ولى لازم التزم بالموعد الي هم كاتبينه اتمنى الرد في انتظاركم واكون لكم من الشاكرين

انتبه لايروح عليك الموعد ومافي شي اسمه تأجيل الفلوس اهم شي عندهم

واذا شايف ان السفر اهم من الدارسة خلاص سافر الله يقويك