الى كل المتخصصين : مسار عام - تطوير وتنظيم تعالوا هنيا

[رغم العنا ببقى أنا]

السلام عليكم ياحلوين وياوحشين >بداية مشرفه خخخخ

انا للان سنة تحضيرية وان شاءلله معديتها .. ومحتارة بين هالتخصصين العام والتطوير

من ناحية المواد الحسابيه والافضليه بسوق العمل يعني لحد يقولي ديوان الخدمة مستشفيات انا بقولكم ليه ..! بكل بساطه انا مو سعودية ومنتسبه :( ومافي امل احول انتظام لان الجامعه تضحك علينا وتقول جيبوا معدل عالي ونحولكم .. اعرف وحده جابت ماشالله لاقوة الا بالله 5 من 5
وماحولوها .. شالوا منها الرسوم لمن وصلت للمستوى الخامس بعد جرجرة وعاد خبركم فيها عتيق

نرجع لموضوعي : الاخوان قالولي ان مافيه فرق قوي بين مواد التخصصين وشفت الخطط الدراسيه لكل ماده بس ماني فاهمتها ياليت اللي متخصص بالتخصصين هذول يعطيني الاساسيات اللي فهمها اول ماتخصص والمسار الاسهل بالنسبة للادبي ..
وسامحوني طولت ومالفيت يمين

[السيف السعودي]

اولا موفقه اختي واتمنى لك بداية جيده
بالنسبه للفرق انا ما اعتقد ان فيه فرق كبير لكن انا من وجهه نظري ان مسار عام بيكون مبهم فقط بالشهاده
مافيه فرق كبير بالمواد الا باخر ترمين للمسارين بس
اما باقي المواد ما تختلف
الاسهل : كلهم اسهل من بعضهم الا من بعض المواد اللي تغث قلبك وما ادري من وين تطلع

انا من رأي انك تدخلين مسار تنظيم وتطوير اداري خصوصا انه تخصص كويس
هذا طبعا اذا انتي بتدخلين اداره عامه

لكن اذا انتي راعيه مذاكره ومواد علميه
ادخلي ادارة اعمال فهي الافضل لك خصوصا انك مو سعوديه

بالتوفيق..

[رغم العنا ببقى أنا]

ألف شكر لك اخوي السيف السعودي ..!
بعدين انا ادبي صعب اني اختار تخصص كله حسابات ومعادلات يعني لو انها 5 مواد والباقي حفظ ماعندي مشكله

وع ادارة الاعمال انا بجدة ومااعرف احد برابغ يعني مرة صعبه..

[ali_27]

بخصوص العمل ارى اختي مثل ماقال السيف السعودي تخصص ادارة اعمال افضل بكثير من العام وبالذات لانك لست بسعودية وبغض النظر عن الجنسية تخصص الاعمال من ناحية الوظائف جيد جدا ومقبول وظيفياً ولااعتقد انه ذا مواد علميه

اتمنى لك التوفيق

[رغم العنا ببقى أنا]

المشاركة الأصلية كتبت بواسطة ali_27 بخصوص العمل ارى اختي مثل ماقال السيف السعودي تخصص ادارة اعمال افضل بكثير من العام وبالذات لانك لست بسعودية وبغض النظر عن الجنسية تخصص الاعمال من ناحية الوظائف جيد جدا ومقبول وظيفياً ولااعتقد انه ذا مواد علميه اتمنى لك التوفيق

نفس ردي على السيف السعودي ..!
موفق اخوي علي

[TH87TH]

مافيه فرق كبير بالمواد الا باخر ترمين للمسارين بس تخصص ادارة اعمال أفضل تخصص الاعمال من ناحية الوظائف جيد جدا ومقبول وظيفياً

كلام الأخوان صحيح وانا اخترت التطوير والتنظيم الإداري لأنه أشمل وسهل << حسب ما لاحظت ،، وكل أقسام الإدارة العامة سهله ،،، وانتي استخيري وتوكلي على الله ،،، والله يوفقنا وياكم

تحياتي

[نواف العنزي]

بالنسبة لتحويل من انتساب الى انتظام يتم التحويل وانا حاطين لي اذا ابي احول

لاكن هناك نقطه عند طلب التحويل اذا فيه نقص يحولون لاكن اذا مكتمل العدد ماراح يحولون

بالنسبه لتخصص تنظيم وتطوير ارى انه افضل تخصصات الادارة العامة ماعدا العاملين في المستشفيات تخصص ادارة صحية
ادارة الاعمال فيها نوع ما صعوبه وتعتمد على رغبة الشخص

[مبارك الشهراني]

تنظيم وتطوير إداري ....توكلي على الله وبالله التوفيق
هي مجرد مسارات وفي الاخير التخصص واحد

[عازف الروح]

السلام عليكم ورحمة الله وبركاته


انا استغرب من الفتوى التي يطلقها البعض
خصوصا لما يقول انه اشمل واعم ..

انا طبعا تخصصي ادارة عامه - مسار عام

ودخلت المسار هذا بعد تمحيص وآخذ ورد واسألة للمختصين بالجامعه

مسار التنظيم والتطوير - هو متخصص في مجال التنظيم والتطوير
اي انه افضل من المسار العام في هذا المجال

اما المسار العام
فهو الاشمل والاعم

فهو ليس مختص بالتطوير
بل شامل للتطوير والتنظيم والتخطيط والتقييم .... وغيرها

بمعنى
اذا كان مجالك في عملك تنظيم وتطوير ( الموارد البشرية ) فالافضل لك مسار التنظيم والتطوير
أما اذا كان في أي مجال آخر فالمسار العام هو الافضل نظرا لعموميته وأيضا يدخل في التطوير والتنظيم

والاختلاف بين المسارات لا تزيد عن 4 مواد بين المسارات

تحياتي للجميع

[رغم العنا ببقى أنا]

الف شكر وعافيه لكم نواف - عازف - مبارك على ارائكم على راسي والله والخيرة فيما اختاره الله :)
راح انتظر نتيجتي واشوف التخصص الي متاح لي مابين الاتنين مادام الفرق ينهم مو مرة قوي وراح استخير باذن الله والله يوفقنا لكل خير يارب :)