متخلفين من المجتمع ينظر لأمة أو أخته أو زوجتة بإحتقار...

[ذكرى مؤلمة]

السلام عليكم..
صباح الخير..

أنا عندي موضوع أبغى اطرحه لكم..
وأبي أرائكم فيه..
اللي هو إن فيه بعض المتخلفين من المجتمع ينظر للمرأة باحتقار..
لدرجة انه إذا نطق باسمها لازم يقرنه بكلمة ( الله يكرمك )..
سواءَ كانت هذي المرأة هي امة أو أخته أو زوجته..

سالفة بأقولها لكم..
أمس وأنا مع ولد عمي.. وسألته..
وين كنت؟... كانت الإجابة الطامة أنه قال...
كنت مع أمي ( الله يكرمك ) بالمستشفى..
( وجع أنشاء الله ).. وش هذا المنطوق..
عاد أنا من زود قهري طقيتة بهذاك الكف على وجهه...
وأنا اسأله من وين جبت هذي الكلمة..
قال من فلان بالمدرسة..

( طبعا الخايس راح للشرطة واشتكاني...
ولو كنت عارف كان علمت بوجهه...
عشان يتربى مرة ثانية
وعرف أبوه بالسالفة وجاء قدم تنازل..)

المهم...
اللي أبي أوصل له..
هذا يوم يقول أمي ويقرنها بهذي الكلمة..
هو ما عرف من وين جاء..
هو ما عرف ايش كان ووين صار..
طيب,, ليه امة تبوسه وتضمه..
ولا قالت ولدي الله يكرمكم..

أبي أقول للناس هذي..
( الجنة تحت أقدام الأمهات )...
أحمد ربك أن عندك أم تغمرك بحنانها.. وبطيبة قلبها..
فيه ناس تتمنى أن امة تدوس على وجهه برجلها وتكون على قيد الحياة..
وأنا والله من ضمنهم أبيها تدوس على وجهي..
بس تكون قريبة مني ( الله يرحمها )..
وأحمد ربك أن عندك أخت..
تسأل عنك وتهتم فيك حتى أنك تنقلع وتتزوج..
وبعضهم يهتم فيك حتى بعد زواجك..
فيه ناس والله ما طلع سيارته الإ أخته..
ولله أنه كل ما يطلع جهاز موبايل جديد..
إلا ويكون من أول المستخدمين له وقبل نفسها..
والله إنها تهديه أفضل الماركات ملبس..
طيب واذا تزوجت بكرة..
مين يطبخ لك؟...
مين يغسل ملابسك؟..
مين يهتم فيك؟..
أكيد انها زوجتك..
لا تقول لي بأغسل في المغسلة وبأكل في المطعم..
لكن والله انك مو كفوا انك تتزوج يوم من الأيام..
وتكون أب لإسرة..

ختام كلامي أحب أقول لأمهاتنا وأخواتنا..
أنتم تاج على رؤوسنا...
ولا يهمكم كلام السفهاء..
الله لا يحرمنا منكم..

أما بالنسبة للعينة هذي من الرجال..
أقولهم ما أنتم إلا حثالة مجتمع..

عذراَ على الإطالة..
دمتم بصحة وعافية..


يمة رحمة الله عليك..