توني دقيت على حافز قالت راجعي الوزاره

[وافيه22]

السلام عليكم

توني دقيت على حافز وقالت راجعي وزارة التعليم العالي وعدلي بياناتك لانها تشمل كل المنتسبين
من اللي قالو لها كذا

[Reem alkhairy]

السلام عليكم


اللي طلع لهم غير مؤهل اتصلو قدمو اعتراض على الرقم هذا 920011559

لو شافو اعتراضات كثيره بيحسون على دمهم (لو الموظف حاول يقنعك ان الشروط ماتنطبق عليك قولو انا ابغى اقدم اعتراض) لان اذا قلتو انتظامى يقولون فقط للانتساب يشملهم واذا قلتو انتساب قالو لا اجل ما يشملكم لانكم طلاب وانا بنفسي تأكدت من هذا الشي فإنتو اصرو على تقديم الاعتراض لان فيه ناس طلع لهم مؤهلين و هم انتساب ترا وفيه ناس طالبات اعرفهم طلع لهم مؤهلين ........معناها البرنامج فيه إن واخواتها الفلوس من الملك وفيه احد ثاني يبغى يتلاعب فينا ويدور شروط من راسه واما الموظفات فالشرهه عاللي وظفهم الوحده ماتبغى تسوي اي شي بس نصيحه مني اصرو على تقديم اعتراض حتى لو اقنعتكم

ومن ناحية مراجعة الوزارة كل ما اتصل احد قالوله نفس الموال بس المفروض ما يقفل الا وهو مقدم اعتراض لان مافيهم حيل ياخذون حتى البيانات ويرفعون طلب

[asma2009]

جامعتنا هذي مدري وش تحس فيه !!

[وافيه22]

يعني لازم اقدم اعتراض

[تاكسيه]

وربي جامعتنا غرريب امرها
في كل شي تمرمطنا وتذلناا



وافيه قدمي اعتراض وخليها تعطيك رقم طلب

[تمتم2008]

انا اتصلت قالت اتصلي الاسبوع الجاي قدمي اعتراض قلت ليش الكل قدم اليوم قالت لا ماعاد فيه تقديم اعتراض الا الاسبوع الجاي وقفلت مالت عليييييييييها ؟؟

[خواطر مظلومة]

انا الي ردت علي غبيه ومسويه حالها غشيمه اقول لها انا انتساب من جامعة الملك عبدالعزيز وطلااب كثر من الجامعه اتصلو يعترضو وانا وم قدمت قدمت ع اني دبلوم قالت اقري انص مسويه حاله النظاميه ام نفس خايسه اقول لها يطلع لي اني ادرس بالكليه تقول افتحيه واقري وش يطلع لك بالنص الغبيه اقول لهاا مايفتح معي ضغط ع الموقع اكرر واعيد وزيدلها اقهرتني تقول اذ فتح معك تصلي مره ثانيه حنا ابخدمتكم مالت علك وعلي خدمتك قاهررررررررررررررررررررتني من جد

[محمد البراهيمي]

انا اتصل ما يوصلني للشكاوي

اضغط 5 و يرجع يعيد الكلام

[غوتشي]

انا دقيت واعترضت وقلت لها المفروض تتأكدون وتخلون طلاب وطالبات الانتساب فئه لحالها لانه احنا محتاجين قالت اعطيني الاسم ورقم الهويه والجوال وبعدين يدقون عليك ..... يا اخ محمد البراهيمي استمر في الضغط على رقم 5 لين يردون ...

[LAMYA]

توني دقيت على حافز ورد عليه احد الموظفين
وسالته انه فيه حافز لطلاب الانتساب او لا رد انه حافز يشمل طلاب الانتساب
وقالي راجعي وزاره التعليم لانهم ممكن كاتبين انك طالبه انتظام عشان كذا كتب غير مؤهله