أبي جدول إختبارات كلية الآداب والعلوم الإنسانية مختوم للعمل

[القلب الجريح]

السلام عليكم ورحمة الله وبركاته ،،،،، وبعد

أنا أحد أخوانكم منتسب من الرياض والإختبارات بتبدأ يوم السبت وإنتم عارفين ، وأعطيت العمل عندنا نسخة من جدول الإختبارات كعادة كل مستوى ، لكن المرة هذي أعطيت العمل جدول الإختبارات ورفضوه ، وقالولي المستويات إللي فاتت كلها بختم الجامعة والتوقيع إلا هالمره وحاولت أرضي رئيس القسم لكن تعقدت وأنا حاج على طيارة الأربعاء القادم وقالولي ماتروح ولا نعطيك إجازة دراسية إلا إلين تجيبلنا جدول مختوم عليه غتم الجامعة أو ختم عميد القبول والتسجيل ، تكفون أحد ينقذني وله مني جزيل الشكر والدعاء له من كل قلبي ، وإللي يساعدني يتابع معي عشان أقولة فتح معي أو أستقبلته ولا لا لأنه ماهور راضي إني آخذه من الصورة الموضحة لأماكن وإختبارات الطلاب والطالبات ، في إنتظاركم .

أخوكم ( القلب الجريح ) الرياض

[يلدرم]

اللي اعرفه انه تطبع افادة من odus للاختبارات وبعد الاختبارات فيه افادة حضور
وكلها مختومه الكترونيا وممكن تقرأ موضوع المشرف العلم والعالم عن الافادة المثبت اعلى المنتدى

[القلب الجريح]

يعني تقصد عن طريق خدمات الطلاب يعني أخوي كيف راح أحصلة أو أوصله
في إنتظار ردك

[يلدرم]

ايوه من odus

تلاقي ايقونة افادة واطبعها

[algala116]

في الخدمات الالكترونيه راح تلاقي ايقونه على اليمين افادة تكليف حضور اختبار ولما تدخل عليها راح يطلعلك بيانات عاديه الاسم والتخصص وغيره لكن عندما تقوم بالطباعه راح تطلعلك بيانات غير اللي انت شفتها وراح يطلعلك انك اديت الاختبار من تاريخ 3-2 الى تاريخ 17-2 وهيكون فيها اسمك وختم عمادة القبول والتسجيل والبيانات كامله ...وهذي الايقونه مخصصه لكم يالشباب اما احنا يالبنات فلازم نراجع الكليه اللي احنا تابعين لها علشان يكتبون لنا افاده ويختموها ...مرمطه...

[نايف العبدالله]

يارجال خلك مثلي طول هالسنوات

اخذ اجازه من رصيدي ومنه الله ولا منه خلقه

[ولد الشيوخ]

المشاركة الأصلية كتبت بواسطة نايف العبدالله يارجال خلك مثلي طول هالسنوات اخذ اجازه من رصيدي ومنه الله ولا منه خلقه

ليه ماتوفر اجازاتك وتاخذ مشهد يكفيك

شي بلاش ربحه بين

تقبل لقافتي هههههههه الله يوفقك

[algala116]

وليش يأخذ من رصيده .دام انك اخذ موافقه من العمل على الدراسه يعطونك اجازه غصب عنهم... ووفر الايام اللي عندك تحتاجهم بعدين ...مثل الصيفيه انا اشوف انه شهر والله ماتكفي ...

[طالب بكالوريس]

يا اخي روح الـــ odus وادخل على موقعك وتحصل ايقونه افاده العمل تحصل بياناتك وتحتها ايقونه تجهيز الطباعه اضغطها والخطوه الثانيه اضغطها تطبع لك الافاده بنفس تاريخ اليوم اللي تطبع فيها .. ولا تنسى ان تكون الطباعه ملونه علشان يجيك الختم باللون الازرق ..

نعوذ بالله من حسد بعض جهات العمل