فكرة حلوه لمن يريد/تريد إكمال الماستر بتخصص إدارة أعمال...

[لمار عزوز]

السلام عليكم ورحمة الله وبركاته

أكيد أول ماتشوفو الماستر بتقولو بدري وتو الناس بس من باب التخطيط والتنظيم للمستقبل
بالنسبه لي كان طموحي أدخل قسم إدارة أعمال ومع كثرة الكلام إنو ممكن ينقلون رابغ بطلت وقلت خليني على إدارة عامه
وعرفت إني أقدر أدرس ماستر بتخصص غير تخصصي
لكن فيه مواد لازم أدرسها قبل لا أبدا دراسة الماستر يسموها مواد تكميليه
والمواد التكميليه لقسم إدارة أعمال هيا
مبادئ المحاسبه Acct 101
تحليل كمي Econ 204
مبادئ إدارة أعمال Bus 101
مبادئ التسويق Bus 211
إدارة العمليات Bus 221
إدارة الموارد البشرية Bus 231
الإدارة الإستراتيجية Bus 231
مالية شركات Bus 340

و أقصى عدد ساعات لكل ترم هو 12 ساعه يعني أربع مواد
وبتكون سنه كامله غير سنتين الماستر

الخُلاصه : فيه مواد من المواد التكميليه نقدر نأخذها الآن إن كانت مواد إختياريه أو حره
ونطلب معادلتها لما نكمل ماستر إن شاء الله >> كنت رايحه الجامعه وفاضيه قلت أسئلهم إذا أكيد يعادلوها أو لا قالت أيوه بمعامله من عندهم وترسل لقسم الرجال وتتم المعادله بإذن الله( تسألني وين أوراقك قلت لها توو الناس أنا مستوى خامس ، بس أخطط من الآن قالت لا بالعكس حلوو )

مثلاً المحاسبه قد أخذناها
إدارة أعمال نقدر نأخذها أختياريه
التحليل الكمي إختياريه
مبادئ التسويق حره
وبكذا يبقى لنا مواد ترم واحد
ونكون أستفدنا
وغير كذا كمان اللي لا قدر الله جاب درجات نازله عن 70 بهاذي المواد لما يأخذها مع البكالريوس ، يقدر يأخذها بالماستر ويكون عرف الماده وبيجيب فيها درجه حلوه إن شاء الله
لأن اللي بيأخذ مواد تكميليه لازم يجيب فيها فوق 70 وإذا أقل مايكمل دراسة

هذا طبعاً الماستر الأكاديمي

فيه الماستر التنفيذي ( المدفوع - الخاص )
من غير مواد تكميليه ويقبلون إلى تقدير جيد

فكرة بتفيدني وأتمنى تفيدكم
وربي يكتب لنا الماستر إن شاء الله