عاجل كل بنت اختبرت عند نوال رحت اليوم اسمعو ايش قالو لي

[روح الصحراء]

لما رحت اليوم لاستاذه مسؤله عن قسم علم النفس قالت لها ايش الي صار وقالت اذا كان صحيح كلامكم كل سؤال جاء من براء يحسب لكم صح بس الي مو كويسه انو قالت ما فيه شيء اسمه ان تزاكرو من السلايدات وان كل فص معكم بالكامل قلت لها كيف الاستاذه ما شرحت كل النظريات شرحت بس بعضها واحنا مذاكرين من شرحها بس كانها بتتقبل بس انتو يا بنات اذا بتروحو بكره لا تتكلمو بصوت عالي كونو لبقين في الكلام زي صديقتي اليوم كانت مره شاطره في كلامها سالت اول شيء عن الاستاذه وبعدين تناقشت معهم في الموضوع بس اكدوا ان فيه اشياء جات من براء المقرر وبعضها ما شرحتها بس باسلوب وان شاء الله يصير خير ولا نحمل الماده والي تروح تكتب ايش الي صار اوكيه عشان نكون على علم بالموضوع والله يوفقنا جميعا ولا يضيع تعب عباده اااااااامين

[حبيبه توتي]

مررره حلو اذا حسبو لكم كل سؤال من خارج المقرر اجابه صحيحه..اتمنى لكم التوووفيق بنااات والله يكون بعونكم

[توفيقي بيد الله]

لا حوول ولا قوة الا بالله..

ان شاء الله نعدي منها بسلام وربي الماده الوحيده اللي خرجت منها ولا حق تعبي وسهر الليل ..

[روح الصحراء]

اختي توفيقي بيد الله ليش ما تروحي لهم كل ما كترو البنات راح يرحمونا

[هنادي خيري بن حمد]

احنا المفروض ملزمين بالكلام اللي قالته الدكتوره ولا ايش الفايده اننا نسمع المحاضرات وانشاءالله يصدقوا في كلامهم تسلمي ياروح الصحراء بس هل الاقي المسؤله عن علم النفس على الساعه 6 ولا لازم اروح صباح

[أحلى جنون]

ان شاء الله ماتكون تسكيته أدا هما موعارفين أش المقررعلينا حيعرفوا أش الاسئله اللي مش معانا وكلوا أمركم لله وأكثروا من الاستغفار وان شاء الله مايضيع حقنا

[روح الصحراء]

اختي هنادي انا رحت اليوم وقابلتها الساعه 2 عادي روحي لها في هل وقت او الساعه 1 وكيل كيف ما نتبع كلام الدكتوره ولا ليش السنتراء حاطينها وليش نسدد بدري مو عشان نحضر مع الدكتوره وقول كل دكتوره تعطي الي تني على حسب طريقتها والاسئله الي تحطت ترى هي من الاشياء الى ما قلتها الدكتوره مع اشياء من برى المفردات وخبرينا ايش يصير معك بس باسلوب وكلام زين لالالا للعصبيه اوكيه

[منتسبه جامعيه]

كانو يقدرو يسمعو محاضرات السنترا ويعطونا الاسئله منها لكن جامعه استهتار بالطالب وهضم لحقوقه وياليت ببلاش...

[هنادي خيري بن حمد]

صح والله كان على الاقل سمعوها عشان يعرفوا اسلوبها وايش قالت وايش لا

[روح الصحراء]

اختي هنادي واختي منتسبه انتم بس قاعدين تتكلمو روحو بكره والله اذا شافو كثر البنات بيعرفو انهم في غلط على الي ساوه فينا