درجه إدارة المشاريع الصغير ..dn .. وحط اسمك ورقمك تحت الباب !!!

[الدريبي1]

السلام عليكم جميعاً

اول شي مبروك لكل الناجحين في هذا الترم واتمنى لكم التوفيق والنجاح في الدنيا والأخره

حبايبي فيه مشكله صغنطوطه.!

نزلت درجات مادة إدارة المشاريع الصغيرة واتفاجئة بـ dn طبعاً دكتور المادة كاسر المنصور
كنت بوقتها في جدة رحت لكلية الأقتصاد والإدارة قسم إدارة الأعمال وتوجهت للسكرتير قال رح لدكتور المادة ورحت للدكتور ويوم وقفت عند بابه طلع من مكتبه شخص وكان ناوي يسكر الباب

قلت يادكتور لو سمحت . قال نعم . قلت انا اختبرت مشاريع صغير واتفاجئة بـ dn وابغاها تتعدل.

قال ممكن المشكله ان رقم الجامعي مكتوب غلط أو حاجة متل هيك بس انا مشغول اللحين لكن اكتب اسمك ورقمك الجامعي ودخلها من تحت الباب !! وانا ادورها لك واشوفها.
لاحظووا ما طلب رمز نموذج الإختبار .!
طيب السؤال وشلون راح يدورها . ؟؟
بيحوس في كل النماذج مثـلاً..؟!!

المهم رحت للسكرتاريه واخذت ورقه صغير وكتبت فيها المادة والمشكله واسمي ورقمي ورقم نموذج الإختبار إحتياطاً ورقم جوالي.
قلت لعل وعسى أن يهديهم ربي ويعدلونها لي.

انا خوفي إنه يحط درجه من عنده بحكم انه طلب الرقم الجامعي فقط ..
وهذا انا اللي ما ابغااااااااه...

طيب ياجماعة هل فيه أحد حصلت له هالمشكله وعدلوها له ؟؟ وكيف كانت درجة التعديل..؟؟
وهل المعاملات الإلكترونيه تنفع في مثل هذي المشاكل.؟؟ وماهي الطريقه الصحيحه؟؟

يالليت تعطونا آرائكم وخبراتكم .. اخوكم مو مرتاح من هالشغله.

وفالكم النجاح يارب.