وادعاً لـــ ، الخوف ، التشتت الذهني ، القلق ( تعالو ياخطة ب اطرح لكم تجاربي )

[ابومـشاري]

بسم الله الرحمن الرحيم

حبايبي خطة " ب " الترم الثاني دفعه "12 "

حبيت اقولكم أن الـ 5 مواد ان شاء الله سهله عليكم
وراح اشرح لكم المواد وكيفية مذاكرتها ، الاشياء المهمة ، الاسهل ، الاصعب

نجي للمهم

اولاً ( الرياضيات ) : مادة 75% سهولة " بالنسبة لي " وجبت فيها 72 الحمدلله اولاً اعرف/ي طريقة الحلول بالالة فيه ملف انا شفته بالمنتدى فيه طريقة حلول الرياضيات لجميع الدروس اللي تنحل بالالة ... يعني لو عرفت اللي تنحل بالالة ان شاء الله تضمن النجاح وطبعاً بنفس الوقت تعتمد على مدرس رياضيات وانصحكم بمدرس رائع جداً بحكم اني رحت له اسمه بهاء الدين شروحات تدخل المخ بسرعه

ثانيا ( الانجليزي 101 ، 102 ) تعتمد على حفظ القواعد والقطع يعني بسيطة ان شاء الله ومايحتاج الخوف او القلق يعني اذا انت ماتعرف انجليزي نهائيا خذ ورقة الاختبار السابق واحفظها صم وطريقة الحلول مثلا القواعد والاستخراج من القطع وتضمن درجة النجاح واذا مشاء الله بلبل انجليزي راح تنجح

ثالثا: ( المهارات اللغوية ) هذي المادة كنت متخوُف منها مرة ، لدرجة توقعت اني اجيب 60 والعكس صحيح جبت درجة حلووة ، احفظ القواعد لكل درس ، حاول تجيب اسئلة الاختبارات السابقة واعرف صيغه الاسئلة حاول تذاكر من الملخص لاكن الكتاب مضغوط وكلامه كثير ويجيب لك القلق وابتعد عن الملخصات " الغير موثوقة "

رابعاً : ( الحاسب الالي ) اووووه لاتشكيلي ابكيلك المادة هذي جبت فيها درجة سيئة لاني استهنت فيها كثير وحسبتها سهله وجبت d لاكن انا اقولكم طريقة لمذاكرتها امسك الكتاب وطبق الدروس ( الوورد ) ( البوربوينت ) ( الاوتلوك ) الدروس العملية طبقها واحفظ التطبيق
والدروس النظرية أحفظها صم وراح اضمن لك فوق 85 فوق تحفظ هذي واكثر كمان

خامساً واخيراً : ( الثقافة الاسلامية ) جبت فيها هذي المادة فوق 80 الحمدلله ، طبعاً سهله احفظ من كل درس التعاريف ، الاشياء المهمة اللي نهايتها فواصل وصيغه السوال لاكن المشكلة ان الاسئلة تجي فيها غموض يلف لك السوال طول في عررض لاكن خذ الاسئلة للاختبارات الماضية وتدرب على الاسئلة اللي فيها غموض عشان اللي تجيك تكون اسهل بكثيــرر
حاول انك تنوع ايضا مابين الكتاب والملخص المضمون


وفي الختام اسأل الله لي ولكم التوفيق والنجاح

[سكرـأإ]

كلامك سسسسليم
بس نصيحه مني الثقافه لا حظت اغلب البنات يذاكروا من الخلاصه بس
الدكتوره منيره المريطب عطتنا نصيحه قالت اللي حتذاكر من الخلاصه حتجيب مقبول يعني راح تعدي الماده
والادله اعرفوا وجه الدلاله يعني ماتنحفظ
والاسئله سسسهله وماده جميله لانه اغلبها عن دينك واشياء نعرفهآ

_

آلعربي جيبوا ورقه وقلم واكتبوا القواعد كلها لوحدهآ
لان الكتاب دفش وربي قبل الاختبار جيت اراجع ماقدرت
وكنت انسى بسرعه واذا جيت ارجع للصفحه ماللقاها ودخلت المعلومآت على بعض
بس الاسئله سهله زي استخرجي الفاعل والمفعول به وجمع المذكر السالم من الجمله

_

الرياضيات حلو بس الكتاب يخوف من كبره
لكن اهم شي تحفضي القاعدات وتعرف ان y هي ص وx هي س
وفي رموز غيرهآ
واطلعوا على نماذج سابقه

ونصيحه للبنات احنا تنسحب مننا الاله المطوره من اللحين تعودي على البسيطه لان انا استخدمتها لاول مرا في الاختبار وماعرفت احل لان اعتمادي كان على المطوره لان فيها السالب والموجب والللغوريتمات
_

الحاسب
سسسهل اذا انت تعرف للاوفيس
بس طبقوا على الجههاز لان المعلومه تثبت
والكتاب موجود انجليزي وعربي انتم بس مطالبين بالعربي

_

الانجليزي اهم شي القاعدات وسبق ودرستوهآ

[سحاب الامل]

بجد جزاكم الله خير على هذي المعلومات القيمة وربنا يجعلها في موازين حسناتكم
بما ان اغلب نتايجنا طلعت دوبني اروق افتح مواضيع للخطة أ واجمعها ون الحين لان وقتنا ضيق وتعرفوا ورانا مسوليات وعيال والله يبشركم بالفردوس امين طمنتوني الله يعافيكم ولكم مني دعوة بظهر الغيب

[ابومـشاري]

الاخت سكراً ، شاكر لك مشاركتك الجميلة ، أشكرك جزززيـل الشكر ونفع الله بك

الاخت سحاب الامل ، ياليت تطرحين لنا موضوع شامل عن الخطة " أ " وأكون شاكر لك.

[طــبــعــي خــجــولــه]

مشكوورين والله ... ماتقصروا جزاكم الله خير

[ابومـشاري]

شكراً لمرور الجميع ، وفقكم الله

[ابومـشاري]

نقطة مهمة : فيه ملخص رائع جداً باسم المحاضر: هاشم الشهري في مكتبة الغامدي او المهندس تحصلونه

[حدآأإئق الشيطآأإن]

المشاركة الأصلية كتبت بواسطة ابومـشاري نقطة مهمة : فيه ملخص رائع جداً باسم المحاضر: هاشم الشهري في مكتبة الغامدي او المهندس تحصلونه

الملخص هذا خاص بماذا ؟

[اموله الاموره]

جزاك الله كل خير ابو مشاري
جعلها الله بميزان حسناتك

[سحاب الامل]

المشاركة الأصلية كتبت بواسطة ابومـشاري الاخت سكراً ، شاكر لك مشاركتك الجميلة ، أشكرك جزززيـل الشكر ونفع الله بك الاخت سحاب الامل ، ياليت تطرحين لنا موضوع شامل عن الخطة " أ " وأكون شاكر لك.

تفضل خطة ب وجزاك الله خيرا
http://www.skaau.com/vb/showthread.php?t=517773