رد رئيس لجنة المحاسبه بخصوص اعادة التصحيح

[rashed11]

السلاااام عليكم ..
اليوم الصباح الساعه 10 ونصف , اتصلت بسكرتير المحاسبه اللي اسمه عبدالرحمن, وسألته وش صار مع مطالباتنا بإعادة التصحيح؟؟
قال إن رئيس اللجنه اللي هو ( فيصل المالكي - أخذه الله -) رفض إعادة التصحيح و إن الدرجات نفسها ماراح تتغير أبدا..
وماشاء الله عليه يقنعني يقول ان الدكتور عطاكم اسئلة الاختبار وكل واحد فيكم عارف درجته!!!
والله العظيم اني واثق إن درجتي على الأقل 85 وبالأخير راصدين لي 60 !!!
والله قهر وتحدي للطلاب من ذا المنافق المالكي ,, قبل الاختبارات اكثر واحد يدخل المنتدى هو , وبعد رصد الدرجات ماشفنا وجهه ابد...
بس الحمدلله إن رمضان قريب وبيكون له النصيب الاكبر من الدعاء عليه...

ويستمر مسلسل الإضطهاد للطلاب...

[supervisor]

السلام عليكم ورحمة الله وبركاته انا من اكثر الطلاب المتضرر من المحاسبه اخذت 101 ثمان مرات و102 اربع مرات وجاني انذار طي قيد وكله عشان المحاسبه والله ماوقف معاي ولا تجاوب معاي الا الدكتور فيصل الله يجزاه الف خير واعطاني فرصه واختبرني ومن وقته الخاص وانا جلست معاه وتكلمت معاه وقلي باالحرف الواحد انا ماراح ادخل المنتدى ولا احل اسئله ولا اساعد لان فيه طلاب ماتقدر الدكتور كان يدخل ويتعاون معنى ويحاول يراجع ويساعد وحط مية حساب على النت وحط اسئلة المحاسبه الاترام الماضيه على الموقع وملخصات من اعداده على الموقع وكلنا صبينا غضبنا عليه لانه هو الواجهه عشان تواجده في المنتدى علما انا لجنة المحاسبه مكونه من اثنين دكاتره وبدرجة برفسور ومنهم الدكتور السعد والثالث دكتور والرابع محاضر والي هو الدكتور فيصل لا ترمي اتهامات كذا جرب وروح للدكتور وشوف على الاقل هو يتجاوب ويساعد غيره والله مايطالع فيك والله لرحت لعميد الكليه وللوكيل ولعميد كلية المحاسبه والله مااحد ينفعك بعد الله الا دكتور الماده وهذا الكلام عن تجربتي الشخصيه والله ييسر امري وامرك

[rashed11]

ياحبيبي صحيح إن المالكي ماقصر معنا قبل الاختبارات ,, لكن شوف النتيجه ياغالي خسف بالدرجات وبصفته رئيس اللجنه رفض إعادة التصحيح
ياحبيبي الاعمال بالخواتيم يعني تبغاني أصفق له و أحترمه لأنه أعطاني ملخصات وأسئله إختبارات وبالأخير ظلم بالترصيد وترسيب شباب إحترقت نصف خلايا عقولهم عشان يستوعبون هالماده !!

[سـ ـ ـ ـاب]

أخي الكريم

أنا مقدر أنك زعلان على حمل الماده و كل شي

لكن والله ما يجوز تدعي على أخوك المسلم
والله حرام
مهما كان و مهما حصل ،، ما يجوز تدعي عليه

حبيت اوضح وجهة نظري

الله يسهل عليك و يفرجها يارب


احترامي لك

[MaEsTr0oo0]

انا بالنسبة لي انصدمت من حمل المادة
وطلبت إعادة تصحيح ولم يتم الرد علي حتى الآن

المشكلة أني مفترض متخرج بالصيف :(
لكن بعد حمل المادة لازم يطلع لي ترم إضافي

لاحول ولاقوة الا بالله

[ابويحيى]

حرام عليك

الدكتور فيصل دكتور خلوق محترم متعاون

انا مقدر وضعك واتمنى انك تجيب احسن الدرجات
بس ما اطيعك ابد في الدكتور فيصل.

[RAUL 7]

لقد أسمعت لو ناديت حياً ،،،، ولكن لا حياةَ لمنْ تُنادي

[طير الحزن]

ياشباب كثر الكلام عن هذه المادة وهذا القسم بالذات بين مؤيد ومعارض

ولكن ابغى اقول ان المحاسبة2 هي المادة الوحيدة اللي اسئلتها 25 سؤال فقط

هي المادة الوحيده اللي يصير فيها رسوب بالجملة رغم تعاون الدكتور فيصل مع الطلاب ؟؟؟؟

هي المادة الوحيدة اذا نجحت فيها تنجح بالتقسيط

بإذن الله راح اسافرالى جامعة اوكسفورد واعرض القضية عليهم يمكن نلقى حل وننجح في المادة

[RAUL 7]

المشاركة الأصلية كتبت بواسطة طير الحزن ياشباب كثر الكلام عن هذه المادة وهذا القسم بالذات بين مؤيد ومعارض ولكن ابغى اقول ان المحاسبة2 هي المادة الوحيدة اللي اسئلتها 25 سؤال فقط هي المادة الوحيده اللي يصير فيها رسوب بالجملة رغم تعاون الدكتور فيصل مع الطلاب ؟؟؟؟ هي المادة الوحيدة اذا نجحت فيها تنجح بالتقسيط بإذن الله راح اسافرالى جامعة اوكسفورد واعرض القضية عليهم يمكن نلقى حل وننجح في المادة

للأسف ان البعض ينظر للموضوع على انه تحدي و (( كسر خشوم )) بين هيئة التدريس بقسم المحاسبة وبين الطلاب المنتسبين ...

وكأن لسان حالهم يقول .. (( الي فيه خير يتخرج ))

[خالد القحطاني]

يارجال كلهم مقطعين اربع