الشعب مهي راضية تنضاف يطلعلي زي كئنوو متعارضة ؟؟ (تم تعديله)

[Esraa.MD]

السلام عليكم ورحمة الله وبركته
اولا انا بقيلي اضيف كم مادة كل ماضيف الثقافة ماتطلعلي الشعب مهي راضية تنضاف يطلعلي زي كئنوو متعارضة رغم انه مافي تعاااااارض نهائيا والله كارثة لازم الثقافة تنضاف قولولي الحل الله يخليكم ساعدووووووووووني كل ماجي اعمل حصر للشعب يطلعلي مافي شعب ايش اسوي مررررة خايفة

[سمر آل احمد]

نفس الحاله

[جامعيه منتظمه]

قد صارت لي الترم اللي الفات لكن بعد جهد وعناء الحمدلله انضافت
انتي اصبري و ان شاء الله خير

[ميمو مدني]

اول شي تاكدي انو الشعب في مكان وامكانية انك تضيفي الماده لانها لمن ماتطلع مو شرط انو تعارض ممكن تكون الشعبة مليانه واستني شويا لمن يوسعو الشعب واذا اتعثرتي برضو روحي يوم السبت الجامعه إن شاء الله من بدري وضيفيها من هناك

[مزون عابرة]

مرة عادي
حتى لو تروحي السبت تضيفينها
روقي ياعسل

[Esraa.MD]

الشعب فاااااااضية تعرفو انتو عاد كيف الثقافة ماشالله 150 العدد وحاليا الشعبة الي متناسبة يمكن فيها 20 بنت والله حتجنن مررررة خااااايفة
طيب لا سمح الله مانضافت اروح فين عشان يضيوفها فين في الجامعة؟ عند مين

[مزون عابرة]

روحي قسمنا وعبي ورقة حذف واضافه
واعطيها المشرفة الي تضيف للبنات

[العيون الكحيلة]

كلنا كده لاتخافي وأنا السمستر الي راح كانت استاذة دلال موريا هيا الي تعمل الحذف والاضافة للبنات وان شاء الله خير

[Esraa.MD]

معليش انا مررررررة مغلبتكم بس ايش اسوي غشيمة العام كنت تحضيري ولسا ماتاقلمت
طيب اي غرفة
ومرررة جزاكم الله خير
والله يوفقكم وتتخرجو بمعدل 5 من 5 وتسيرو معيدات كللللللللكم

[العيون الكحيلة]

ههههههههه حتى أنا زيك العام كنت تحضيري روحي غرفة ..... اوبس نسيت رقم الغرفة بس اتوقع 118 بغرفة أستاذة ريم الحربي انتي افتكر انك كنتي معايا علم نفس نمو من 9 الى 10 صح؟؟؟ انتي اساسا لما تدخلي مبنى الجوهرة امشي مع البنات اكيد حتلاقي بالهبل بنات يعدلو جداولهم ... ومنتي مغلبانا حبيبتي الناس لبعضها