تأخير معاملاتنا مين المسؤؤل عنه !!!

[sunset11]

السلام عليكم ..

عندي استفسار بسييط .., مين ارسل معاملة الكترونيه للتحويل من كليه الى اخرى عن طريق الاودس ولحد الان ماردو عليه ..؟

انا الان بمشكله ومو عارفه لمين اروح او ايش اسوي !!

انا من المنطقة الشرقيه وخلصت السنه التحضيريه وطلبت تحويل من كلية الاداب الى اقتصاد واداره عن طريق الاودس ومعدلي 4.53 يعني ممتاز ولما فتحت المعامله لقيتهم كاتبين ( تم تحويل المعامله للمسؤله عن القبول شطر الطالبات لاستكمال اللازم ) من تاريخ 29 /8 / 2010
يعني من اول مابدأ التخصيص
المهم جيت هذا الاسبوع جده ورحت الجامعه وكانت هنا *الفاجعه* !!!
اول شي زحممممممه وبنات ينرحم حالهم من كثر ماالموظفات يصرخون عليهم ويتلفضون بألفاظ جارحه ماكأنهم طالبات علم وغير اللي قطعو ورقتها بكل جبروت وماحد يقدر يقول كلمه وحده !!! طبعا ليه يعاملوهم كذا ؟ لانهم اجنبيات ( هذا مو معناته انو احنا السعوديات ماعاملونا بنفس الاسلوب اذا ماكان اوطى !! << موضوع الاجنبيات موضوع ثاني مابدخل فيه لان مجرد كلمة اجنبيات حسستني بالغثيان لما وصفوهم فيها طول عمرهم بنات بلد الا لما جا وقت حاجتهم قالو اجنبيات بس وربي مايضيع حقكم عند رب العباد وليتذكرون كلامنا ( خاصه اللي معدلهم عالي ) .. واحنا شايفين نص المنتظمات اندونيسيات وافريقيات ... الخ
لحد الان انا حكيت اللي شفته لسه ماعرفتو كيف ردو علي او بالاصح تلفضو علي :)
طبعا مثلي مثل باقي البنات نمسك دوور مايقارب الساعه واذا وصلت تحولني على متغطرسه اكثر منها وتقول معاملتك مو عندي وفي الاخير دخلوني عند مكتب وحده اسمها ابتسام ( اعتقد انها العميده اذا ماخاب ظني ) قلتلها عن وضعي ومعاملتي اللي انتو عارفينها ردت علي قبل ما اخلص كلامي ان كلية الاقتصاد اكتفو قلتلها بس انا معدلي فوق المطلوب وتاريخ معاملتي يثبت اني من اول الناس اللي سجلو في الكليه حاولت فيها تفتح المعامله بعدين وافقت وقالت لي كم رقمك الجامعي اعطيتها وشافت معدلي وقالت هوا صح معدلك عالي بس الكليه اكتفت والاودس عطلان الايام اللي فاتو قلتلها لا مو عطلان لانو قبل اسبوع انكتب لي طالب غير مسدد ولما سددت رجعو وكتبو لي مسدد الا اذا كان مايستوي الا وقت السداد هذا شي ثاني طبعا طنشتني وتقول اللي بعدها ! قلت طيب ومعاملتي مين يخلصلي اياها قالت روحي انتظريها في بيتك !!!
قلت انتي عارفه اني صاحبة حق وجايه من اخر الدنيا وفي الاخير هذا ردك بس انا بقولك شي واحد ( حسبي الله ونعم الوكيل ان شاءالله تشوفينها في صحتك )
قالت اطلعي برأأأ خافت من دعوات البنات المظلومين على بالها اذا قالت برا يعني ربنا بيضيع حقنا !!

طبعا انا لحد الان في جده ومو عارفه ايش اسوي اتمنى اللي صار له نفس الشي يقولي اذا مازال في الجامعه ناس تقدر الانسانيه لاحظو ( مانبغاهم يقدرو العلم بس اهم شي يقدرو انا احنا بشر وماجينا ننذل ونهان )

وكلمه اخيره اتمنى يقروها موظفات جامعة عزوز ( لاتحسبونا جينا ومسوين زحمه عشان ميتين في جمالكم الرباني ) وربي لتتحاسبو على كل تقصير تعمدتوة ومايضيع عند الله شي


عموما اسفة على الاطاله لكن اتمنى القى حل لمشكلتي وحل ثاني لموظفات جامعة الملك عبدالعزيز ...
حسبي الله وكفى ...,