افيدوني الله يجزاكم خير

[لموره الاموره]

بسم الله الرحمن الرحيم
السلام عليكم ورحمة الله وبركاته وبعد

كيفكم شباب وصبايا إن شاء الله تمام أنا عندي موضوع حابه اطرحه عليكم واخذ أرائكم
طبعاً هذا أول ترم ليا بتخصص علم النفس لأنو كان طموحي ادخل هذا القسم والحمد الله ربي وفقني ودخلته ..
بس المشكلة بعد مادخلت هذا القسم الكل بدا يلومني ويحطمني يقولون قسم علم النفس ممكن يجيب الحالات النفسية والكآبة
وبديت أخاف من هذا القسم لهذا السبب حبيت أنكم تساعدوني وتفيدوني هذا من جانب ..
ومن جانب آخر ابي أسألكم عن المناهج سهله أو صعبه ودفشه وهل في تحديد وحذف دروس من المنهج أو الكل معنا ..
الله يخليكم ساعدوني بشرط تكونوا صريحين معي والله اني خايفه .. إذا كان القسم يخوف لا تخبو علي عشان أحول قسم ثاني .
معتمده على الله ثم عليكم تفيدوني وتكونوا صادقين معي ولا تكذبوا علي اماااااااااااانه ..
وفي النهاية أسفه على الاطاله سائلين المولى عزوجل التوفيق لي ولكم وللطلاب أجمعين يارب العالمين ,,,,,,,

[يايا الحلا]

اهلين وسهلين وانا بكون معاك صريحه اول شي انتي داخله القسم بارادتك وبرغبتك فماعليك من كلام الناس ولا ياثر فيك ابدا لانه هذي نظرية الكل ماخذها عن العلم نفس لكن قوليلهم يروحو يشوفو المدارس الي برا يدرسو علم النفس من الابتدائيه وهذا لاهميته بالمجتمع ومحد يدخل دا القسم الا الراقين والمتفهمين لكن احنا قدوتنا بعلم النفس البريفسور طارق الحبيب قولي هدا وهوا دارس كل شي يخس علم النفس لا اكتئب ولا عنده حالات نفسيه تانيا هوا مو صعب ابدا لانه كل الاستادات ينحطون على الجرح يبرى وقسم منجد تستفيدين فيه من كل المجالات الانقليزيه بالمصطلحات حقة الامراض وبالحساب عن طريق الاحصاء وبالفسيولوجي والعيادي عن طريق تاثير الامراض ع النفسيه وبالفئات ودالك بطريقه دراسه دو الاحتياجات الخاصه وامممم وايش كمان المهم تحسيه جامع لكل الاقسام ولكن بالطريقه المبسطه والمفيده وهوا سهل وتحسي فيه بالارتياح وتحسي انك منجد تستفيدي وتتعلمي اشياء مرا كتيره فالله يوفقك ويهنيك يارب

[smo3]

وعليكم السلام
بالنسبه انو الكل قاد يلومك فترى الاغلب بيفكر انو علم النفس بيجيب حالات نفسيه
بس اذا انتي كنتي مقتنعه فيه لاتهتمي بكلام الناس
وبالنسبه للمواد اصلا مافي تخصص بيكون مرره سهل
بس اقدر اقلك انو المواد ممتعه وحلوووه
وبالنسبه للتأشير فيعتمد عل حسب الدكتوره اللي راح تاخدي معاها
في بعضهم ياشرو ويحذفو وبعضهم يقولو الكتاب كله
فحاولي تسالي قبل عن الدكاتره

والله سهلك ياارب

[goood man]

جزاكم الله خير على الإفادات الممتازة والتعاون

تمنياتي للجميع بالتوفيق والسداد

[لموره الاموره]

من جد كفيتو ووفيتو جزاكم الله آلف خير
الحين اقدر ادرس واكمل وانا مطمنه ومرتاحه
الف شكر لكم على الافاده الممتازه جداً والرائعه
تمنياتي لكم ولجميع الطلاب والطالبات دوام التوفيق والنجاح ,,,
اختكم/ لمار

[شمعة الجامعة]

صباح الخير.. القسم جدا رائع أختي لمار.. أنا كنت مثلك الكل حولي رافض ولكن ماسمعت كلام أحد وأنا مقتنعة بهذا القسم وبينت لهم مزاياه. والحمد لله تخصصت وفرحت وانبسطت وأصبح الكل الرافض يسأل ويريد أن يستفيد مما تعلمته . وشعارنا وواجبنا نفيد ونستفيد وننفع الآخرين.<خير الناس انفعهم للناس>.. وفقك الله ونفع بك وبشرينا بالمعدل الممتاز..