تظلم المنتسبين في اختبار المحاسبة الحكومية 231

[ليل الرياض]

(الموضوع مقتبس من العضو: ابو زياد الهذلي)
طريقة الاسئله ماكانت سهله ابد للاسباب التاليه:
اولا لم يضع اسئله صح وخطا من اجابتين كما تعودنا سابقا ان يجيك صح وخطا
ثانيا : الاسئله كانت جلها مسائل وماجاء تعريفات او اسئله متعلقه بعلم المحاسبه اعني انها كلها داخل في المسائل
ثالثا: الوقت ماكان كافي وبصراحه سحبو مني الورقه وباقي كم سوال ماقريته حتى قمت حطيت اختيارات شختك بختك
رابعا الاخطاء والاجابات الملتويه والمتشابهه
كل هذه الاسباب مجتمعه جعلت الاصوات ترتفع في القاعه الي اختبرت فيها وزاد الطين بله المراقب المصري كل عشره دقايق يذكرنا بالوقت باقي كذا ونسحب الورقه الساعه كذا ومن هذا الكلام حتى شوش عقولنا
اعتقد ان الاخوه الي اثنو على الاختبار راح ينصدمو بنتائجهم لان الاجابات فيها لف ودوران واخطاء راح تنعكس على النتائج هذي وجهه نظري والنائج راح تاكد صحه كلامي ان شاء الله

إضافة على صاحب الموضوع
احنا طلاب انتساب ولسنا متقدمين على وظيفة محاسب حكومي كما ذكر احد الاخوان
ارجو كل الرجاء ان يصل كلامنا هذا لدكتور المادة
معالي الدكتور (طلال سجيني)
ونرجو منه ان يراعينا من هذه الناحية

الأسئلة سهله ولكن الاختيارات كانت تعجيزية
ارجو ضم صوتك معنا في هذا التظلم

والله ولي التوفيق

[ابو لمى 111]

الاسئلة سهلة وكانت هنا في المنتدى قبل الاختبار


ولافيها تعقيد ابد بس اللي مو مذاكر يشوفها صعبة

[ضامي]

نفس كلام الاخ الي فوق

[منتسب فله]

يارجال الاسئله كانت سهله واضحه والي ذاكر زين طلع مبسوط الدكتور طلال سجيني ماقصر وقال اني خليت التصحيح يدوي علشان اشوف الاسئله الاكثر اجابه عليها احط عليها درجات عاليه ..

انا واحد من الي ماحلوا كويس والسبب اني مريت بوعكه صحيه يوم الثلاثاء والاربعاء والحمد لله على كل حال ..

[ابو لمى 111]

بما انك طالب انتساب فانت طالب جامعي ولازم تكون تستحق الشهادة اللي تاخذها


والله ماضيعنا الا كلمة حنا انتساب وعدم المذاكرة لازم الواحد يجد ويجتهد ويفهم تخصصه صح


عشان اذا توضف بمجال تخصصه يطبق اللي درسه ويطور القطاع اللي هو فيه ويطور البلد


اما كل واحد يجي يضلل على عماها وبعد 10 سنوات يتخرج ويتوظف بشهادة جته بالحظ فهذا ظلم


ودمار للتنمية وللقطاع اللي يتوظف فيه لازم نتعلم وننهض ببلدنا وبدوايرنا الحكومية ونتقدم واذا صرت اداري


وجاك في يوم من الايام معاملة فيها حسابات تقول انا ماافهم وهذا مو شغلي هذا من صميم شغلك يامنتسب

[D. ADEL]

المشاركة الأصلية كتبت بواسطة ابو لمى 111 بما انك طالب انتساب فانت طالب جامعي ولازم تكون تستحق الشهادة اللي تاخذها والله ماضيعنا الا كلمة حنا انتساب وعدم المذاكرة لازم الواحد يجد ويجتهد ويفهم تخصصه صح عشان اذا توضف بمجال تخصصه يطبق اللي درسه ويطور القطاع اللي هو فيه ويطور البلد اما كل واحد يجي يضلل على عماها وبعد 10 سنوات يتخرج ويتوظف بشهادة جته بالحظ فهذا ظلم ودمار للتنمية وللقطاع اللي يتوظف فيه لازم نتعلم وننهض ببلدنا وبدوايرنا الحكومية ونتقدم واذا صرت اداري وجاك في يوم من الايام معاملة فيها حسابات تقول انا ماافهم وهذا مو شغلي هذا من صميم شغلك يامنتسب

متعووووووووووب عليها هذي يا بو لمى (دمار للتنمية وللقطاع)

وانا معك بالكلام ما ضيع الشباب الا كلمة انا منتسب يبغون كل شي سهل ،،،

وفعلاً الاسئلة سهلة وواضحة اللي مذاكر من السلايدات حقت الدكتور يحل بكل سهوله والحمدلله على النتيجة ،،، والله يعوض كل الشباب اللي ما حلو كويس ...

[صدى الريم]

داخله عرض معليش
بس الواحد المفروض يتمرن على الاسئلة الموجودة بمنتدى والطلاب ماقصرو والله جابوا اسئلة وحلوها يعني تعود نفسك قبل الاختبار علشان ماتنصدم من الاسئلة وطريقة الاسئلة بتكون بنمط واحد كل ترم اصلااا
اما انك تذاكر وتقفل الكتب تقول الاسئلة صعبه هذا تقصر منك والله
الله يوفقك الجميع

[D. ADEL]

الاسئلة سهلة بنسبة 80% ... للي ذاكر من الكتاب والسلايدات ...

اللي ذاكر من ملخصات ( لأني شفتها معا الشباب بالقاعات ) عز الله تورط وقال الاسئلة صعبه...

على العموم انسوا المحاسبة وفكرووووووووووووووو بالاختبارات الجاية ...

[أبو حاسن]

والله أول ما شفت الأسئلة أنصدمت أنها أسئلة الأخ عبدالعزيز إلي تم تنزيلها في المنتدى

صحيح أني ما كنت متأكد من صحة جميع أجاباتي بس الأسئلة سهله

إذا كان فيه تقصير فهو مني لأني ما ذاكرت بشكل جيد ،،،

[مشاريـ]

الاخو اللي يقول الاسئلة سهلة وربي لا من زود شطاره بس عشانك لقيت الاسئلة بالمنتدى
والا مع واحد عطاك وجت على ذوقك يافالح انت وهو
اما الاسئلة مو صعبه لذيك الدرجة بس على كثرها مافيه وقت للاجابة مع اني قاري من ملخص ولا سؤال جاي من برا بس مافيش وقت .