محتاجة مساعدتكم ...

[نبضات المحبة]

أنا طالبة انتساب و اتخصصت ادارة عامة والان افكر اني احول علم نفس عشان كده حابة اعرف اش رايكم في هذا التخصص وكيف المواد تبعه سهلة ام صعبة ؟؟ وهل استفيد من هذا التخصص في تعاملي مع الناس ومع أبنائي ؟؟ وكيف الوظايف معاه هل له مستقبل وظيفي ؟؟

ياليت تفيدوني ..

[نبضات المحبة]

ياربي ماحد رد .. ياليت احد يساعدني ويجاوبني

[rozalina]

المشاركة الأصلية كتبت بواسطة نبضات المحبة أنا طالبة انتساب و اتخصصت ادارة عامة والان افكر اني احول علم نفس عشان كده حابة اعرف اش رايكم في هذا التخصص وكيف المواد تبعه سهلة ام صعبة ؟؟ وهل استفيد من هذا التخصص في تعاملي مع الناس ومع أبنائي ؟؟ وكيف الوظايف معاه هل له مستقبل وظيفي ؟؟ ياليت تفيدوني ..

ربي يوفقك ويكتبلك الخير حيث كان
اولا حبيبتي كل تخصص فيه السهل وفيه الصعب يعني لو تحبي القسم راح يكون عندك الصعب سهل بالنسبه لي أغلب المواد بس يبغالها تركيز وفهم وشوية حفظ ( يختلف من شخص لثاني )
ثانيا من ناحيت تسفيدي في تعاملك من الناس و مع أبنائك أنا رغم أني لسه في المستوى الثالث بس من جد مرررره تستفيدي من علم النفس التربوي وكثيررررر من المواد مفيده كثير
في فهم نفسك قبل الاخرين وبعدين فهم كيف يفكرو الناس وأسباب المؤديه للمشاكل النفسيه و الانفعالات
و مادة علم نفس النمو مررررره حلوه تتبع مراحل نمو الانسان إلين مرحلة المراهقة ومره تفيدك في تربية أبنائك والتأثيرات النفسيه لوسائل الاعلام مرررره حلو وسهل
هدا إلي أعرفه لين دحين وقبل أي شي صلي صلاة الاستخااره مره مهمه

[شدندن]

هلا بك
ادخلي في بنت سألت تقريباً نفس اسألتك وجاوبوهاا
http://www.skaau.com/vb/showthread.php?t=510508