[خالد9921]

بأحكي لكم سرّ العبارة السابقة

أحد أصدقائي أكرمه الله بالزواج قبل فترة بسيطة
وكل ما شفته أقول له ياهوووو يا عريس مين قدّك
مب مثلنا يالعزوبية الملحّطين ما غير فضاوة ونت .. ودوام ووجوه تسدّ النفس

المهم بالموضوع إني دايم أقول ماشاءالله اللهم صلي عالنبي الله يسعدهم

فجأة من حوالي أسبوع ,, الآدمي صار يقابلني ووجه مقلوب ومتضايق
وكل ما سألته وش فيك صاير كذا ؟ قال أبد شوية مشاكل طفيفة بالبيت مع الأهل

- طبعاً الشباب السعودي يقول عن الزوجة الأهل معلومة لكنّ يا مشعر الفتيات -

لين أمس حشرته تحشيراً وخلّيته يفرط السبحة والأوّل والقديم
لأنّه كان شبه مطرود من البيت جايني الساعة 2 الليل ومب عارف وش يسوي !!

طبعاً هو الله أكرمه بحمل زوجته من وقت مُبكّر ماشاءالله وكان فرحان كثير
< لاحظوا فرحان

لكن سبب ضيقته ونكديته من حوالي أسبوع
إن الحرمة المصونة قلبت عليه كذا فجأه لا إرادياً بدون أي ذنب منه
نفسيات هالحريم خاصة مع الحمل

صارت تقول له انقلع مابي اشوف وجهك تجيب لي الغثيان هههههههههههههههه
حتى الجنين اللي في بطني إنت مالك علاقة فيه

صاحبنا يوم جاته هالجملة الاخيرة قال لها نعم ؟ وشوّ؟
سلامات كيف مالي علاقة فيه !!


قامت قالت له انا اعرفه من سنين قبل ما تعرفه إنت .. غور عن وجهي
< ههههههههههههههه آآه يا بطني ياخي تصريفاتهم وانفعالاتهم العاطفية تموّت ضحك



الوكاد الحمدلله صاحبنا انسان طيّوب ابن حلال وعقله كبير ومتفهّم
وللحين يتدارك الوضع ويغيّر في جوّها يوم تمشية ويوم عند أمّها ومسيّر الأمور تمام
تقديراً لحالة عرضية مب متأصلة فيها
وانا مافي الا اعطيه نصايح على راسه
وخل النزهات الروتينية روحوا جنيف مع انك ملحّط هههههههههه





قصته حق امس للحين تموتني ضحك على طردته من البيت
لو تشوفون نظراته أمس وانا اقوله هيّن خنت نادي الصياعة والعزوبية ودارت عليك الدنيا ها
لا وقالبها زعاطة عليه كل شوي أقوله انا مشغول بروح بيتنا ومافي إلا يترجّاني ههههههههه
< يا خوفي من الشماتة

الأهم نكتشف من هالقصة
إن الأنثى رغم الديكور الأنثوي اللي تملكه ويسلب أنظار وتفكير الذكور
إلاّ إنّها كائن مُعقّد نفسياً وعاطفياً
بشكل أكبر بمليون مرّة من الرجل اللي يمتاز بالمنطق والعقل

ونكتّشف إن الرجل الأحمق يعجز عن فهم الأنثى
وقد يكون الله رزقه بـ إنسانة صالحة طيّبة رائعة
وبسبب عارض نفسي كزوجة جديدة وعارض هرموني وجسدي مالها أي ذنب فيهم
يحوّل هالرجل الأحمق فورتها وغضبها وصدودها المجبورة عليهم
لمشكلة جحيمية وصغر عقل ينتهون بالخلافات الشديدة والطلاق !!


أمّا الرجل الطيّب الصبور الذكي المسيكين مثل صاحبي
فأنا قلت له لو جاتك قذيفة آر بي جي عالشهر التاسع ورحت فيها
احتسب الأجر مانت أحسن من شهداء سوريا ههههههههههههههههههههه



وبالختام

اتقي شرّ مزاج النساء