[ja---va]

نورث ياعمري عليكي وحشتيني موضوع وزيرة والرجال ما وافقوا عادي طنشي مو الموظفة لسه في منصبها ؟
بعدين ايش دخل الرجال في الموضوع ومين قال انهم فرحانين الا وزعلانين اكثر مننا
طيب ليش هم لما خلوهم يشتغلوا سواقين ليموزين والكل رفض الركوب معاهم قال ايه خافين ما كانوا حاسين بالاضطهاد؟؟مساكين الله يسعدهم ويباركلهم كل يوم ادعي انه يصير بس سعوديين بدل البنغالة اللي يطردونا من السيارة في الشارع

اما موضوع الخادمات دا امر اخر انا من الناس اللي زعلوا وولّعوا لما نزل القرار لكن الان اتقبلته اقولك ليه
حاتكلم عن واقع يمكن لو شفتي ردي على موضوع da vinci (اللي هو ما شافه اصلا) حتعرفي
صحيح البلد غني وكل يوم نقول نفس الكلام البترول المساعدات المفروض الضمان يشملهم والحكومة تسوي وووووو
متى حيحصل كل هذا حنستنى وعلى مايصير يكون الناس ماتت من الجوع او اشتغلوا في الشحاته والدعارة لا تستغربي للاسف كثير منهم اضطروا عشان ياكلوا
الناس يا بنتي حتموت من الجوع والشمس سلختهم لانهم ساكنين في عشش (العام الماضي في عكاظ سعودي عايش 40 سنة في عشة)
في مجموعة من الاخوات اعرفهم راحوا يوصلوا زكاة مالهم في بعض القرى البعيدة عندنا لما اعطوهم فلوس بعض النساء من القرية مسكوها وقالوا ايش هذه ايش تسوي نحن نبغى اكل, بناتنا يتوظفوا بـ 800 ريال وظايفهم مهينة اقسم بالله وعليهم مسؤولية عيلة كاملة وهم سعوديات متعلمات ايش يسووا يستنوا احد يحن عليهم ولا قرار جديد يتوقع بعد 6 سنوات وينفذ بعد 45 سنة للبعض مو الكل
لا تظني يا قلبي اني فرحانة لا والله قلبي محروق لكن ما اقول غير يا رب 00
على فكرة انت عارفة ان راتبهم زي راتب المدرسّة السعودية الجامعية في المدارس الخاصة الفرق ان المدرسة ياخذوا منها تأمين وخصميات شر البلية ما يضحك
واشكرك مرة ثانية واتمنى ما تزعلي من كلامي يا غالية.