فعلاً والله هذا اللي بيحصل ..
أنا لما رحت في التدريب العملي لمستشفى الصحة النفسية
كان فيه واحد مريض .. هوا ماعنده أي مشاكل عقلية .. لكن كل مشكلته " انه لقيط"
دي كانت أول حالة أقابلها هناكـ .. وأول حالة تعاملت معاها
من جد والله والله إني كنت ماااااااااسكه نفسي إني أبكي .. "يقطع القلب" بمعنى الكلمة
مافي عنده لا صورة عن ذاته ولا ثقة في نفسه ولااااااااااااشي معدوووووووووووووووم
إنسان صفر كده .. مع انو الولد في عمر الشباب كان عنده 24 سنة .. واحد زيه المفروض دحين خلاص على مشارف الزواج .. ويكون درس وكون نفسه ووو
" لو " كان لقي بيئه كويسة تحتضنه ،، لكن للأسف للأسف ..
وعلى فكرة إن دار الرعايه دي هيا اللي باعتتو ع المستشفى ..
والسبب انه يعاني من اكتئاب حاااااد وأفكار انتحارية ..
لدرجة انه وأنا اتكلم معاه .. كان يقول لي أنا أرمي نفسي ع السيارات .. وابغى اتخلص من حياتي :(
وآآآآه بس مابدي أفتكر أكتر .. من جد كل ما أفتكرو الآدمي دا أحس اني أبغى ابكي من قلبي .. وصرت كل ما أروح المستشفى أبغى أشوفو .. أبغى أقوله أي شيء أحسسه انو الدنيا لسه بخير .. إنو إحنا معاك .. وإنو احنا بنسأل عليك .. وكان يغنيلنا .. وكنا نصفقلو .. ونشجعه .. وجبنالو هدية .. ومرة قال لنا مرررة نفسي تجيبولي كيكة وتكتبولي عليها اسمي .. وفعلا بعد ماخلصنا شغلنا معاه جبناله كيكة وكتبنا عليها اسمه .. ومررررررة وقتها فرح .. ويقول انا اول مرة احد كده يسويلي .. وسار فرحاااااااااان زي البيبي :(
ومسكين كان يقول .. أنا مررررة نفسي اتزوج .. ياحليلو ماهو داري نظرة المجتمع له كيف للأسف :(
ياقلبي عليه .. الله يكون معاه يااارب .. والله اني كل ماافتكرو ادعيله .. وامثاله .. الله يكون معاااهم
معليه هرجت كتير .. بس من جد الموضوع دا جداً مؤثر .. شكراً شادن على اهتمامك واثارته ...
والله يجعلنا نقدم للفئة دي ولو جزء بسيط من خدمتنا لهم ...