[إح ـساس]

الله يوفقكم و تنجحون كووولكم يااارب

أنا راح أعطيكم سر خطير وهي طريقتي في المذاكره ..

أدري راح تستغربون مني كثير ولكني ولله الحمد جيدة جداً
معدلي بمشيئة الله و بركة الله سبحانه وتعالى فوق الأربعة

راح أقولكم وش أسوي ...

قبل المذاكرة

ما أنسى الدعاء قبل المذاكرة ( اللهم لا سهلا إلا ما جعلته سهلا )
(اللهم إني أسألك فهم النبيين
وحفظ الملائكة المقربين
وأن تجعل لساني عامرا بذكرك
وقلبي بخشيتك
وبدني بطاعتك
فأنت حسبي ونعم الوكيل )

أستعين بالله أستعد للمذاكرة أجهز لي كابتشينو بالقرفه ..
(ما أشربه دائما فقط أيام الأختبارت علشان يكون للأختبارات شي مميز )

الهالايترز ..( الأقلام الملونه الفسفوريه)
هذي جداً جداً جدددداً مهمه ...
و ضروري يكون عندك اكثر من لون ..و من نوع أصلي
علشان تفتح نفسك للمذاكرة ...
بس الأهم أنها برمجه لعقلك وتنظم المعلومات و بدون ما نحس فيها

عطري كتبك بعطرك المفضل ..
و لو يكون كل كتاب بعطر مختلف أفضل ..


المذاكرة

اول شي أدور على أسئله للمادة و أحلها من الكتاب (قبل ما أذاكر الكتاااب)
علشان أعرف طريقه الأسئله و كون أني حليت الأسئله هذا معناته أني لميت المهم في دماغي
و عرفت ايش أعرفه و أيش ما اعرف .. علشان أركز على أيش بالضبط

أخذ الأقلام الفسفورية
في أول صفحه من الكتاب أحدد كل لون لأيش ..
أسوي خط من اللون و جنبه الأستخدام

مثلاً أنا أستخدم
اللون الفوشي (للعناوين) بشكل عام حتى لو كان عنوان تعريف :)
اللون الأزرق غالبا يكون لكلام مهم و طويل زي التعاريف نفسها

اللون الاخضر للتعداد ..
اللون الأصفر للشي المهم جدددداً لانه فاقع و يتعب العين
اللون البرتقالي للمعلومه الأقل اهميه من الأصفر (برضو فاقع )

و كل شخص يسوي اللي اللون اللي يرتاح له للشي اللي يشوفه أنه مناسب له..
بس لكل لون أستخدام واحد بسسس
بس هذا مش معناته أننا نلون كل الكتاب .. بس نلون المهم فقط
نلون بتركيز .. وفهم .. و كل ذا التلوين ليه ..
علشان نقدر نتذكر مكان الجواب في الأمتحان :)
و علشان نستمتع بالمذاكرة ... :)


شي ثاني ممتع جداً هو حركه الكروكي
أحنا بالبنات بشكل عام نحب نخربش .. و نشخمط شخاميط ..

هذي حركه خطيرة
هي اننا نترجم الكلام الصعب إلى رسومات .. خرابيش

مثلا تاريخ ..
واصل المغول زحفهم و توقفوا عند فلسطين

أرسم غول أسود ماد أيده طويله و أرسم فلسطين و بينهم كلمة stop

بكذا أنا ربط الرسمه بالعبارة حتى لو ما شفتها راح أعرفها
نربط العبارات بأي صورة تجي في بالنا علشان نتذكرها .. :)


أثناء المذاكرة

لو حسيتي نفسك مخنوقه من المذاكرة اومن أي ضغط عليكي ..
أبكي عادي .. طلعي اللي في قلبك ولا تخلي في خاطرك شي ..
و أدعي الدعاء اللي فوق و بعدها حاولي تنااااامي لو ساعه وحده .. بدون تردد
النوم ينظم معلوماتك+ينسيكي الهم و الضيق ..

و قومي نشيطه (و أبتسمي أبتسامه عريضه )<<< مهم اول ما تفتحي عيونك
و قولي لنفسك بصوت عالي ان المادة سهله وواضحه (خصوصاً لو كانت أصعب مادة) <<<لا تستهوني فيها
كلمي زميلاتك خصوصا اللي تعرفي أنهم حايسين
أسأليهم عن أي شي (حتى لو ما تبغي شي) يمكن يحتاجون منك شي
شاركي احد في مذاكرتك ..
قد ما تقدري ألهي نفسك على الهموم و ضغوط الحياة
(راجعين لها راجعين بس بعد الأختبار )

لا تاكلي كثير .. في الأمتحانات خلي أكلك خفايف ..

بعد المذاكرة

صلي على النبي 10 مرات ..
صلي ركعتين و قولي ( اللهم أني أستودعتك ما أستحفظت ذكرني به عند حاجتي اليه)
ناااامي لو نص ساعه تكفي بس المهم أنك تنامي

في الأختبار

سمي بالله
وخليكي متفائله ..
أكتب أسمك و ظللي رقمك
و خلي الورقه ذي ظلليها في آخر ربع ساعه من الأمتحان

أبدأي حلي الأسئله إللي تعرفيها كلها على الورقه نفسها لا تشتتي نفسك بين ورقتين :)

خلي الأسئله الصعبه آخر شي بعد التظليل ..

لو مر عليكي سؤال مرا ما عرفتي له جواب .. أقرأي ( ألم نشرح لك صدرك ) و الفاتحة ..

و جاوبي للشي اللي يرتاح له قلبك :)


يااارب أني اكون أفتدكم يالغاليات و أتمنى أنكم تجربون هذي الطريقه و تنقلونها لكل اللي يحتاجونها بجد ..
ولا تنسوا تدعو لي بان الله يوفقني و ييسر أمري و يرزقني بالزوج الصالح :)


أختكم المبحه

إح ـساس