[shanofah]

وعليكم السلام

حبيت اقلك لمن تسحبي ملفك من اي جامعة ماتقدري ترجعيلها تاني يعني لو سحبتي ملفك من جامعه عبدالعزيز بعدها تدوريلك جامعه تانية

وانتي معدلك عالي ضامنة انهم حيقبلوكي انتظام في الجامعة اللي تقولي عليها ولا تنسي الائولوية لبنات السنة نفسها ماحيقدموكي على بنات متخرجيين هذي السنه وانتي شهادتك سار لها فترة حتى لو سنة ياخدوها بالاعتبار

ما ادري بس لو ماحضرتي الاختبارات ايش حيكون الاجراء حيفصلوكي من الجامعه اسئلي اذا عايدي مايوقفوكي ولا يفصلوكي لا تحضري وعيدي الترم هذا ولو تحسي انك ممكن تمشي حالك في الاختبارات مع انو من كلامك مو مبين روحي

ولا انا اقلك روحي احضري الاختبارات وحلي اي كلام الماده اللي تنجحي فيها خير وبركه واللي ترسبي عيديها ترم ثالث اسمو حضرتي وتضمني ما تنفصلي ولا شي ولمن يتفتح الباب للتسجيل بالجامعة الي تقولي عليها سجلي لو اتقبلتي اسحبي ملفك من جامعتنا المصون اسمو ضامنة مستقبلك مو تسحبي ملفك وفي النهاية يضيع مستقبلك