[علي العسيري]

المشاركة الأصلية كتبت بواسطة tag2000sa السلام عليكم ورحمة الله وبركاته أنا عندي طريقة ... أعتقد والله أعلم إنها جيدة ... وإن شاء الله تفيدك بدل الحفظ ... بالفهم لأن هذي رياضيات مهي قرآن ومستحيل فيها الحفظ شوف الطريقة كالتالي ... خلي الطريقة مسلية وكلعبة مثلاً تلعبها مع بنتك وإن شاء الله تحفظ جدول الضرب من 1 إلى 11 جدول 1 وجدول عشرة نفس الشي إلا انه جنب كل رقم حيكون في صفر زيادة مثال: 1 ضرب 4 = 4 10 ضرب 4 = 40 جدول 2 على أصابع اليدين والرجلين مثال: 2 ضرب 5 معناتها خمسة أصابع في اليد الوحدة إذاً في اليدين مع بعض عشرة جدول 11 هوا نفس الرقم مكرر مثال: 8 ضرب 11 = 88 وبالنسبة للجداول من 3 إلى 9 استخدم طريقة الجمع مثال: 3 ضرب 3 = 3 + 3 + 3 = 9 وأذكر أمي كانت تخليني أكتب كل جدول من 1 إلى 11 عشر مرات في دفتر أبو 40 وتقول "التكرار يعلم الشطار" غير دا استخدم المحفزات والمغريات ... من هدايا وحلويات وتمشيات .. على كل انجاز عشان تشجعها مثلاً لو حفظت جدول الضرب تمام من 1 إلى 5 تطلع تمشية ولا حلاوة ... ومن 6 إلى عشرة لها هدية كذا وكذا هذا الشي اللي مريت فيه أنا يوم كنت صغير

اختي الكريمه طريقتك جدا جميله وخاصة مسئلة انها تكون مثل اللعبه وهذا الي افكر في عمله معها اما حكاية العد على اصابع اليدين والارجل ما اعتقد انها عمليه للصغار , واقول الصغار لأن اتذكر فيه لعبة رياضيه تعدتمد على الاصابع كنا نعلها الغاز ايام الثانوي ,,

بالنسبه للحوافز مايحتاج ولله الحمد هذا مبداء عندي واعتمد عليه ومع الجميع

الله يعطيك العافيه ومشكوره على نصائحك القيمه

المشاركة الأصلية كتبت بواسطة υикиσωи خخخخخخخخ ... من اسمووو ...جدول الضرب ..يعني ما ينفع فيلو الا الضرب مممم ..طيب حاول انتا تحفظها كل يوم نص جدول ... يعي خلال 20 يوم ان شالله حتكون حافظتووو ... وكل يوم سمعلها هوا انتا ... وراجعلها اللي حفظتو سابقااا ... في العصر سمعلها ..بعد المغرب راجعلها ..قبل لا تنام راجعلها تاني .. لانوو اتوقع جدول الضرب يبالوو تكرااار عشان ينحفظ اناا اتزكر انو لما اخدتو في المدرسة ..كل يوم الجدول اللي ناخدوو ماماكانت تسمعلي هوا في البيت خمسمية مراااا صح احيانا كنت آخد كم كلمة حلوين .. بسس الحمد لله دحينا من احسن ما يكون ... حتى ما اثق في الالة ... أحسب بنفسي ... بسس لا تخلي بنتك مراا ع راحتها ... ماتبا تحفظ يعني ما تبا تحفظ ..

ماشاء الله تبارك الله , الله يعطيك العافيه وفعلا افكارك وتجربتك مع الماما تستحق الاهتمام

ساطبق مع بنتي بعض الطرق الي تفضلتي بها ,,

جزاك الله خير والله يوفقك

المشاركة الأصلية كتبت بواسطة northstar كان اخوي الكبير يحفظني برسومات يرسمها ليه ويسمعها ليه طول ما انامعاه واذا حفظتها وسمعت له كل يوم جدول عدد معين يوديني الملاهي وحفظتها معلومه العنف ماراح يفيد

اكيد يانورث العنف ميجيب نتيجه , بس سبحان الله في بيتنا العكس ففي الوقت الذي انا الي لا اؤمن باستخدام الضرب في تربية الاطفال نهائيا تاتي زوجتي وتصب جام صخطها على من الغى قرار الضرب في المدارس وهي تحاول ان تلجاء لهذا الاسلوب مع ابنائها في بعض الاحيان ,,

اما الرسومات مافهمت عليك كان مثلا يرسم دوائر ومثلثات واشكال هندسيه وعن طريقها يعلمك جدول الضرب , شكلها برضو طريقه مشوقه ,,

انا ابحث عن افضل طريقه ,,

وفقك الله بتوفيقه وسدد على دروب الخير خطاك

المشاركة الأصلية كتبت بواسطة نمر من النمور التحفيز أفضل وسيلة إذا كنت تريد عملا ممكن تحفزها زي ماذكرت نورث بالملاهي .. أو ممكن بشراء لها لعبة أو شي هيا تحبه مرة .. وخاصة مرة دي فإذا وضعت نصب عينها هدف ستستمتع به ... ثق تماما أنها ستبذل كل ما بوسعها لتصل إليه بالنسبة للحفظ لاتخليها تحفظ بدون ماتشوف الأرقام وتكتبها بنفسها يعني مثلا أذكر وانا صغير أوراق الفرخ أعتقد كدا يسموها.. تشوفها تقول كتاب من كثرها ... إلى الآن موجودة .. كانت الوالدة الله يحفظها تكتبلي التمارين وانا أحلها بس كنت أستمتع بالحل ... وأحاول أحل صح وبسرعة .. عشان تخليني أنزل ألعب مع العيال في الشارع ( شفت إيش كان يحفزني ههههههه ) << داشر من هو صغير مشكلة جدول الضرب إنه ماينفهم ... ينحفظ وبس زي ماذكرت لك .. لما تكتبه بنفسها .. وتشوف الرقم بعيونها .. حيثبت في عقلها .. وماحتنساه أبدا بس هالله هالله بالتمارين الله يحفظلك إياها ويحفظ أخوانها معاها ... وإن شاء الله يكون الجدول بسيط عليها إلا ماقلتلي عسيري 9 * 7 = كم ؟؟

الله يجزاك خير على دعواتك الطيبه اخي نمر وربي يحفظ لك كل غالي
صحيح انو جدول الضرب ماينفهم لازم ينحفظ حفظ , وعملية الحوافز والدوافع هذه تكلموا عناه الاخوات وانا اجزم بفعاليتها , وطريقتك في ان الرقم لابد يكون قدام عيونها هذا صحيح عشان ترسخ المعلومه ,, والتعليم في الصغر كالنقش على حجر ,,

اما ناتج 9*7 = ( سن تقاعدك اذا كنت موظف في الخدمه المدنيه ) !!

عسا عمرك طويل اخوي نمر والله يرزقك بالزوجه الصالحه وبالاطفال الي تحفزهم وتعلمهم جدول الضرب وكمان لاتنس اسماء تشكيلة نادي الاتحاد ( وهذا اهم شي ) ,,

يعطيك العافيه يانمر

المشاركة الأصلية كتبت بواسطة نمر من النمور ^ ^ نسيت أقول إنها إنبراشة غير موفقة ... الموضوع فور ليدز فـَأطْ

مايهم اهم شي الرأي وكما اسلفت انا قلت اني خصصت العنوان للبنات لعلمي مدى اهتمامهم بالامور التعليميه ,,
اما حنا الشباب >>>>>>>>>>>>>> فماعندنا الا الدجه ,,,

تحياتي