[شيخ الزين]

السلام عليكم ورحمة الله وبركاته

والله ماادري بصراحه الوم بعض الناس اللي وضعت ملخصات ماتدري هي صحيحه والا لا او حتى فكرت انها تتعب نفسها شوي وتتاكد قبل ماتخلي الملخصات المغلوطه قداام الطلاب اللي لالهم لاحول ولاقوة
حملت ملخصين وللاسف لي ساعه جالس ابحث مو قادر احصلهم ومن اللي نزلها
الاول تحليل احصائي والثاني احصاء
الاحصاء ممكن يمشي حاله
لكن التحليل الاحصائي تم اضافته وهو للاسف تابع للكتاب السابق الغير ( منقحه ) على قولتهم
وانا معاي نفس الكتاب اللي للاسف انغريت فيه وحسبته هو ولي يومين وانا اذاكر فيهم
وللاسف ان المذكره مختلفه جذرياااااااااااااااااااااااااااااااااااااااااااااا ا عن الفصول والابواب في الطبعه الجديده انا للاسف مو عندي الكتاب الجديد ولا فيه وقت اني اروح اجيبه حاليا لكن لولا لطف الله ثم وجود محاضرات الاخت زهرة تشرين كان رحت الاختبار وجبت العيد فيه بسبب عدم انتباهي للطبعه ان كانت منقحه والا لا وعتبي على الجامعه ليه ماغيرو الشكل الخارجي للكتاب
وعتبي وغضبي واللي طير من عيني النوم من امس هو الشخص اللي وضع ملخص وهو مو عارف اذا كان الملخص نفس المطلوب والا لا
ورب الكعبه اني ذبيت الكتب والملخصات في اقرب جدااار من القهر يومين وانا احفظ واكتب واحل واراجع واخرتها تروح كذا
لكن مااقول الا لاحول ولا قوة الا بالله وهالخطأ خطأي من الاساس والا كان حضرة جنابي جبتها من مصدرها بلا دوخة الراس هذي كل واحد يحط له ملخص من راسه
لكن بصراحه الواحد المفروض مايعتمد الا على الناس المعتمدين في المنتدى لاني بصراحه ماادري من اللي عقب على احد المواضيع ونطل له ملخصين اعجبوني كتنظيم وراجعتها من فتره مع الكتاب اللي عندي وكانت نفسها واعتمدها


رجاااااااااااااااااااااااااااااااااااااااااااائي للجميع لاحد يضع ملخصات ولا شي الا متاكد منها هل هي عالخطه الجديده او لا لان الجامعه كل ترم تغير ومثل ماياخذون 3000 الاف كل ترم يبي ياخذون حقهم في الكتب بعد وهذا من ابسط حقوقهم على الضعفاء

اتمنى من كل قلبي احترام الطلاب والطالبات اللي مادفعو رسوم وضيعو من وقتهم الكثير وحرصو وتحملو كل شي عشان يكملون دراستهم ووثقو فيكم في هذا المنتدى المبارك طبعا عتبي ليس على المشرفين ولا الاعضاء لان الاغلبيه فيهم الخير والبركه ولكن بعض من الاعضاء يجتهد واجتهاده ليس في محله للاسف


اتمنى للجميع التوفيق واسف جدا على الاطاله وعلى ماكتبت ان جرحت احد لكن من حر مافيني