في البداية أحب أقول أهم شي الأخلاق وتقبل الرأي والرأي الأخر مهما اختلف معنا في وجهات النظر.
أما بالنسبة لبحثك اللي في بداية ردك على أخوي محمد قلتي عنه تقرير ورغم انه شرح لك انه حنا طلاب الانتساب يختلف وضعنا وشكرك في البداية( يعني ولد لبق) وأنتي طلعتيه مايفهم في ردك له وهذا شأنك ..ولكل شخص أسلوبه في الرد ولا نصادر حق أحد في الرد أو التعبير عن وجهة نظره .. وأنا ردي عليك مو رد إلا لتنبيه الطلاب على الفرق بين بحث عن مشكله معينه في الموارد البشرية وتفنيدها وبين تقرير عن تدريب تم في منظمة ما وهذا اللي مطلوب مننا ياطلاب الانتساب كما بينت في ردي الأول وذلك لمساعدتهم على تقديم تقرير مميز وأن ينالوا درجة عاليه.. ((وانهم مايكتبون مثل بحثك)) وردي جاب عدة نتايج الاول في ردك الاخير على محمد قلتي له انه على حسب مايطلبه منك دكتور المادة وتراجعتي عن كلامك الأول دون اعتذار ( اللي قلتي فيه انت اللي فاهم غلط ) اما الثاني فهي مساعدة زملائي على فهم التقرير وإن شاء الله ربي يوفقهم لنيل تقدير ممتاز ..
أما بالنسبة لكلامك في الاخير لم يوضع هذا المنتدى الا لتبادل الاراء وافادة الطلاب وانا انسان ماتعودت اسكت على شي غلط او معلومه ممكن تضر طلاب في الاخير بتحصلين لك دعوه مش كويسة..
اخر كلامك ماكان ينبغي أن يقال احتراما على الأقل لأعضاء المنتدى .. والاعتذار عن الخطأ من شيم الكبار ( طبعا ما ابي الاعتذار لي لأني كبير بعقلي ولا التفت للأمور هذي لكن ينبغي ان تعتذري للأخ محمد اللي قلتي له انت فاهم غلط وتهجمتي عليه)
ودائماً حيلة العاجز او ممن هو على خطأ ( انت وش دخلك, كلامي مو موجه لك ) نتمنى ان يكون الحوار رااااقي ولا فيه تطاول او تهجم على اياً كان..
في النهاية أتمنى التوفيق والنجاح للجميع