[فنتآزيآ]

المشاركة الأصلية كتبت بواسطة جوري المدني بنات انا مررررا تايهه وملخبطه من البحث والتدريب ياليت الي اخذتوا الترم الي فات تقولي ايش الاجراءات خطوه بخطوه ولما اروح الجامعه يمديني اخلص الاجراءات في نفس اليوم واتفق مع الاستاذه عن مكان التدريب وعادي اذا يتدرب في الجامعه نفسها والنماذج الخمسه حقت التدريب ماعرفت اعبيها كلها وكتبت في جهه التدريب الرغبه الاولى الجامعه والثانيه المدرسه الي درست فيها الي عبتها تقولي كيف ولما اخلص كل دي الحوسه ابدا على طول التدريب ؟؟؟؟؟؟؟؟ والبحث كم وقت ياخد عشان نخلصوا

اهم نقاط لازم تعرفيها عن البحث و التدريب :

1-اختاري استاذة تتواصل مع الطالبات وما تتطلب حضور الجامعة وترسلي لها مسودة البحث ومسودة التقرير ع الايميل و تعدلك ع الايميل مو كل مرة تطبعي مسودة و تروحي الجامعة ويكمن تلاقي الاستاذة ويمكن لا
2- اختاري موضوع بحث له مراجع كثيرة زي رسائل مجاستير عشان يكون عندك فكرة كيف يكتبوا بحوث وكمان تستفيدي منها كدراسات سابقة تحطيها في بحثك ( ابحثي في غوغل عن مراجع ) و كما تقدري تستفيدي من كتب اللي درسنها كمرجع
3- تمشي مع خطوات استاذتك خطوة بخطوة لانه خطوات البحث و التدريب تختلف من استاذة الى استاذة
4- احضري محاضرات السنترا للمادة البحث لانه استاذة تشرح لك ايش تبغى بضبط وتعطيك الخطوات اللي تمشي عليها في بحث و التقرير و تفهمك اللي ما تعرفينه
5- يوم المناقشة روحي نفس اليوم اللي حددته لكم الاستاذة لانه هذا اليوم يكون بنااات كثييرعشان تعرفي الاستاذة ايش سالتهم في مناقشة وكمان الاستاذة ما طول عليك بالاسئلة وخليك واثقة من نفسك

^^^^^^^^^^^^^^^^^^^
اول ما تنزل اسماء الاستاذات البحث تروحي كلية الادارة عند عبير و تكتبي اسمك ورقمك الجامعي عند اسم الاستاذة اللي تبغي تكوني معها وتاخذي اوراق التدريب مختومة من عندهم وبعد اسبوع او اسبوعين تنزل المادة في جدولك

بالنسبة للتدريب استاذة حقتي فاطمة كمال قالت لنا ع سنترا ودوا اوراق التدريب للجهة التدريب وابدوا تدريب ع الطوول ونخبرها ع الايميل مكان التدريب انا ادربت في كلية التقنية للبنات بجدة سألتهم تقبلوا تدربوني قالوا ايوة وثاني يوم بديت التدريب واخذوا مني اوراق التدرييب كلها وكتبت فيها بياناتي


بس هذا شي يختلف عن بنات اللي راحوا مدارس كانو يسجلو رغبات وبعدين يوجهوهم للمدرسة قريبة من الطالبة

حاولي تكتبي التقرير في نفس وقت التدريب عشان تسألي موظفات و تستفيدي منهم

اما البحث ترسلي للاستاذة ثلاث او اربع مواضيع وهي تختار موضوع واحد ,, اهم شي مواضيع لها المراجع ورسائل مجاستير عشان يسهل عليك كتابة البحث من غير مراجع مرررة صعب كتابة البحث ,, و امشي بخطوات استاذتك في البحث وتواصلي معها