[خبير في الادارة العامة]

المشاركة الأصلية كتبت بواسطة h a n o o السلام عليكم ورحمة الله وبركاته . . كيفكم ياطلاب وطالبات الانتساب ماأقول غير الله ينصرنا عالظالمين يعني أنا عندي استفسار ضروري جداً ولازم أروح الجامعة مو معقولة أقعد أنتظر الين يوم الاثنين ماصارت بصراحة بإختصار : اللي يعرف بوضعي يساعدني بصراحة أنا مررره تايهة ماني عارفة كيف أتصرف ياليت لو أحد يساعدني حكايتي هيا : إنو باقيلي 6 مواد عالتخرج + مادة البحث والتدريب سددت لهم الرسوم وجيب أضيف المواد حصلت لي مشكلة بإضافة مادة : قراءات إدارية باللغة الانجليزية مكتوب عنوان الخطأ : خطأ في المطلب الأساسي أو درجات الإختبار رجعت أشوف المطلب الأساسي للمادة طلع مادة الانقلش " ادارة واقتصاد 101 + 102 " رمزها أظن : Elca أنا كنت إنتظام علمي ودرست إنقلش 101 + 102 لكن إنقلش علوم وليس إدارة وإقتصاد ورمزها غير elcs ماهو الحل بنظركم المادة ماهي راضية تنضاف معي مو معقولة أرجع ادرس مادة الانقلش elca رح أتجنن وربي 101 بترم + 102 بترم آخر عشان أخذ القراءات الادارية بالترم الثالث غير كذا ساعاتي 111 من 132 > الساعات الكلية حقتي مكتوب 132 يعني تجاوزت ساعات المعدل اللي هيا 128 ماني فاهمة وضعي بصراحة فتحت المواد المتبقية للطالب بالخطة الدراسية مواد الانقلش كلها 101 + 102 + انقلش ادارة واقتصاد كلها علامة x وفيه جدول بنهاية الصفحة عنوانه : مواد دراسية درسها الطالب ولم تحتسب له فيه من ضمنها مواد لكن مادة الانقلش للعلوم غير موجودة بصراحة أنا ماني فاهمة وضعي مااعرف اذا المادة احتسبوها أم لم تحتسب !!!! ياليت لو أحد عنده خبره أو مر بوضعي يفيدني ماني قادرة أتحمل القلق اللي أنا فيه بصراحة أبغى أتخرج وأفتك من الجامعة ذي كرفت بالانتظام سنتين إلين خلاص أحس ماعاد فيني حيل المهم لو فيه أي طريقة أقدر أتواصل مع الجامعة حاولت أرسل لهم معاملة الكترونية عن طريق الأوديس لكن للاسف يطلع لي رسالة : لايوجد فصل دراسي متاح أبغى رقم هاتف أو إيميل أقدر أتواصل مع الجامعة أو مع أي شخص مالحل بنظركم ياجماعة ساعدوني الله يفتحها عليكم ويسهل أموركم " لكل شخص يرد عليا دعوة من القلب " وجزاكم الله خير

السلام عليكم ورحمة الله و بركاته

اختي الكريمة

مادة اللغة الانجليزية للعلوم راح تعادل لك بمادة اللغة الانجليزية للاقتصاد و الادارة لا تقلقي موضوع جدا بسيط ولا يحتاج الى هذا التوتر لكن يحتاج منك مراجعة الجامعة و تذهبي الى الشؤون التعليمية عند الاستاذه عبير عسيري اذا ما زاتلت موجودة في قسم الانتساب او اي موظفة موجودة تخدمك. اطلبي منها دراسة حالة لتعرفي وضعك 100%.

انتي ذكرتي انك محولة من كلية العلوم الى كلية الاقتصاد و الادارة فا من الطبيعي سوف يكون هناك ساعات غير محتسبة. بس لا تدرسي 6 ساعات حرة لانها سوف تعادل لك من ظمن المواد المدروسه سابقاً و المواد العامة سوفا تعادل لك مثل اللغة العربية و الثقافة الاسلامية و الرياضيات لو كان هناك اختلاف بسيط مثل الرياضيات لكن تعادل.


اتمني انه افدتك بما عندي من معلومات



كل التوفيق و النجاح لك ,,,,,,,,