الله يعطيك العافيه اخوي والجميع
بالنسبه لي كتجربه عشتها مع الجامعه
قبل العام حصل فيه ظلم كبير جدا .. وانا متاكد من ان الدرجات التي وضعت لي كانت خاطأة 100 % وعشوائية وتسببت في تدمير المعدل في وقتها
رحت للجامعه ولم اجد الا كل اجحاف وتهميش ومرمطه
والعجيب في الامر القداسة التي قد وجتها من الموظفين والعاملين بالجامعه للدكاتره ويشعرونك بانهم منزهين عن الخطأ وان وجود الخطأ قد يصل الى المستحيل وانك انت يا ايها الطالب غلطان اكيد
ومع الاصرار وجدت بانك تقهر وتظلم ومع الاسف يتم تحقيرك من خلال تهميشك وارهاقك بالروحه والجيه دون فائده .. غير الكلمات الحلوه الي تسمعها من الاداريين اللي اغلبهم ثانوي ومتوسط وغير قداسة الدكتور اللي ما تقدر توصله .. احد الموظفين يقول لي : ياخي انت كاتب بخطابك اربع مواد ما يصير لو وحده اوكي .. طيب انتو غلطانين بالاربع والا ارضى بالقليل وكفاك .. والثاني يقول لي : تبغى الدكتور يطلع ورقتك من بين خمسة الاف طالب مستحيل.. وعند مراسلة الدكاتره عن طريق الايميل - كطريقه متطوره وحديثه حسب ما يقولون لم يرد على احد سوى واحد بعد مده ويقول في ايميله : انا خارج البلاد الان تم تحويل ايميلك الى اللجنه - يعني ضف وجهك وخلنا ننبسط في اجازتنا- والله على مااقول يشهد- .. وغير وغير
لملمت نفسي وعدت الى مدينتي ايد ورى وايد قدام وقلت .. حسبي الله ونعم الوكيل هو نعم المولى ونعم النصير
شوف .. الجامعات بشكل عام تخاف ماتستحي.. اذا ماكان هناك مجموعة كبيره تتحد وتنسق بشكل جيد وتروح في وقت واحد والا عليه العوض يا صاحبي .. حتى لو كثير اشتكو بشكل شفهي لهم او خطي او او.. ولم يكونو في وقت واحد ومتواجدين سويا لن ينظرو للموضوع وسوف تشعرك الجامعه بانك الوحيد اللي تقدمت بالشكوى مع العلم بان هناك اكثر من الفين طالب غيرك ولكن كل واحد لوحده وكل واحد يشعرونه بنفس الشي حتى يشك بنفسه ويتراجع عن السير قدما في الوصول الى حقه