[لندنية]

السلام عليكم ورحمة الله وبركاته...اخواتي العزيزات ...كلنا نعرف ان الدورة للخطة أ بدات السبت بتاريخ8\4 والحمدلله فيه كثير مننا حضر هالدورة وخاصة طالبات مدينتنا الحبيبة جدة بس للاسف مالقيت تفاعل في طرح المواضيع التي دارت في اثناء الدورة مثل كيفية الشرح والمحذوف وغير ذالك من الاشياء اللي يستفيد منها الجميع ..يعني بصيغة اكثر وضوح مالقينا بيننا احنا الطالبات تعاون وتفاعل مثل اخواننا الطلاب واللي بصراحة شهادتي فيهم مجروحة ...احنا شفناهم ماشاءالله من اول مابدت دورتهم واهم يكتبونها اول باول وحطوا موضوع مثبت لهذه الغاية ولا واحد فيهم قصر مع الثاني واي احد فيهم كان عنده معلومه مابخل فيها على اخوانه حتى ولو كانت المعلومة مكررة هذا بالرغم انهم مشغولين اكثر مننا الله يعينهم بس فوق هذا حاولوا يساعدون بعض ولو بشي بسيط لانهم عارفين انه مافي احد يقدر بحاله يتخطى الصعوبات ولازم يد و يد ثانية تتشابك عشان يوصلوا للي يبغوه فهذا المجهود اكثر اكثر من رائع وان دل على شي فيدل على نبل الاخلاق و قيمنا الاسلامية التي تدعونا الى مساعدة اخواننا فاتمنى اتمنى اننا احنا الطالبات نتعاون مع بعض ونسوي مثلهم واكثر ونحط مواضيع مثبتة نطرح فيها مادار بالدورة التاهيلية واكيد مانسيت بعض اخواتنا الله يجزاهم عنا الف خير ويوفقهم دنيا واخرة اللي حضروا الدورة نزلوا بعض ماحضروه وقدروا عليه ولهم مني ومن جميع من استفادت كل شكر وتقدير ومحبة ..... بس الى الان ماوصلنا للمستوى المطلوب يعني بصراحة ودنا كل يوم اي وحده فينا تحضر الله لايهينها تنزل اللي دار بالدورة للاستفادة وتذكروا ان اي وحدة فينا راح تستفيد راح تكسبي انتي حسناتها فتخيلي اش كثر راح تكسبي حسنات واش كثر راح تجيكي دعوات وتذكروا ايد مع ايد تعين ويد وحدة ماتصفق.........اسفة على التطويلة واسفة اذا جرحت احد بس هذا كله علشاننا وعلشان ننجح ونتخرج بإذنه سبحانه وتقبلوا اعتذاري قبل تحياتي