[بكالوريوس]

مرحباً، على أني كنت ضابط المنبه على 9:00 ص إلا أن الاختبار في بالي انه الساعه 😢11ص، بعد الزحمة في خريص وصلت الاختبار الساعه 10:55ص، وجلست أراجع في السياره إلا الساعه 11ص فهو آخر اختبار و متشتت ذهنيا بعد الطريق خاصه أنني من سكان السويدي ولكم أن تحسبون المسافة، كنت في قمه فرحي وأخيرا بتخرج وارتاح من ها لجامعه، على الرغم بأنني لا اعلم نتائجي في المواد السابقة، الشيء الغريب كانت المواقف نصفها فاضيه لدرجة أنني توقفت مقابل البوابة الثانيه، لما دخلت على غير العاده وجدت طلاب يخرجون ولا يوجد على اللافته اسمي أو مسمى الماده، دخلت إلقاعه فإذا بالكارثة الوقت المتبقي 18:00 فقط وعدد الطلاب المتبقين حوالي 15 طالب فقط، كلمة احد الدكاترة وحاولت أني اختبر خلال هذا لوقت البسيط ووعد مني إذا انتهى الوقت يسحب الورقة، فرفض بحكم أنها ضوابط لجنه وترجيت كذا واحد وجلست 10 دقائق في جدل معاهم وقلتلهم بإجماعه هذي آخر ماده عندي أنا خريج خلونا تختبر ونخلص، قالوا أساسا ما يمديك تحل وحتى لو حليت ممكن تسقط لان الوقت قصير، لكني كنت معتمد على أسئلة الدكتور شعبان وفعلا هي اللي جاءت والله بإجماعه انقهرت وارتفع ضغطي ويبين علي أني منهار، بكل بساطه يقول روح اختبر في جده، ليش جده مايبغالها تذاكر وسكن وسياره من كلمه كأنها مكان الخرج والثاني يضحك على وضعي، فيا جماعه وش رأيكم اختبر في جده وأخرب سفرتي اللي حجزت لها لدبي ومن ثم بالي أو اخليها في الصيف مع العلم أنهم يريدون عذر مثبت وإلا تدخل لجنه على اثرها يا اختبارها أو ادفع رسوم ثلاث آلاف ريال، واختبار جده الثلاثاء القادم وأنا حاليا حجزت من فلاي دبي ذهاب و ناس عوده تخيلوا من دبي إلى جده والعكس بس لسى ما دفعت وبالحسره لقيت هذا الحجز هل ترون اللي راح اقدم عليه منطقي يأرب رحمتك والله تغربلت اليوم الله يكون في العون بس وأتمنى أن الدكتور ما يغير الأسئلة في جده لو دفعت التذكره وقررت أروح ذهاب واياب الله لا يخسر علينا لا في المال ولا في الوقت ولا في النفس واسأل الله لي ولكم التوفيق جميعا