اتوقع انك من مواليد 90
اخوي عبدالكريم مافيه شي مستحيل بإذن الله
انا تخرجت عام 1429 يعني تقريبا بكمل 5 سنوات علمي وبنسبه زينه لكن القدرات والتحصيلي ابدا مو زينه
قصتي بدت اني ماانقبلت في اي جامعه ولعلها خيره من الله جلست سنتين فالبيت وقلبي يتقطع ع الدراسه درست من خلالها تعليم عن بعد في جامعة الملك فيصل اول ترم ادب انجليزي وبعدها حولت ادارة اعمال وحملت ماده وكثر الكلام انه لافائده من الانتساب ف استخرت وانسحبت وبعدها في عام 1432 اعدت اختبار القدرات والتحصيلي بموزونه 75 ماشي حالها وكنت كلي امل ان تقبلني اي جامعه سجلت في كل جامعات المملكه وجاني القبول في جامعة الحدود الشماليه وحمدت ربي واستخرت وارسلت الملف طبعا قبلت في كلية العلوم درست اول سنه تحضيري بدون تخصص ولاني جبت معدل عالي ولله الحمد قدمت تحويل لكلية الصيدله وقبلت فيها والان انا سنه ثانيه ماشاءلله
انا اقولك جرب تسجل بجامعة الحدود الشماليه جامعه جدا الدراسه فيها سهله ومافيها اي تعقيد
اسأل الله التوفيق لي ولك ولجميع الطموحين