[ساحرة القلوب]

السلام عليكم ورحمة الله وبركاته

اخواني واخواتي الطلاب والطالبات

حبيت افتح الموضوع ذا للجميع وخاصة لان في ناس للاسف

ردودها كانت فيها غلط على ناس او سب او اهانه

رجاء الاحترام بيننا مهم

يعني مالو داعي تردو رد في سب او تقولو لشخص انت مريض نفسي

او خروف عشان دافع زي ما سوا احد اعضاء المنتدى


احنا كلنا هنا اعمارنا فوق ال 20 ويمكن في 30 وال 40

لا تستغربو ابدا كلامي

انا اطلعت على اكثر المواضيع في ناس يردو رد وربي احس اللي كاتبه مستحيل عمره فوق 20 حتى


ترى الاحترام والاخلاق والدين هي تحدد شخصيتك مو

السب والغلط والاهانه


والله ثم والله ماتستفيدو من الاهانات بالناس او السب والغلط فيهم

الا انكم تنزلو من عيون الناس وفوقها تتحملو ذنب

لان اي غلط او سب بشخص وهو ماغلط عليك

الملائكة تقول ولك مثلها يعني وش استفدنا غير ذنوب


طبعا كلنا مو ناقصين ذنوب كافي ذنوبنا ليش نجيب لنفسنا ذنوب اكبر



هذا مجرد راي بعد مشاهداتي لردود بعض الاعضاء جدا مخجله

تحياتي لكم واحترامي لفكركم