[w h i s p e r]

السلام عليكم ورحمة الله ..

صباحكم ورد ورضا وسعاده ان شاءالله ..

ومبروك مقدماً للمتوقع تخرجهم السمستر الجاي < اااخ واخيرا ربي حيبلغني

طبعا انا محا اعرف للمقدمات والكلام الكتير وسويت دا الموضوع عشان نستفيد من بعض ونستشير بعض في (البحث + التدريب 2)

وطبعا نحتاج البنات المتخرجين يفيدونا ويقولو لنا ايش حنسوي وايش المفروض نسويه..

حبدأ اتكلم عن نفسي وفين حتدرب وايش حسوي في البحث ..

فالبدايه حقلكم ايش موادي .. (تدريب 2 - بحث التخرج - صحه نفسيه - شباب وقيم - الاقناع - مؤسسات معلومات )
..

ناويه بإذن الله اروح مديكل الخطوط ويقولو جدا ممتع التدريب هناك..

وخلاص طبعت الاوراق من موقع الاستاذه : ايمان الطباع ربي يسعدها من هنا ..
http://ealtabbaa.kau.edu.sa/Default....0015093&lng=AR

طبعا حابه احطلكم رابط مهم وحتستفيدو منو ان شاءالله .. http://www.skaau.com/vb/showthread.php?t=623256

و اتمنى من اللي اخدت تدريب انها تدخل وتقول ايش اللي سوتو وايش الاجراءت لانو حاسه نفسي ضايعه وكمان البنات يستفيدو ان شاءالله..

.
.

نجي للبحث ..

طبعا انا مرررره ميح في دا الموضوع مو فاهمه كيف نختار المواضيع وايش نسوي وكيف المناقشه وهيا عباره عن ايش !!

فياريت برضو اللي سارت مناقشتها تتكرم وتقول لنا ايش سار معاها وكيف كانت تجربة البحث حقها ..


واتمنى يكون موضوعي في فايده للبنات ودعواتكم ليا بإنو اتخرج ويتمم فرحتي وفرحتكم ياكريم