مساء جميل للجميع
وجمعة مباركة عليا وعليكم
موضوعي هذا نتيجة موضوع الأخ علي عسيري حقت الشماغ والمرزام ،،، فمشكور لأنك أثرتني ،،،
قبل ما أطرح الموضوع ،،، حابة أعرف آرائكم حول مواقف حكتبها ،،، بس ياليت كل واحد/ة يحط نفسه في الموقف
ويكتبلنا ردة فعله .. ما في استثناءات في المواقف ،،، الكل يرد ،،،،
هو : عمرك 26 ،، مدرس ،، هي : عمرك 26 ،،، ماجستير
نبدأ
1- راحو اهلك يخطبوا بنت ، قامت دخلت هيا ولعبتها ،، أش ممكن تبرر هالموقف ؟؟ >> تذكروا عمرها ومستواها التعليمي
حأحتقرها وقول في نفسي عقلها صغير وطبعا ما راح اتزوجها
2- بعد فترة من الملكة تقولك خطيبتك : أبغى ألبس ثوب وشماغ وأسوق السيارة في الكورنيش ؟؟>> البنت تتكلم بجدية ،،،، أش حترد عليها ؟؟
طيب على فرض اني اتزوجتها ..اعرف نفسي حأحس بشي جوات قلبي يغلي وحتنرفز بسبب كلامها واقلها انتي اكيد مو صاحيه ويمكن يتطور الموضوع واسيبلها البيت واخرج
3- بيوم كنتي تكلميه جاء قالك : أخوي وبنت أخويا دولي عيالي ، لو صارت في يوم مشكلة لا تردي وتعالي قوليلي وأنا آخذلك حقك منهم ،،، أش حيكون ردك ؟؟>>> مع العلم هو قالهم نفس الكلام .
عادي حريح دماغي وما أخلي احتكاكي فيهم كبير عشان نسلم من المشاكل
4- الصاعقة العظمى ( البنت تبغى تتزف ببلوزة نص بطنها وبنطلون زي جميلة والوحش) أيش حيكون موقفك ؟؟
طبع حأرفض صح فرحها بس مو لوحدها وحقلها انا دافع مهر علشان تنزفي ببلوزه ربع متر
بدون ما ندخل في تفاصيل الفرح ،،، لأن البنت خربت الزفة بصراخها وهبلها
5- جيت يوم من الدوام تعبان وقرفان ،، تبغى تاكل وتنام ،،، بس المدام ما سوت غداء ،، طوفتها وجبت أكل من برا ... اليوم الثاني والثالث نفس الشي،،، أش ممكن تعمل ؟؟
حأكلمها علشان تطبخ وادا ما رضيت أروح اتغدى في مطعم ولا اجبلها غدى قلعتها لما تحس بالجوع تظطر تطبخ
6- في الليل طلبتي منو معصوب بس هو حلف ما يجيب أكل من برا لأنك ما طبختي 3 أيام ،،، وقالك حجيبلك الأغراض وتسويه في البيت ،،، أيش حتسوي ؟؟
بصراحه حسويه لاني استاهل انا اللي جبته لنفسي
7- نظراً لأنك ما جبتلها معصوب راحت للثلاجة وكبت البيبسي في الحوض ،،، وبعدو مسكت كرتونة الشاي وكبتها هيا كمان .... أيش ممكن يصير ساعتها ؟؟
حزعق فيها وأقلها ليش سويتي كدا يا ..... ويمكن توصل للــ
بس طبعا مو المبرح يعني وحده على كتفها بس وما راح اكلمها الين تعتذر
8- خلال 3 أيام متتالية الزوجة الحبيبة تقعدلك من الصباح واقفة على الباب " ما تخرج إلين ألبس ثوب وشماغ وأروح معاك للدوام " ؟؟؟
أكلم اهلها يجو يشوفولها حل لان الوضع لا يطاق
9- رحتي عند أبو زرجك وإنتي لابسه برمودا وتي شيرت قصير ،، قام قالك : لا عاد تلبسين دا اللبس ... أيش حتسوي ؟؟؟ >>> أنتي أصلاً ما كنتي تلبسيه ببيت أهلك
حأحاول اقنعه ان دا البس عادي وادا ما اقتنع خلاص امري لله بس طبعا وانا رايحه بيت اهلي حألبسه لان اهلي عندهم عادي
10- الزوجة تمانع عن فراش الزوجية ،،، قلت لأمها قالت : اشتري كتب ،،، وديتها عن طبيبة وما نفع ،،، أش ردة فعلك ؟؟؟ >>> الحال هذا دام شهور مو يوم أو اسبوع
حأتكلم معاها واعرف منها ايش السبب بعدين على حسب جوابها نشوف ايش نسوي
طبعاً هذي المواقف مو من نسج خيالي ،،، بس ياليت اللي يرد ،، يفتكر أنو أي قرار حياخذه ،،، حيكون مرتبط بحياته الزوجية ...
نرجو من الجميع التريث وأخذ الأمور بجدية وعقلانية مفرطة
وإن شاء الله لنا لقاء آخر
تحياتي للجميع