مساء جميل للجميع
وجمعة مباركة عليا وعليكم
موضوعي هذا نتيجة موضوع الأخ علي عسيري حقت الشماغ والمرزام ( انا قلت القصه سمعتهامن الدكتور ميسره عبر التلفزيون )،،، فمشكور لأنك أثرتني ،،، ( العفو اختي دلوعه ,, اثرناك بالموضوع طلعتي محققه محترفه , وشرايك لو تطلبي وظيفه في هيئة التحقيق والادعاء العام بصراحه تنفعي )
قبل ما أطرح الموضوع ،،، حابة أعرف آرائكم حول مواقف حكتبها ،،، بس ياليت كل واحد/ة يحط نفسه في الموقف
ويكتبلنا ردة فعله .. ما في استثناءات في المواقف ،،، الكل يرد ،،،،
هو : عمرك 26 ،، مدرس ،، هي : عمرك 26 ،،، ماجستير
نبدأ
1- راحو اهلك يخطبوا بنت ، قامت دخلت هيا ولعبتها ،، أش ممكن تبرر هالموقف ؟؟ >> تذكروا عمرها ومستواها التعليمي ( اطلب شهادة الميلاد يمكن مكبرين عمرها ويبون يتخلصون ويزوجونها بدري وموضوع تزويج الصغار هذا عندي قضيه لاتغتفر , لا ايؤيد تزويج اي بنت قبل ماتبلغ 23 سنه )
2- بعد فترة من الملكة تقولك خطيبتك : أبغى ألبس ثوب وشماغ وأسوق السيارة في الكورنيش ؟؟>> البنت تتكلم بجدية ،،،، أش حترد عليها ؟؟
( بعد الملكه مانقول خطيبتك وهي تعتبر زوجته على سنة الله ورسوله وتعتبر حلاله , اما انها تطلب تلبس ثوب وشماغ احط العقال على ظهرها ,,,واما انها تقود السياره فانا من المؤيدين وبقوه ولكن للضروره القصوى كتوصيل الابناء للمدرسه او المستشفى في غيبة زوجها او لقضاء حاجاتها الضروريه من السوق او الذهاب لعملها او زيارة اقاربها ,, واعجب عجبي لرجل يملء الدنيا عويلا وصراخا ضد قيادة المرأه للسياره ثم يزحم زوجته مرغمه ان تقبل بصحبة رجلا ليس لها بمحرم ( السواق ) يقود بها السياره حيث يشاء ,,
3- بيوم كنتي تكلميه جاء قالك : أخوي وبنت أخويا دولي عيالي ، لو صارت في يوم مشكلة لا تردي وتعالي قوليلي وأنا آخذلك حقك منهم ،،، أش حيكون ردك ؟؟>>> مع العلم هو قالهم نفس الكلام .
4- الصاعقة العظمى ( البنت تبغى تتزف ببلوزة نص بطنها وبنطلون زي جميلة والوحش) أيش حيكون موقفك ؟؟
بدون ما ندخل في تفاصيل الفرح ،،، لأن البنت خربت الزفة بصراخها وهبلها
( اقول اختار الله الخيره وبنتكم عندكم والسلام عليكم )
5- جيت يوم من الدوام تعبان وقرفان ،، تبغى تاكل وتنام ،،، بس المدام ما سوت غداء ،، طوفتها وجبت أكل من برا ... اليوم الثاني والثالث نفس الشي،،، أش ممكن تعمل ؟؟
( اصارحها انه من حقي الزواج بثانيه وثالثه واذا اقتضى الامر اتصل باي واحد من الاقارب في ماذوني الانكحه وقدامها واقول ابحث لي عن زوجه ارغب في التعدد )
6- في الليل طلبتي منو معصوب ( اواذكان هو مدمن معصوب ) بس هو حلف ما يجيب أكل من برا لأنك ما طبختي 3 أيام ،،، وقالك حجيبلك الأغراض وتسويه في البيت ،،، أيش حتسوي ؟؟
7- نظراً لأنك ما جبتلها معصوب راحت للثلاجة وكبت البيبسي في الحوض ،،، وبعدو مسكت كرتونة الشاي وكبتها هيا كمان .... أيش ممكن يصير ساعتها ؟؟
( اطلب طبيب نفسي )
8- خلال 3 أيام متتالية الزوجة الحبيبة تقعدلك من الصباح واقفة على الباب " ما تخرج إلين ألبس ثوب وشماغ وأروح معاك للدوام " ؟؟؟
(بيكون دوامي عند باب بيت اهلها )
9- رحتي عند أبو زرجك وإنتي لابسه برمودا وتي شيرت قصير ،، قام قالك : لا عاد تلبسين دا اللبس ... أيش حتسوي ؟؟؟ >>> أنتي أصلاً ما كنتي تلبسيه ببيت أهلك
10- الزوجة تمانع عن فراش الزوجية ،،، قلت لأمها قالت : اشتري كتب ،،، وديتها عن طبيبة وما نفع ،،، أش ردة فعلك ؟؟؟ >>> الحال هذا دام شهور مو يوم أو اسبوع
( اقرا عليها يمكن مسحوره )
طبعاً هذي المواقف مو من نسج خيالي ،،، بس ياليت اللي يرد ،، يفتكر أنو أي قرار حياخذه ،،، حيكون مرتبط بحياته الزوجية ...
نرجو من الجميع التريث وأخذ الأمور بجدية وعقلانية مفرطة
وإن شاء الله لنا لقاء آخر
تحياتي للجميع