[عبير منشي]

بنات لو سمحتو القبول المشروط دا اول مرة اسمع عنه ينفع للي زيي اتأخرت نتيجة معاملة تحويلهم لانتظام و انقبلوا الآن و ما كانت راضية رئيسة القسم تدخلهم الاختبار الاسبوع الماضي لأن اسماءهم ما اتسجلت عندها من القبول ؟

لأن دحين اخاف ترفض بإصرار انها تخصصني أو ترجع تختبرني لوحدي عندها رغم ان تأخر نتيجة معاملتي من انتساب لانتظام ما كان بيدي ولا لي ذنب فيه.

ايش اسوي ؟ أنا متمرمطة مرمطة العالمين و مرضت أمس بسبب هالموضوع كله عشان بس اوصل لهدفي اللي هو انقليزي.

كيف اقنعها فيه لها ايميل اراسلها عليه ؟ أنا فرع الفيصلية يا بنات.

وقبول مشروط يعني اتخصص فقسم تاني ولو جبت معدل انقبل عندها ؟ طيب هالكلام ممكن مايكون مضمون يعني نجي الترم التاني تقول لنا لا مين قلكم عندنا هالكلام وتدروا انتوا يا بنات الكليات كل يوم يغيروا نظامهم ولا حسيب ولا رقيب.

افيدوني الله يخليكم انا مرة نفسيتي تعبانة من هداك الأسبوع بسبب موضوع الانقليزي دا.