[عبير منشي]

حسبي الله و نعم الوكيل ..
حسبي الله و نعم الوكيل ..
حسبى الله و نعم الوكيل..

هذه هي الجامعة اللي يقال انها كل سنة تاخذ المركز الأولى في مستوى الإدارة والكفاءات بين جامعات السعودية؟!!
أجل المستويات الأدنى منها كيف آداءهم!!

عموماً ..

يا ليت اللي دخلوا امتحان تحديد المستوى يقولوا لنا لو يتذكروا ايش البرغرافات اللي جاتهم عن ايش يعني و كذه.. عشان النت فيه مليار برغراف و عدد لا نهائي من المواضيع مو معقول حنرجع نذاكر 24 ساعة عشان تحديد المستوى .

اتمنى اللي يتذكر أي نموذج يطرحه جزاكم الله خير ..

و بالنسبة لتسليم أصل الشهادة مكتوب في الايميل المرسل لنا ناخذه للفرع ما كتبوا للمقر الرئيسي . راح اعمل زي ما كتبوا في الايميل و أطبعه أيضاً عشان اوريهم اياه لو حاولوا يعرقلوني ..

انا رايحة السبت بباص النقل الجماعي ولوحدي يا عالم مافي أحد من اهلي معاي الكل عنده دوامات و يستحيل عليهم ياخذوا اجازات و ينتظروني بالساعات عند الجامعة لأن ماعندهم مكان فجدة يروحون له ..

صعب اتمرمط و اروح من فرع لفرع وانا من مكة وما اعرف الأماكن فجدة . ومتأكدة فيه كثير بنات غيري.

فواجب الجامعة لو إنسانياً ع الأقل يا كلية الآداب والعلوم " الإنســـــانية " تبلغونا بأسس شروط و خطوات واجراءات التحويل واستكمال الاجراءات عندكم .

يارب رحمتك يا أرحم الراحمين