[النديم]

تحليل تنظيمي مادة محتاجة تكررين على المنهج و تراجعي اسئلة الاعوام الماضية وبإذن الله تعدي
الاستشارات الاداريه مادة محتاجة تركيز و مراجعة بالنسبة لنا احنا يالطلاب عدد الاسئلة 100 سؤال عند الدكتور الخالدي

قراءت اداريه انجليزيه مادة بالنسبة سهله الى متوسطة و لازم تاخذي التحديد من دكتورة المادة ضروري جدا

بحوث عمليات مادة منهجها قصير لكن محتاجة جهد و حل تمارين كثير وعطيها حقها في المذاكرة وتأكدي من تحديد الدكتورة مهم جدا

مشروعات عامه (ماده اختياريه) مادة حلوة لرفع المعدل

مشروعات صغيره(ماده حره) للأسف انا ما أعرف عنها شي



هذا ترتيبي في جدولي ايش رايكم


ثقافه اسلاميه4 ذاكري من الكتاب كامل وترها مادة سهله و سلسة جدا

ثقافه المنظمه انتبهي منها و عطيها حقها وخذي الدورة التأهيلية و لا تعتمدي على ملخص الا يكون معتمد من دكتورة المادة ( بالنسبة لنا الطلاب من الكتاب ذاكرنا وفي الاخير اعطانا الدكتور يادوب درجة النجاح )

اجهزه التطوير الاداري مادة طويلة شوي لكن محتواها سلس نوع ما ومحتاجة مراجعة اكثر من مرة

تقيم البرامج الحكوميه المادة كتابها مشتت شوي بحكم انه مجموعة مقالات و منشورات عن تقييم البرامج لكن الدكتور طلعت سندي منزل ملخص للمادة ممتاز جدا

بحث وتدريب تأكدي من دكتورة المادة واختاري وحدة ما عندها مشاكل نفسية و سددي بدري عشان يكون عندك وقت للبحث

مقرر حر انا انصحك بي إدارة الجودة bus 325 من قسم ادارة الاعمال
مقرر اختياري ادارة الجودة bad 421 من قسم الادارة العامة

والشي الحلو في المادتين كتابها واحد يعني عصفورين بحجر واحد

وفي الأخير و الشي المهم هو دكتورة او دكتور المادة انتبهي للنقطة هذه اختاري الدكتورة اللي متفاهمة و تحب تساعد

وبالتوفيق على كل حال انا افدتك بحكم خبرتي لكن الخبر اليقين الاخوات الطالبات هم اللي بيفيدونك فيه ...