[mesho.ksa]

المشاركة الأصلية كتبت بواسطة خالد9921 ^ ايش الدرر الذهبية هاذي يا ريتشارد يا شيخ روح لك مني ولاية الفرنجة والاندلس كلّها على هالدرر وعلّم العشاق كيف الحب يكون بلا مدري ايش والهرجة ذيك < قايمة خبيتي عليها على أبواب بغداد والخليفة طربان بردّك يا ريتشارد مية مية صح عليييييك انا اخوياني كثير منهم حول الثلاثين وما قبلها ما تزوّج الا اللي عاقل او عقّلوه ورجلّوه بالغصب وهداه الله وشوفه الحين يا زينه طول وقته يمضيه في خير ويقول الدخان هذا حق الأشرار وما عنّس إلاّ اللي ليومك يمتّر الشوارع ورا فلّته ومن عزبة لقهوة لسربته ! يعني معليش قلنا يمكن الواحد عنده دراسة علمية عالية ومجتهد وخايف ما يوفق .. معذور قلنا يبي يزيد مصادر رزقه قبل لا يرتبط لاجل يكرم هالحرمة وعيالها .. معذور أمّا قحم طاق الثلاثين والفلوس تلعب تحت باطه ولا هو اللي جالس يخترع قنبلة ذرية او انسان وظيفي عملي مجتهد في ايش يمضي وقته هذا بالله ؟ في اكتشاف مزيداً من أسرار الكهنوت وحكاية علي بابا ؟ مدقدقين احنا شفنا لين طفشنا والله العظيم ما راح يضيع وقته الا بخرابيط اذا ما عنده اعذار مقعنة مثل اللي ذكرتها وعلى قولتك شوفهم اخر الليل تعسيل ودشرة الواحد كُبره كبر الجحش ومسوي اني بزر وما خفي كان عظم وياما شفنا الا اذا ماهم رجال ولا عندهم غريزة فهذا أمر ثاني عاد !! بعدين المشتاقة مخصصة استفسارها على .. ناس طاقة ثلاثين ومعها قدرة وفلووووس ولا قالت عنهم انهم نوابغ في العلم ومب فاضيين او وراهم اعمال لاجل يجمعون فلوس طيب وش يسوي هذا طول اليوم على دفتر سن توب مثلا ؟ ما يحس إنّه رجال ؟ هناك اعذار ما تقدر تجحفها كالعلم والعمل والمرض والمشاكل بالأسرة اللي بتجي من زواجه .. الخ لكن شحط وش طولك مب قاصرك شي وتقول يا روح امك مانت قد المسؤولية اجل قد مسؤولية ايش ؟ إذا مقتدر بالمال وكل الأمور الأخرى ولا يردّه عذر أو نقص وصاير شحط وش كبره ويقول ماني قد مسؤولية حرمة ضعيفة هي شريكته ومسؤولية عيال من صلبه فـ خلف الله على أمّن جابته .. وش المسؤولية اللي يقدر يشيلها طال عمره بعد هذا ؟ مابي أظلم الكل .. فيه ناس لها أعذارها أو حتّى مالهم عذر بس مستقيمين لكن الأغلبية من هالنوع للاسف داجّين يبغون الدلع والدشرة والطلعات وكأن عمره 18 ولا يشوف عمره انه كبر ولا عنده أدنى مسؤولية والا من زين الطلعات الحين اشبنا كازبلانكا مو السعودية هههههههههههههههههههه أوووم القرف كل أم سوالف الشباب ودشرتهم مكررة عالأرشييييف فالواحد يصير رجال ويتزوج اذا هو مقتدر ويعيش النعمة ويعطي وقته لشي يستاهل وما يحتاج اذكر الحديث النبوي الشريف اللي ذكرتوه وايضا خير وبركة السعي في زيادة عدد المسلمين الموحّدين وإلاّ كان جمعيات الزواج قفلت بابها طالما الأمر مو مهم مرة للشخص والمجتمع فضائل كثيرة للزواج أوسطها حفظ أعراض المجتمع الإسلامي من الحرام لكن شكلهم مو رجال كائنات فاضية بدون إحساس بشري يابختهم بس وخلونا نقول إن عدد هالفئة اللي ذكرتها المشتاقة .. صار ضخم جداً بالمجتمع يا ترى وش النتائج الاجتماعية والاخلاقية والنفسية والصحية اللي بنحصل عليها ؟ مليونين صح عليك وش نوع القهوة اللي تشربها ؟ اووم الدرر اللي قلتها اليوم أهنيك خلصت الهذرة الثانية ويارب الأخيرة

كلآمك صحيح وبمحله يآبوخلود


3 من اخوياي كانو سرآبيت حبتين

وهم آخوإن وابوهم ماشاء الله مقتدر وعقله متفتح شوي ووآعي يعني فآهم حركآت العيآل وقآفطهم


لذلك دبس الاول بوظيفة وبعد اول رآتب دبسه غصب عنه بملكة لوحدة من الجماعة وماترك ولده الا ببيته هو وزوجته وسكر عليهم


والله يوم كنا نسآله قبل الزواج يقول ماافكر ولآ آبغى مسؤولية ومدري وش


وبعد ماتوظف برضو كان مشتهي بس مستحي على قولتهم ساعات يقول ابتزوج وساعات يقول فكنآ من وجع الرآس والزن


خلآل شهرين كان الولد مملك وبلمح البصر اموره تيسرت والحمدلله له آكثر من 6 سنوات متزوج ويوم سآلنإه يقول والله اني مبسوط ومافي احلى من عيشته


واخوه الثاني نفس الحكآية والثالث نفسهم لكنه تاخر شوي عشان الوظيفة


ابدا ماتركهم ابوهم مع انهم معارضين والحين يبوسون يدينه ورجوله ويشكرونه على التوريطة المتكتكة



الي ينوي نية زواج من جد ويعزم عليهآ عزيمة انسان جاد وناوي الستر لنفسه ولبنت الناس صدقوني مابيحس الا هو وياها ببيت واحد وتحت سقف واحد بالحلآل


ربك ييسر امور الزواج بلمح البصر مادمت عازم النية بالخير منت نآوي تلف وتدور



بس وينه الي يشد على ولده الحين


يقوله ياولدي بزوجك يقول لآ


يسكت مايناقش هذا اذا فكر يسآله تبي تتزوج ولآ لآ تآركه يسرح ويمرح سربوت في القهآوي ولآ يآذي خلق الله بالشوآرع


الا من رحم ربي طبعآ مو آلكل


شطحة سريعة اعذرونآ

فتكم بعآفية