[coOola]

المشاركة الأصلية كتبت بواسطة المشتاقه لخالقها ياحبيبتي إحنا ماقلنا نزوجة بالغصب بس ليه هما يرفضون الشئ وهوا متوفر لهم وماعندهم اي عذر صحي او نفسي او جسدي وناس متعافين ماشاء الله عليهم مشكورة على مرورك الطيب ياقمر ربي يسعدك وبالله التوووفيق :)

يا عزيزتي أنتِ تقولين إنهم رافضين هالشيء و النقاش عقيم معاهم ..!

يمكن لو عرفنا وش ردودهم كان قدرنا نحكم بصورة أكثر منطقية ..

ولكن دامهم يبون يفضلون عزّاب فـ ذا أمر خاص فيهم ..

أحسن من إنهم يتزوجون ويجيبون عيال و في الأخير تنتهي الهرجة بـ طلاق ومشاكل

دامه من البداية عارف نفسه مو قدها وقال لكم لاا فـ خلااص لا .. إلا لو عرفتوا تخلونه قدها

الشباب هـ اليومين يا عديم مسؤولية يا شايف إنه ما فيه بنت ترضي طموحاته < وبـالمثل لـ البنات ..

بعدين دامنا فيها .. ليش ما يكون فيه منهج شؤون حياتية يُدَرّس للطلاب والطالبات يجهزهم ويعدهم لـ الزواج وخلاافه أحسن من بعض المدارس العايلية اللي تنم عن تجارب أهل من عهد فرعون .. وطبعا مو كل الأهل كذا بس فيه ..

وصدقيني الولد "قليل الخاتمة" اللي ما عنده غير الدشرة و الصياعة ما رح يعتدل حاله بـ الزواج

وإن تزوج يا بـ تصبر عليه زوجته و على الذل و المهانة معاه عشان لا أحد يقول لها مطلقة أو العيب فيها

أو بـ تتطلق منه ، وتشتري حريتها وتربي عيالها إن وجد خير تربية بـ دون وجوده في حياتها ..

وممكن هو يرجع يتزوج مرة ثانية و ثالثة وعاشرة و في الأخير ما يعتدل حاله إلا أن يهديه الله


في نهاية كلامي ,, الزواج ما رح يعلم الولد يشيل مسؤولية و لا راح يربيه

لأنه متزوج بنت آدمية زيه عندها عيوبها وعندها نمط تفكير معين .. مو متزوج كتاب ديني أو مدرسة إعداد الشباب لـ الزواج .. وممكن تكون أكثر سوءا أخلاقيا منه ..

و بس < بدري