يالربع بعلمكم وش صار معي انا تقدمت بالأختبار راجعت الدكتور بمكتبه واختبرني نظراً لظروفي وبلغني ان كل خطأ بدرجتين غلطت تقريباً 7 ولا تتعدى 7 المهم توقعت اقل شي اقل شي 85 ولا 80 والشعب يمدحون الدكتور ونزلتها طبعاً حره ويعطيني 60 الله لايعطيه عافيه في هذا الشهر الفضيل..
طبعاً اتصلت عليه بعد انتظار10 دقايق وجواله مشغول لحد ماخلص الخط اللي معه واخوكم ماسك سرا رد علي الحبيب بكل هدوء وادب بمجرد ماقلت له انا الطالب اللي قدمت له الأختبار وجبت 60!! انبرش يمشي الفين انا بالمسجد وصلاه العشاء....الخ وصلاه العشاء باقي لها نص ساعه واكثر؟!
السؤال اللي بصدري وقاهرني ليش الدكاتره الأكاديمين الواحد اذا قلت له طالب كأن بينكم ثار ينبرش عليك وانا وانا ليه ياخي الفاضل ماتكون قد الشهاده اللي تحملها وقد المسئولية اللي في ذمتك ليش يعامل الطالب معامله الحـ....؟ اكرمكم الله ايش الحل مع البشر هذولي يأخي تعال شوف الحركان تعال شوف
شمسان تعال شوف عبدالله معتاد الخالدي والله انك تنبسط لمن يستقبلك الدكتور بأبتسامه ودك تطب براسه تحبه ولكن العجيب لمن يكون مثل موفق كدسه يكدس لك درجاتك وحياتك هذي والله المصيبه رجل فاهم في امور الله ويستغل منصبه ووضعه في معاقبه الطلاب.
واعتذر منكم على الأطاله لكن والله في شي بخاطري لايعلم به الا رب العالمين..
تحياتي..