[أبو فاتن]

المشاركة الأصلية كتبت بواسطة مجبور اوادعها مهما كان يا ابا فاتن ما يحق لي ان امد يدي على رجل اعزل حتى لو كان هو الغلطان يا اخي يكفيك فرق السن فضلاً عن المركز والمكان والسمعه .. الخ هذه اشياء لابد ان الواحد يراعيها مع الاخرين + هذا الطالب او طرزان لو كان يلي قباله امير من الامراء هل يتجرأ ان يعبس في وجهه فقط ؟! ولا السالفه فرد عضلات على الضعاف وكظم الغيظ والعفو عن الاقوياء ؟! + ما عادني بمستلم منصب القبول والتسجيل ابد

هلابك اخوي مجبور مرة اخرى


حلووووووة أعزل

عاد أنت شايف الطالب جاي بساطور ..!! هي كلها كم لكمة خطافية ومشى حالها هههههه


ماعلينا .. المهم في الموضوع الله يسلمك إني ماقلت إن الطالب له الحق ولا كان موضوع هالهوشة يهمني وبشخصنه بين إثنين متضاربين لا والله مع العلم أحياناً يكون هناك الحق في بعض الأمور لأنها بتكون خارج السيطرة خصوصاً إذا كان الموضوع مو هين والله سواء قدام أمير والا خفير ماتنهان كرامتي وأنا أقف مثل البومة ( طبعاً منظور الكرامة يختلف من شخص لآخر ولكل شخص الحق في الدفاع عن منظور كرامته بما يراه لأنه بالأخير لن يصح إلا الصحيح في حال تم التحقق من أي قضية وسيعاقب المخطئ )
أنا بذكر لك وللجميع قصة حصلت في الصف اللي أمامي في أحد الإختبارات في الجامعة ويشهد الله العلي العظيم وراح أكون محاسب على كل كلمة أمام الله إن أنا كذبت أو أختلقت أو تجنيت وأترك لك الحكم
وش الحق اللي يعطي المراقب المسؤول في القاعة سواء مراقب أو دكتور أو حتى وزير التعلم بنفسه أن يتطاول على طالبين بكلام يمس شرفهم ( وكان الكلام كبير ) بس لأنهم حاولوا يغشون ..!!! ( يا أخي خذ أوراقهم وطلعهم برا بالنظام وأنت محترم وساكت )
لدرجة إني تكلمت في القاعة بصوت عالي وقلت للطالبين شهدوا عليه وارفعوا عليه دعوى وأنا أول واحد يشهد ( وأي شخص كان بنفس القاعة الترم قبل الماضي يذكر هالشي ) ولكن الطلاب للأسف أرتضوا على انفسهم الكلام المشين وسكتوا .. في هالحالة أنا ما أسميه حلم أسميه ضعف وقلة رجولة لأنه أحيانا يا أخ مجبور التصرفات تكون خارجة عن الإرادة خاصة فيما يستحق
أنا ما أشجع على العنف ولا أقره خصوصاً إني شخص أحترم النظام جداً وأسأل عني موبايلي وجرير مؤخراً وغيرهم وغيرهم


في الآخير اخوي بارك الله فيك اللي نسعى له من خلال هالطرح هو إصال رسالة لكلا الطرفين بتحسين العلاقة وحكمة التصرف وحسن الخلق ورقي الفكر ومعرفة التعامل مع كافة شرائح الأنماط الفكرية .. للأسف العلاقة الأخلاقية من كلا الطرفين أصبحت في تدهور مستمر خصوصاً في صروح يجب أن تكون هي المنشأ والمورد والمصدر الرئيس المهتم بمخرجات التنمية الأخلاقية




تحياتي مجبور